ຂ່າວເດັ່ນ

ຫົວເຫວີຍກ້າວເຂົ້າສູ່ການເປັນໜຶ່ງໃນສາມອັນດັບສູງສຸດ ໃນສ່ວນແບ່ງການຕະຫຼາດສະມາດໂຟນລະດັບໂລກ

ອຸດສາຫະກໍາຫົວເຫວີຍໄດ້ມີການຂະຫຍາຍຕົວ ປີຕໍ່ປີຢູ່ທີ່ 30.2% ໃນປີ 2016 ເຂົ້າກວມເອົາ 10% ຂອງຕະຫຼາດສະມາດໂຟນລະດັບໂລກ.

ທີ່ເມືອງເສີນເຈີ້ນ, ປະເທດຈີນ (Month, Date) - ອີງຕາມຂໍ້ມູນຈາກ ບໍລິສັດວິເຄາະກົນລະຍຸດຊັ້ນນໍາ ແລະວິໄຈຄວາມແຕກຕ່າງ, ກຸ່ມທຸລະກິດຜູ້ຊົມໃຊ້ຫົວເຫວີຍ (CBG) ໄດ້ກາຍເປັນຜູ້ຜະລິດສະມາດໂຟນທີ່ໃຫຍ່ທີ່ສຸດ ເປັນອັນດັບສາມໃນສ່ວນແບ່ງການຕະຫຼາດ ກວມເອົາ 10% ຂອງຕະຫຼາດສະມາດໂຟນລະດັບໂລກ. ໃນຂະນະດຽວກັນ, ການຈັດສົ່ງສະມາດໂຟນທົ່ວໂລກ ຂະຫຍາຍຕົວ 2.3% ປີຕໍ່ປີ ໃນປີ 2016, ທັງໝົດ 1.74 ພັນລ້ານເຄື່ອງ. ຕະຫຼາດຈີນ ມີສ່ວນຮ່ວມເປັນສ່ວນໃຫຍ່ ທັງໝົດ 467 ລ້ານເຄື່ອງ ໄດ້ຖືກຈັດສົ່ງໃນໜຶ່ງປີ. ສໍາລັບຫ້າອັນດັບສູງສຸດ, Samsung, Apple, Huawei, OPPO ແລະ Vivo ຊຶ່ງສາມຜູ້ຜະລິດຈາກຈີນລວມກັນ ກວມເອົາເກືອບ 20% ໃນສ່ວນແບ່ງການຕະຫຼາດທົ່ວໂລກ. ຫົວເຫວີຍໄດ້ຈັດສົ່ງ 75 ລ້ານເຄື່ອງໃນປີ 2014 ເປັນ 108 ລ້ານເຄື່ອງ ໃນປີ 2015 ແລະ 139.3 ລ້ານເຄື່ອງໃນປີ 2016 ຊຶ່ງເພີ່ມຂຶ້ນ 30.2% ເມື່ອທຽບກັບ 2015.



