ຂ່າວເດັ່ນ

ເຂົ້າສານ 500 ໂຕນຈາກແຂວງສະຫວັນນະຂດ ໄດ້ສົ່ງໄປເຖິງສປ ຈີນເປັນຄັ້ງທີ 2 ແລ້ວ


ເຂົ້າສານ 500 ໂຕນຈາກແຂວງສະຫວັນນະຂດ ໄດ້ສົ່ງໄປເຖິງສປ ຈີນເປັນຄັ້ງທີ 2 ແລ້ວ

ເມື່ອບໍ່ດົນມານີ້, ສະຫວັນນະເຂດ ໄດ້ສົ່ງອອກເຂົ້າສານທີ່ຜະລິດໃນແຂວງຂອງຕົນ ຈຳນວນ 500 ໂຕນ ໄປຍັງ ສປ ຈີນ ເປັນຄັ້ງທີ 2 ແລ້ວ, ຊຶ່ງພິທີໄດ້ຈັດ ຂຶ້ນທີ່ຂົວມິດຕະພາບ2 ສະຫວັນ ນະເຂດ-ມຸກດາຫານ, ໂດຍການເຂົ້າຮ່ວມຂອງທ່ານ ດຣ ບຸນຂວາງ ຄຳບຸນເຮືອງ ລັດຖະມົນຕີຊ່ວຍວ່າການກະຊວງກະສິກຳ-ປ່າໄມ້.

ການສົ່ງອອກເຂົ້າສານໄປທີ່ປະເທດຈີນຄັ້ງນີ້ ແມ່ນສືບຕໍ່ປະຕິບັດຕາມບົດບັນທຶກຮ່ວມລະຫວ່າງພະແນກກະສິກຳ-ປ່າໄມ້ແຂວງສະຫວັນນະເຂດ ແລະ ອົງການສະບຽງອາຫານຂອງແຂວງ ຫູນານ ສປ ຈີນ, ທີ່ໄດ້ເຊັນກັນໃນວັນທີ 26 ທັນວາ 2014, ໂດຍ ແມ່ນບໍລິສັດ ຊວນເຢ (ລາວ) ຈຳກັດ ເປັນຜູ້ຈັດຕັ້ງ
ປະຕິບັດໃນການຜະລິດເຂົ້າເປັນສິນຄ້າດັ່ງກ່າວ. ນອກນັ້ນທັງສາມຝ່າຍຄື: ກົມປູກຝັງຂອງລາວ, ອົງການສະບຽງອາຫານແຂວງ ຫູນານ ແລະພະແນກກະສິກຳ-ປ່າໄມ້ແຂວງສະ ຫວັນນະເຂດໄດ້ເຊັນບົດບັນທຶກກ່ຽວກັບແຜນການສຳຫຼວດ ແລະ ສ້າງເຂດພັດທະນາ ກະສິກຳທັນສະໄໝຂຶ້ນອີກແຫ່ງໜຶ່ງ ເພື່ອແນໃສ່ສ້າງແຂວງສະຫວັນນະເຂດເປັນບ່ອນທົດລອງແນວພັນເຂົ້າຊະນິດໃໝ່ ທີ່ມີສະມັດຕະພາບສູງ, ພ້ອມຈະດຳເນີນການເຝິກອົບຮົມບຸກຄະລາກອນ, ສາທິດການນຳໃຊ້ອຸປະກອນກົນຈັກທັນສະໄໝ, ສ້າງລານຕາກ, ເຄື່ອງອົບເມັດ, ເຄື່ອງຄັດເມັດ, ສ້າງໂຮງງານປຸງແຕ່ງ, ຫຸ້ມຫໍ່, ສ້າງສາງເກັບຮັກສາ, ແລະອື່ນໆ.

ສຳລັບການຈັດຕັ້ງປະຕິບັດໃນຮູບແບບ 2+3 ຢູ່ເມືອງຈຳພອນ ໃນປີ 2015 ຜ່ານມາແມ່ນສາມາດປະຕິບັດໄດ້ໃນເນື້ອທີ່ 2.000 ເຮັກຕາ ແລະ ຍ້ອນເຫັນໄດ້ຄວາມສຳຄັນຂອງການຮ່ວມມືດັ່ງກ່າວໃນສົກປີ 2015-2016 ລັດຖະບານຈີນ ຈິ່ງຕົກລົງອະນຸມັດໂກຕານຳເຂົ້າເຂົ້າສານຈາກແຂວງສະຫວັນນະເຂດ ຈຳນວນ 8.000 ໂຕນ ໂດຍມອບໃຫ້ບໍລິສັດຊວນເຢ (ລາວ) ເປັນຜູ້ຈັດຕັ້ງປະຕິບັດ ແລະ ເພື່ອບັນລຸເປົ້າໝາຍດັ່ງກ່າວ ທາງບໍລິສັດໄດ້ສະໜອງແນວພັນເຂົ້າ ແລະ ຝຸ່ນໃຫ້ຊາວກະສິກອນທີ່ເປັນເຄືອຂ່າຍໃນເຂດ ພື້ນທີ່ໂຄງການ. ສ່ວນລາຄາເກັບຊື້ຈາກຊາວກະສິກອນແມ່ນ 2.700 ກີບຕໍ່ ກິໂລ, ເຂົ້າເປືອກ ແລະ ແຂວງສະຫວັນນະເຂດກໍມີຄວາມພ້ອມ ເພື່ອຕອບສະໜອງຄວາມຕ້ອງການດັ່ງກ່າວຈາກແຫລ່ງຜະລິດຢູ່ເມືອງຈຳພອນ ມີ 3 ຈຸດເຊັ່ນ: ຍອດບັກ, ໂພນທອງ-ໂພນມ່ວງ ແລະ ຫ້ວຍທວດ, ເມືອງສອງຄອນ, ເມືອງໄຊພູທອງ, ເມືອງໄຊບູລີ, ເມືອງໄກສອນ ພົມວິຫານ, ເມືອງອຸທຸມພອນ ແລະເມືອງອື່ນໆອີກ.

ພາບແລະຂ່າວ: ລາວພັດທະນາ

ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.