ຂ່າວເດັ່ນ

ໃຊ້ງົບພຽງ 600,000 ກີບ ທ່ຽວຫຼວງພະບາງໄດ້ສະບາຍ ໂດຍ: Alaotheworld - No Thongthimahaxay




ທ່ຽວຫຼວງພະບາງຈາກນະຄອນຫຼວງວຽງຈັນ ໃຊ້ງົບ 600,000 ກີບ

ກ່ອນອື່ນໝົດກະຕ້ອງໄປຄິວລົດສາຍເໜືອ ສຳລັບໃຜທີ່ບໍ່ຢາກຈ້າງລົດໄປກະເອົາລົດໄປຟາກຢູ່ຄິວເລີຍກະໄດ້ ຄືນລະປະມານ 10.000 ກີບ ຫຼັງຈາກນັ້ນກະໄປຊື້ປີ້ກະເຈົ້າຈະມີປ້າຍບອກລາຄາຢູ່ບ່ອນຂາຍປີ ມີຫຼາຍລາຄາ ເລີ່ມແຕ່ 110.000 - 150.000 ກີບ ຄວາມໄຮໂຊກະຕາມລາຄາເລີຍເນາະ ຕອນທຳອິດຂ້ອຍຊື້ປີ້ 130.000 ກີບ ແຕ່ຕໍ່ມາປ່ຽນເປັນ 150.000 ກີບ ຍ່ອນລົດເພິ່ນມີບັນຫາວ່າຊັ້ນເດ໋ ເວລາອອກແມ່ນ 8:30 PM ກ່ອນອື່ນຕ້ອງຂໍເລົ່າວ່ານີ້ແມ່ນຄັ້ງແລກທີ່ໄປທ່ຽວຄົນດຽວ ແລະ ກະເຄີຍຊື້ປີ້ເປັນຄັ້ງແລກຄືກັນ ສຳລັບໃຜທີ່ບໍ່ເຄີຍກະບໍ່ຕ້ອງຢານ ໃຊ້ປາກເປັນ Navigator ເອົາເນາະ ຕອນນັ້ງຖ້າລົດກະໄດ້ໝູ່ມາ 2 ຄົນ ເປັນ solo backpackers ທັງສອງ (Idol) ຄົນໃນຮູບມາແຕ່ບາຊີວ ແຕ່ເຮັດວຽກຢູ່ ນິວຊີແລນ ອາຍຸປະມານ 30 ຕົ້ນໆ ມີແຜນທ່ຽວໃນ ASEAN 1ເດືອນເຕັມໆ ແຕ່ກ່ອນທ່ຽວກັບໝູ່ ກັບແຟນ ແຕ່ດຽວນີ້ບໍ່ມີແຟນແລ້ວ ແລະ ກະເລີ່ຍ SOLO ດ່ຽວເລີຍຊະ ແລະ ອີກໝໍໜຶ່ງບໍ່ມີຮູບມາແຕ່ເມື່ອງທີ່ໜ້າຕື້ນເຕັ້ນຫຼາຍຊື່ວ່າ ອິດສະລາເອວ ຫາກະຮຽນຈົບມັດທະຍົມ ກະເລີຍຕັດສິນໃຈມາເລາະເປີດຫູເປີດຕາກ່ອນຈຶ່ງກັບໄປຮຽນຕໍ່ (ເຈັງອະ IDOL)ຂ້ອຍ: ເຈົ້າບໍ່ຢ້ານວະທີ່ມາທ່ຽວຄົນດຽວນະຮຶ?

ທ້າວ ອິດສະລາເອວ (ບໍ່ຈື່ຊື່ທ້າວ) : ຢ້ານຫຍັງ ຢູ່ບ້ານຂ້ອຍແຮງເປັນຕາຢ້ານກ່ອນນິ...
ງານລ້ຽງຕ້ອງມີເລີກລາ ທ້າວ ບາຊີວ ໄປທ່ຽວໄທຕໍ່ ທ້າວ ອິດສະລາເອວ ໄປຫຼວງພະບາງຄືກັນກັບຂ້ອຍ ນັ້ງລົດຄັນດຽວກັນອີກ ແຕ່ເມື່ອລົງລົດແລະກະໄປໃຜໄປມັນ ຈັງໃດກະຢ່າຫວັງວ່າຈະໄດ້ເຈິພວກເຈົ້າອີກ ມື້ໃດມື້ໜຶ່ງ ບ່ອນໃດບ່ອນໜຶ່ງ ໃນໂລກອັນມົນໆນິແລະ....