#ເສັ້ນທາງສູ່ຄວາມໝັ້ນຄົງ: ມີການປ່ຽນແປງ ຫຼື ບໍ່ມີການປ່ຽນແປງ
ຫົວເຫວີຍໄດ້ເປີດໂຕ Huawei P9 ແລະ Huawei Mate 9 ໃນປີ 2016, ສະມາດໂຟນທີ່ມີປະສິດທິພາບສູງ ທີ່ລວມເຕັກໂນໂລຊີໃໝ່, ການອອກແບບການເຮັດວຽກຂອງເຄື່ອງ ແລະໃຊ້ງານໄດ້ງ່າຍ. ຍອດຂາຍ Huawei P9 ທົ່ວໂລກ ຫຼາຍກວ່າ 10 ລ້ານເຄື່ອງ, ເປັນລຸ້ນທໍາອິດຈາກຫົວເຫວີຍທີ່ສ້າງປະຫວັດສາດຄັ້ງໃໝ່.
Tina Lu, ນັກວິເຄາະຄວາມແຕກຕ່າງ ຝ່າຍອາວຸໂສ ໄດ້ກ່າວວ່າ: “ຫົວເຫວີຍເປັນດາວເດັ່ນທີ່ມາແຮງ ໃນເດືອນທັນວາ 2016, ຊຶ່ງເປັນຄວາມສໍາເລັດທີ່ໂດດເດັ່ນສໍາລັບບໍລິສັດຈີນ, ແລະຜົນການດໍາເນີນງານໃນອາເມລິກາເໜືອ ແລະຕະຫຼາດອາຊີ ຈະມີຄວາມໝາຍສໍາຄັນ. ຖ້າສາມາດສ້າງຄວາມແຂງແຮງໃນຕະຫຼາດເອີລົບ, ອາເມລິກາລາຕິນ, ຕາເວັນອອກກາງ ແລະ ອາຟຣິກາ, ເມື່ອນັ້ນ ກໍ່ມີໂອກາດບັນລຸເປົ້າໝາຍນີ້.
ຫົວເຫວີຍໄດ້ປັບປ່ຽນວິທີການດ້ວຍກົນລະຍຸດຊ່ອງທາງ, ມີການຂະຫຍາຍຮ້ານຄ້າບໍລິການ offline ໃຫ້ຫຼາຍຂຶ້ນກວ່າ 460 ແຫ່ງ ພາຍໃນ 45 ປະເທດທົ່ວໂລກ. ບໍລິສັດ ໄດ້ເປີດແຜນ “1,000-county” ໃນຈີນ ເພື່ອສ້າງຮ້ານຄ້າໃນ 1,000 ເຂດທົ່ວປະເທດ. ຫົວເຫວີຍຍັງໄດ້ສ້າງຄວາມຮ່ວມມືໄລຍະຍາວ ແລະ ໝັ້ນຄົງກັບຜູ້ຈັດຈໍາໜ່າຍ ແລະ ຮ້ານຄ້າຍ່ອຍ ທົ່ວທຸກມູມໂລກ. ຈໍານວນຮ້ານຄ້າຍ່ອຍ ທີ່ຈໍາໜ່ວຍອຸປະກອນຫົວເຫວີຍທົ່ວໂລກ ຍັງເພີ່ມຂຶ້ນອີກເຖິງ 70,000 ຮ້ານຄ້າ.


#ເສັ້ນທາງສູ່ຄວາມໂດດເດັ່ນ: ການລົງທຶນ ແລະ ຄວາມຮ່ວມມື
ການລົງທຶນເຂົ້າໃນງານວິໄຈແລະພັດທະນາ ເປັນຈຸດສໍາຄັນ ທີ່ນໍາໄປສູ່ການພັດທະນາຄຸນສົມບັດຂັ້ນສູງ ແລະ ເຕັກໂນໂລຊີຂອງຜະລິດຕະພັນຫົວເຫວີຍ. ຫົວເຫວີຍ ໄດ້ລົງທຶນເຖິງ 10% ຂອງຍອດຂາຍປະຈໍາປີ ສໍາລັບງານວິໄຈ ແລະ ພັດທະນາ (R&D), ເພື່ອສ້າງປະສົບການທີ່ເປັນເລີດໃຫ້ຜູ້ຊົມໃຊ້ສະມາດໂຟນ. ອີງຕາມຜົນສໍາຫຼວດຂອງ IPSOS, ການຮັບຮູ້ເຖິງຄວາມເປັນແບຣນຫົວເຫວີຍ ເພີ່ມຂຶ້ນຈາກ 76% ໃນປີ 2015 ເປັນ 81% ໃນປີ 2016 ຊຶ່ງໄດ້ຮັບການຍ້ອງຍໍ ແລະ ເປັນທີ່ຍອມຮັບຈາກຜູ້ໃຊ້ງານ ເຖິງສິນລະປະການອອກແບບ, fashion ແລະ ຄວາມຄິດສ້າງສັນ ຂອງຫົວເຫວີຍ.

