ຂ່າວເດັ່ນ

ອົດສະຕຣາລີ ຊ່ວຍວຽກງານອຸດສາຫະກຳ ແລະ ການຄ້າ 112 ຕື້ກີບ!

ກະຊວງ​ອຸດສາຫະກຳ ແລະ ການ​ຄ້າ ​ໄດ້​ຈັດ​ພິທີ​ຮັບ​ທຶນ​ຊ່ວຍເຫຼືອ​ເພີ່ມ​ເຕີມ​ຈາກ​ລັດຖະບານອົດ​ສະ​ຕຣາ​ລີ ເຂົ້າ​ໃນ​ໂຄງການພັດທະນາ​ການ​ຄ້າ​ໄລຍະ 2 (TDF II) ຂຶ້ນ​ວັນ​ທີ 13 ມີນາ 2017 ທີ່​ກະຊວງ​ດັ່ງກ່າວ ກ່າວມອບ​ໂດຍ​ທ່ານ ຈອນ ວິນ​ລຽມ ເອກ​ອັກ​ຄະ​ລັດ​ຖະ​ທູດ​ອົດ​ສະ​ຕຣາລີ ປະຈຳ​ລາວ ແລະ ກ່າວ​ຮັບໂດຍ​ທ່ານ ສົມ​ຈິດ ອິນ​ທະ​ມິດ ຮອງ​ລັດຖະມົນຕີ​ກະຊວງ​ອຸດ​ສາຫະ​ກຳ ແລະ ການ​ຄ້າ ມີ​ທ່ານນາງ ຊາລີ ເບີນ​ນິງ​ແຮມ ຫົວໜ້າທະນາຄານ​ໂລກ​ປະຈຳ​ລາວ ພ້ອມ​ດ້ວຍ​ພາກສ່ວນ​ກ່ຽວຂ້ອງ ເຂົ້າ​ຮ່ວມ.

ໂຄງການ​ພັດທະນາ​ການ​ຄ້າ ໄລຍະ 2 ໄດ້​ຮັບ​ການຈັດຕັ້ງ​ປະຕິບັດ​ໂດຍ​ກະຊວງ​ອຸດສາຫະກຳ ແລະ ການ​ຄ້າ ເພື່ອ​ສະໜັບ​ສະໜູນ​ຄວາມ​ພະຍາຍາມ​ຂອງ​ລັດຖະ​ບານ ຍາດ​ແຍ່ງ​ດຶງ​ດູດ​ນັກ​ລົງທຶນ​ທີ່​ມີ​ຄຸນະພາບ​ຈາກ​ຕ່າງ​ປະເທດ ລັດຖະບານ​ຈະ​ປັບປຸງ ແລະ ສ້າງ​ສະພາບ​ແວດ​ລ້ອມ​ດ້ານ​ລະບຽບ​ການ​ ທີ່​ເອື້ອ​ອຳນວຍ​ຕໍ່​ກັບການ​ດຳເນີນ​ທຸລະ​ກິດ​ໃຫ້​ຫຼາຍ​ຂຶ້ນ ໂຄງການ​ໄດ້​ຮັບ​ການ​ສະໜອງ​ທຶນ​ຈາກ​ລັດຖະບານ​ອົດ​ສະ​ຕຣາ​ລີ ຈຳນວນ 2,5 ລ້ານ​ໂດ​ລາ​ສະຫະລັດ ຫຼື ປະມານ 20 ຕື້​ກີບ ຈັດ​ຕັ້ງ​ປະຕິ​ບັດ​ຮອດ​ເດືອນ​ກັນຍາ 2018 ເຊິ່ງ​ໂຄງການ​ຈະ​ໄດ້​ຊ່ວຍ​ປັບປຸງສະພາບ​ແວດ​ລ້ອມ ແລະ ລະບຽບ​ການ​ໃນ​ການ​ຄຸ້ມ​ຄອງ​ການເຄື່ອນ​ຍ້າຍ​ສິນຄ້າ ແລະ ຂະແໜງ​ການ​ບໍລິການ​ເປົ້າ​ໝາຍ ເຊັ່ນ: ຂະແໜງການ​ໂທລະ​ຄົມ ແລະ ການ​ຄ້າ ດ້ານ​ກະສິກຳ ນອກ​ນີ້ ໂຄງການ​ຍັງ​ໄດ້​ຊ່ວຍ​ຫົວໜ່ວຍ​ທຸລະ​ກິດ​ເອກະ​ຊົນ​ຫຼາຍກວ່າ 200 ບໍລິສັດ ໃຫ້​ມີ​ຄວາມສາມາດ​ໃນ​ການ​ແຂ່ງຂັນ​ຫຼາຍຂຶ້ນ ຜ່ານ​ກອງ​ທຶນ​ສົມທົບ​ພາກ​ທຸລະ​ກິດ​ເພື່ອ​ຊ່ວຍ​ໃນ​ການ​ເພີ່ມລາຍ​ຮັບ ແລະ ສ້າງ​ວຽກ​ເຮັດງານ​ທຳ.


ທຶນ​ຊ່ວຍເຫຼືອ​ລ້າ​ດັ່ງກ່າວ ແມ່ນ​ການ​ປະກອບສ່ວນ​ເພີ່ມ​ເຕີມຂອງ​ປະເທດ​ອົດ​ສະ​ຕຣາ​ລີ ​ເຂົ້າ​ໃນກອງ​ທຶນ​ການ​ຊ່ວຍເຫຼືອ​ຂອງ​ຫຼາຍຝ່າຍ ເພື່ອ​ພັດທະນາ​ດ້ານ​ການຄ້າ ເຊິ່ງ​ກອງ​ທຶນ​ມີ​ມູນ​ຄ່າ​ເບື້ອງຕົ້ນ 14 ລ້ານ​ໂດ​ລາ ຫຼື ປະມານ 112 ຕື້​ກີບ ໂດຍ​ໄດ້​ຮັບ​ການ​ປະກອບ​ສ່ວນ​ຈາກ​ປະເທດ​ອົດ​ສະຕຣາ​ລີ ໄອ​ແລນ ອາ​ເມ​ຣິ​ກາ ສະຫະ​ພາບ​ເອີ​ຣົບ ເຢຍ​ລະ​ມັນ ແລະ ທະນາຄານ​ໂລກ.


________
ປະກາດ ຮ່ວມສ້າງຄວາມສຸກສູ່ສັງຄົມລາວ



ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.