ຕອນນັ້ງຖ້າລົດກະໄດ້ໝູ່ມາ 2 ຄົນ ເປັນ solo backpackers ທັງສອງ (Idol) ຄົນໃນຮູບມາແຕ່ບາຊີວ

ຫຼັງຈາກທີ່ນອນລັບໆຕື່ນໆຍ່ອນທາງອັນໂຮດຮ້າຍ 13 ເໜືອ ສຸດທ້າຍກະມະຮອດຫຼວງພະບາງແລ້ວເຢ!!!!!!!! ປະມານ 6 ໂມງເຊົ້າ ຫຼັງຈາກນັ້ນຜູ້ໂດຍສານທຸກຄົນກະພາກັນລົງລົດບາງຄົນກະຈ້າງລົດຕຸກໆ 2 ແຖວ 3 ແຖວ ເພື່ອໄປໃນຕົວເມືອງ ແຕ່ສຳລັບຂ້ອຍແລ້ວຖ່ອງຂື້ນໃຈວ່າ (SAVE MONEY FIRST) ກະເລີຍຕັດສິນໃຈຍ່າງໂດຍທີ່ບໍ່ມີຂໍ້ມູນຫຍັງເລີຍ ໃຊ້ສູດເກົ່າໃຊ້ປາກນຳທາງ ຫຼັງຈາກທີ່ຍ່າງໄປ ຖາມໄປ ຊົມວິວຂ້າງທາງໄປປະມານ 2 HOURS ສຸດທ້າຍກະຮອດຈຸດທີ່ໜ້າຈະເປັນໃຈກາງເມືອງຂອງຫຼວງພະບາງເພາະຖາມຄົນແຖວນັ້ນ ຕໍ່ມາແມ່ນຕ້ອງຊອກຫາບ່ອນພັກເຊົາເພາະວ່າຂາເລີ່ມລ່ອຍ ຈື່ໄວ້ວ່າ (ບໍ່ຮູ້ຫຍັງ ຢາກຮູ້ຫຍັງ ກະຕ້ອງຖາມ ອາຍຄູບໍ່ໄດ້ຄວາມຮູ້ ອາຍຖາມບໍ່ໄດ້ຫ້ອງດີໆຖືກໆ) ສຸດທ້າຍກະໄດ້ຫ້ອງດ່ຽວໃນລາຄາທີ່ຄິດວ່າ ຕົກລົງ ຄືນລະ 110.000 ກີບ ມີແອ ພັດລົມ ໂທລະທັດ ຫ້ອງນ້ຳໃຊ້ໄດ້ ພາບລວມ OK ແຕ່ຄິດໃນໄຈວ່າຢາກໄດ້ຖືກກ່ວານີ້ ສະຖານທີ່ຢູ່ແຖວໆຕະຫຼາດມືດ ຍ່າງເຂົ້າໄປທາງຮ້ອມທີ່ຕິດກັບ JOMA ມີຫຼາຍບ່ອນໃຫ້ເລືອກຕໍ່ລາຄາ.