ໃນສະມາດໂຟນ P ແລະ Mate Series, ຫົວເຫວີຍໄດ້ຮ່ວມມືກັບແບຣນທີ່ມີຊື່ສຽງຈາກຕ່າງປະເທດຄື Leica ແລະ Porsche Design ເພື່ອສ້າງແລະຂະຫຍາຍແນວຄວາມຄິດຂອງຫົວເຫວີຍ ຜ່ານການຮ່ວມມືກັບຜູ້ນໍາໃນດ້ານຕ່າງໆ, ຊຶ່ງມັນໄດ້ໃຫ້ຜົນໄປໃນທາງທີ່ດີ ຫົວເຫວີຍໄດ້ມີຊື່ເຂົ້າໃນສະຖາບັນຕ່າງໆທົ່ວໂລກ. ໃນປີ 2016 ຫົວເຫວີຍໄດ້ມີຊື່ ເປັນອັນດັບ 72 ໃນການຈັດອັນດັບ 100 ແບຣນທີ່ດີທີ່ສຸດລະດັບໂລກ Interbrand, ນອກນັ້ນຍັງໄດ້ຮັບການຈັດອັນດັບໃນ BrandZ 100 ແບຣນທີ່ມີມູນຄ່າຫຼາຍທີ່ສຸດໃນໂລກ ເປັນອັນດັບທີ 50. ຄວາມສໍາເລັດດັ່ງກ່າວສົ່ງຜົນໃຫ້ເຫັນໄດ້ໃນຍອດຂາຍທົ່ວໂລກ, ຊຶ່ງເປັນເຄື່ອງພິສູດວ່າ ຫົວເຫວີຍເປັນທີ່ນິຍົມສໍາລັບຜູ້ໃຊ້ສະມາດໂຟນ.

ຫົວເຫວີຍໄດ້ຂະຫຍາຍຂອບເຂດການຮ່ວມມືຈາກເຕັກໂນໂລຊີໄປສູ່ຕະຫຼາດ lifestyle, fashion, entertainment ແລະ ກິລາ. ນັກເຕະບານທີ່ມີຊື່ສຽງ Lionel Messi ແລະ ດາລາ Hollywood ເຊັ່ນ Scarlett Johansson ແລະ Henry Cavill ໄດ້ໃຫ້ການຍອມຮັບໃນຫົວເຫວີຍ ຊຶ່ງເປັນການຂະຫຍາຍການຮັບຮູ້ແບຣນຫົວເຫວີຍ ໃຫ້ແກ່ກຸ່ມຜູ້ຊົມຂຶ້ນຕື່ມ.



#ກົນລະຍຸດລະດັບໂລກ ແລະ ລະດັບທ້ອງຖິ່ນເພື່ອຄວາມສໍາເລັດ
ຫົວເຫວີຍໄດ້ກາຍເປັນໜຶ່ງໃນສາມຜູ້ຜະລິດສະມາດໂຟນທີ່ໃຫຍ່ທີ່ສຸດໃນໂລກ, ຕ້ອງຂອບໃຈໄປທີ່ແຜນກົນລະຍຸດໃນປະເທດທີ່ແຕກຕ່າງກັນ ຊຶ່ງມີຂໍ້ໄດ້ປຽບໃນບາງພື້ນທີ່. “ຫົວເຫວີຍຮັກສາຕໍາແໜ່ງອັນດັບສາມໄວ້ ດ້ວຍ 10% ຂອງສ່ວນແບ່ງການຕະຫຼາດໃນ Q4 ປີ 2016, ເປັນຄັ້ງທໍາອິດທີ່ບໍລິສັດໄດ້ຕົວເລກເປັນສອງເທົ່າ. ມັນເປັນສິ່ງທີ່ປະທັບໃຈຫຼາຍ.” Woody Oh ຜູ້ອໍານວຍການໃຫຍ່ຝ່າຍການວິເຄາະກົນລະຍຸດ ກ່າວ. “ຜົນການດໍາເນີນງານໃນຕ່າງປະເທດ ເຊັ່ນ ເອີລົບຕາເວັນຕົກ ແມ່ນຍົກລະດັບສູງຂຶ້ນ ເນື່ອງຈາກການອອກແບບທີ່ດີຂຶ້ນ, ການຕະຫຼາດທີ່ມີປະສົບການຫຼາຍຂຶ້ນ ແລະ ການຄ້າຍ່ອຍລະດັບເລິກ”.

________
ປະກາດ ຮ່ວມສ້າງຄວາມສຸກສູ່ສັງຄົມລາວ



ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.