ຂ່າວເດັ່ນ

Huawei GR5 2017 ຜູ້ນໍາເທຣນ ສໍາລັບຄົນບໍ່ຕົກເທຣນ 2017 (ມີຄລິບຣິວິວ)


#ກ້ອງທີ່ສ້າງສັນຄວາມສົມບູນແບບ

ສໍາລັບຂ້ອຍ, ສິ່ງທີ່ປະທັບໃຈທີ່ສຸດໃນ GR5 2017 ຕ້ອງແມ່ນ ກ້ອງເລັນຄູ່. ກ້ອງຫຼັງ ຄວາມລະອຽດສູງ 12MP ແລະ ອີກ 2MP ທີ່ເຮັດວຽກຄູ່ກັນ ເພື່ອໃຫ້ໄດ້ຄວາມເລິກຂອງຮູບພາບ ແລະ ສ້າງ effect ຕ່າງໆ ລວມທັງ ຮູບພາບ ແບບໜ້າແຈ້ງ ຫຼັງ blur. ການຖ່າຍຮູບພາບໃຫ້ໄດ້ຄວາມສວຍງາມ ບໍ່ແມ່ນເລື່ອງຍາກອີກຕໍ່ໄປ ດ້ວຍກ້ອງເລັນຄູ່ນີ້. ການເກັບລາຍລະອຽດຂອງສີ ແມ່ນມີຄວາມຖືກຕ້ອງຄົມຊັດ. ເຊັ່ນດຽວກັນກັບການຖ່າຍຮູບໃນຮົ່ມ ແມ່ນ ເຮັດໄດ້ຢ່າງບໍ່ມີບ່ອນຕິ ແຕ່ສະເພາະໂທນສີເຢັນ. ກ້ອງຂອງ GR5 2017 ນີ້ ຈະມີຄໍາແນະນໍາຂຶ້ນມາໃຫ້ເຮົາຖ່າຍຮູບວັດຖຸໃນໄລຍະຫ່າງບໍ່ເກີນ 2 ແມັດ ຫຼື ຖ່າຍໃກ້ໆ.



ດ້ວຍເລັນກ້ອງທີສອງ 2MP ເຮັດໃຫ້ເຮົາສາມາດເລືອກຈຸດທີ່ຢາກໃຫ້ blur ໄດ້, ມັນເຮັດໃຫ້ເຫັນຄວາມມີມິຕິຂອງຮູບ ແລະຄວາມໜ້າສົນໃຈຂອງຮູບນັ້ນ. ສ່ວນກ້ອງໜ້າເຊວຟີ້ 8MP ແມ່ນເກີນຄວາມຄາດໝາຍກັບຮູບທີ່ໄດ້ພື້ນຜິວ ລະອຽດສວຍງາມ ແລະ ສີທີ່ເປັນທຳມະຊາດ. ໂໝດຄຳສັ່ງຕ່າງໆໃນກ້ອງ ແມ່ນສຸດຍອດເຊັ່ນດຽວກັນ ຄື ເຮົາສາມາດຖ່າຍວິດີໂອແບບເຄື່ອນໄຫວຊ້າໄດ້, ຖ່າຍຮູບ panoramas, ຖ່າຍຮູບໂໝດ HDRs, ຖ່າຍຮູບແບບ timelapses (ພາບເຄື່ອນໄຫວທີ່ໄວກວ່າປົກກະຕິ), ຖ່າຍວິດີໂອ full hd ແລະອື່ນໆອີກ.

ລຸ້ນທີ່ມີຈໍາໜ່າຍໃນລາວ ແມ່ນມາພ້ອມຄວາມຈໍາເຄື່ອງ 32GB ແລະ RAM 3GB, ຂອບໂຄ້ງ 2.5D, ຕົວເຄື່ອງເຮັດດ້ວຍແກ້ວ ແລະໂລຫະ. ນີ້ເປັນໜ່ວຍ ຄວາມຈໍາ ແລະ ຄຸນສົມບັດທີ່ຂ້ອນຂ້າງຫຼາຍສົມຄວນ ສໍາລັບສະມາດໂຟນ ລະດັບກາງ ລາຄາປະຢັດ.


#ສະແກນລາຍນິ້ວອັດສະລິຍະ 10/10
Huawei GR5 2017 ໄດ້ນໍາຄວາມສະດວກສະບາຍມາໃຫ້ເຮົາ ດ້ວຍເຊັນເຊີ້ ສະແກນລາຍນິ້ວມືທີ່ຢູ່ດ້ານຫຼັງຕົວເຄື່ອງ, ນີ້ເປັນສິ່ງທີ່ບໍ່ຄ່ອຍໄດ້ເຫັນໃນ ສະມາດໂຟນລະດັບກາງ ແຕ່ GR5 2017 ໄດ້ສ້າງການປ່ຽນແປງຄັ້ງໃໝ່ ແລະນັ້ນເປັນສິ່ງທີ່ດີ, ເຮົາບໍ່ຈໍາເປັນໄປຊອກສະມາດໂຟນແພງໆ ເພື່ອທີ່ຈະໄດ້ ໃຊ້ ເຕັກໂນໂລຊີທີ່ທັນສະໄໝແບບນີ້. ສິ່ງທີ່ປະທັບໃຈໃນເຊັນເຊີ້ສະແກນ ລາຍນິ້ວມືນີ້ ຄືການຕອບສະໜອງໄດ້ຢ່າງວ່ອງໄວ, ພຽງການສໍາຜັດຄັ້ງດຽວ ກໍ່ໄດ້ແລ້ວ! ມັນຊ່ວຍໃຫ້ເຮົາປົດລ໋ອກໄດ້ຢ່າງປອດໄພ ແລະ ທັນໃຈເມື່ອເຮົາ ກໍາລັງຟ້າວ, ໃຫ້ຄະແນນ 10 ເຕັມ 10 ໄປເລີຍ.



#ແບັດເຕີລີ້ທົນເພື່ອຜູ້ໃຊ້ງານຢ່າງຕໍ່ເນື່ອງ
Huawei GR5 2017 ມາພ້ອມແບັດເຕີລີ້ຄວາມຈຸ 3,340mAh, ທົດສອບແລ້ວ ໃຊ້ງານໄດ້ເຖິງ 24 ຊົ່ວໂມງ ສໍາລັບການໃຊ້ແບບປົກກະຕິ. ດ້ວຍເຄື່ອງນີ້ ບໍ່ມີບັນຫາເລີຍໃນການໃຊ້ຕະຫຼອດວັນ ບໍ່ວ່າຈະເປັນ GPS, ກ້ອງຖ່າຍຮູບ, ສັງຄົມອອນລາຍຕ່າງໆ ແລະ ອື່ນໆອີກ. ການສາກແບັດເຕີລີ້ກໍ່ໃຊ້ເວລາ ປະມານ 2 ຊົ່ວໂມງເຄິ່ງ ຈາກ 0 ກໍ່ເຕັມ 100%. ຕ້ອງບອກວ່າປະທັບໃຈຫຼາຍ.

#ສຽງໃສມີຊີວິດຊີວາ

________
ປະກາດ ຮ່ວມສ້າງຄວາມສຸກສູ່ສັງຄົມລາວ






ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.