ມາທ່ຽວກະຕ້ອງທ່ຽວໃຫ້ມັນຄຸ່ມຊິມານອນຢູ່ເສີຍໆບໍ່ໄດ້ ເກັບອຸປະກອນໃສ່ກະເປົາອັນນ້ອຍໆ ແລະ ກະເລີ່ມການທ່ຽວແບບແບັກແພັກເກີ ສອງຕີນ ສອງຕາ ໜຶ່ງປາກກະພໍແລ້ວ ຕອນທຳອິດຍ່າງສຳຫຼວດໃນຕົວເມືອງ ຫໍພະແກ້ວ ພູສີ (ຂື້ນພູໄປຊົມວິວຕົວເມືອງຢູ່ຈອມພູ ຂາບໍ່ແຂງບໍ່ແນະນຳ55) ສຳຫຼຸບຫຼວງພະບາງກະເປັນເມືອງແບບສະໄໝເກົ່າ ຂ້ອນຂ້າງຫງຽບສະຫງົບ ບັນຍາກາດຊິວຊິວ ສາມາດຍ່າງເລາະໄດ້ ແຕ່ຕ້ອງແຂງແຮງໜ້ອຍໜຶ່ງ (ຂ້ອຍເກືອບບໍ່ຫຼອດ) ຍ່າງໄປຍ່າງມາທ້ອງກະບອກວ່າບໍ່ໄຫວແລ້ວ ໄປຟາກທ້ອງຢູ່ຮ້ານອາຫານລາວຫ້ານໜຶ່ງບໍ່ຈື່ຊື່ ຂ້ອຍສັ່ງເຂົ້າພັດ ຈານລະ 15.000 ກີບ ລົດຊາດຜ່ານ ແຕ່ຕ້ອງຍ່າງອອກມາຈາກຕົວເມືອງໜ້ອຍໜຶ່ງ ເພາະຮ້ານອາຫານໃນຕົວເມືອງລາຄາຂ້ອນຂ້າງບໍ່ປະຢັດປານໃດ







ກອງທັບຕ້ອງເດີນດ້ວຍທ້ອງ ທ້ອງພ້ອມແລ້ວຂາກະຕ້ອງກ້າວຕໍ່ໄປ ຍ້ອນມາແບບມົ່ວໆບໍ່ມີແຜນກະເລີ່ຍບໍ່ຮູ້ຊິໄປໃສ ແຕ່ລະຫວ່າງທາງທີ່ກຳລັງຍ່າງຊົມວິວຢູ່ຮັນກະມີອ້າຍໜຶ່ງມາຖາມວ່າ

ອ້າຍ: ໄປຕາດກວາງຊີບໍ່?
ຂ້ອຍ: ທໍ່ໃດອ້າຍ?
ອ້າຍ : 50.000 ກີບ
ຂ້ອຍ : ລຸດໄດ້ທໍ່ໃດອ້າຍ?
ອ້າຍ : ອາ???? 40.000 ກີບ ໄປນ້ອງ
ຂ້ອຍ : 30.000 ນ໋ອກ ຄົນລາວເດ...(ໃຊ້ສິດຄວາມເປັນຜົນລະເມືອງໜ້ອຍໜຶ່ງ 555)
ອ້າຍ : ໄປໆ ຂື້ນລົດ

ກ່ອນຈະໄປອ້າຍໂຊເຟີກະຕ້ອງໄດ້ໄປຮັບນັກທ່ອງທ່ຽວຢູ່ແຕ່ລະໂຮງແຮມທີ່ກະເຈົ້າໄດ້ນັດໄວ້ ເວລາຜ່ານໄປປະມານ 40 ນາທີ ກະຮອດຕາດກວາງຊີ ແຕ່ກ່ອນເຂົ້າຕ້ອງໄດ້ຊື້ປີ້ອີກ ປະມານ 10.000 ກີບ ບໍ່ຈື່ປານໃດ ໄປຮອດຕາດປະມານ 1:00 PM ອ້າຍໂຊເຟີບອກວ່າໃຫ້ມາເຈີກັນຢູ່ລົດ 4:30 PM (ອັນນີ້ກະບໍ່ໝັ່ນໃຈເດີ ປະມານເອົາ) ຫຼັງຈາກນັ້ນກະມີແຕ່ກຽມຂາໃຫ້ພ້ອມແລະກະໄປເລີຍ!!!!!!!!!!!








































ຫຼັງຈາກທີ່ເຕັມອີ່ມກັບຕາດກວາງຊີເກືອບ 3H ກາໄດ້ເວລາກັບຄືນສູ່ຕົວເມືອງຫຼວງພະບາງ ຮອດຕົວເມືອງປະມານ 5 ໂມງປາຍ ກະພໍດີເລີຍໄປເບິ່ງຕາເວັນຕົກຢູ່ຈອມພູສີ





ເມື່ອເຕັມອີ່ມກັບທິວທັດຢູ່ເທິງຈອມພູສີແລ້ວ ແຕ່ທ້ອງມັນບໍ່ອີ່ມນຳກະເລີຍຕ້ອງລົງໄປຊອກຫຍັງກິນຈັກໜ້ອຍ ໂຊກດີລົງໄປພໍດີຕະຫຼາດມືດເປີດ ກະເລີຍລອງກິນບຸບເຟ່ 10.000 ກີບ ເບິ່ງ ສຳລັບລົດຊາດກະເໝາະສົມກັບລາຄາຮັນແລະ ໃນລະຫວ່າງກິນເຂົ້າກະໄດ້ໝູ່ເພີ່ມອີກຄົນໜຶ່ງເທື່ອນີ້ເປັນບ້ານໃກ້ເຮືອນຄຽງເຮົາເອງ ທ້າວມາແຕ່ປະເທດໄທ ທີ່ສຳຄັນມາທ່ຽວຄົນດຽວຄືເຮົາເລີຍ (ຄັ້ນບໍ່ລອງມາທ່ຽວຄົນດຽວກະຄືຊິບໍ່ຮູ້ໄດ້ນິວ່າກະເຈົ້າຊິນິຍົມການ ແບັກແພັກ ຄົນດຽວປານນີ້ພຸນນະ) ກິນອີ່ມແລ້ວ ແລະ ກະກັບຫ້ອງໄປພັກຜ່ອນວ່າຕື່ນເຊົ້າມາຊິຂີ່ລົດຖີບເຊເວ່ຕົວເມືອງໃຫ້ທົ່ວຊັ້ນດອກແຕ່ບັງເອີນຕື້ນມາຝົນພັດຕົກກະເລີຍຕັດສິນໃຈຍ່າງໄປຄິວລົດສາຍໃຕ້ ແລະ ກະຊື້ປີ້ກັບເລີຍຊະ (ເຈິທ້າວຄົນໄທອີກແລ້ວ ທ້າວກະຊິກັບຄືກັນ ກະເລີຍກັບນຳກັນເລີຍ)

ສະຫຼຸບ
- ຄ່າໃຊ້ຈ່າຍທັງໝົດ 600.000 ກີບໂດຍປະມານ (ຄ່າລົດຂາກັບ 130.000 ກີບ ເປັນລົດຕັ່ງນັ້ງ)
- ແນະນຳໃຫ້ໄປຊອກເຊົ່າຫ້ອງຢູ່ແຖວຕະຫຼາດມືດຮ່ອມຂ້າງໂຈມາ ເພາະໃກ້ຕະຫຼາດມືດ ແລະ ສະຖານທີ່ທ່ອງທ່ຽວສຳຄັນຕ່າງໆໃນຕົວເມືອງ ສຳລັບລາຄາໃຫ້ຖາມເບິ່ງຫຼາຍໆບ່ອນ ທ້າວຄົນໄທລາວໄດ້ຫ້ອງລະ 80.000 ີກບຕໍ່ຄືນ (ເວົ້າມາແລະຄັນແຂ້ວ)
- ຂັ້ນຕອນການວາງແຜນທ່ຽວແມ່ນໃຫ້ເລີ່ມຈາກການທ່ຽວຊົມຕົວເມືອງກ່ອນໃນຕອນເຊົ້າ ອາດຈະຍ່າງ ຫຼື ເຊົ່າລົດຖີບກະໄດ້ (ລາຄາຢູ່ລະຫ່ວາງ 10.000 - 20.000 ກີບ ຖາມເບິ່ງຫຼາຍໆບ່ອນ) ຕໍ່ມາແມ່ນໄປຕາດກວາງຊີໃນຕອນສວາຍ ລອງໄປຈອງໄວ້ໃນຕອນເຊົ້າກ່ອນເລີຍກະດີ (ລາຄາ 50.000 ກີບ ຂ້ອຍຕໍ່ໄດ້ 30.000 ກີບ ລອງຕໍ່ເບິ່ງເດີ) ຫຼັງຈາກກັບມາຈາກຕາກວາງຊີກະປະມານ 5 ໂມງແລງພໍດີ ໄປຊົມວິວ ແລະ ເບິ່ງຕາເວັນຕົກຢູ່ຈອມພູສີຕໍ່ (ຄ່າເຂົ້າຊົມສະຖານທີ່ທ່ອງທ່ຽວຈະພິເສດສຳລັບຄົນລາວ ຂ້ອຍໄດ້ເຂົ້າຫໍພະແກ້ວຟີກະຍ້ອນບອກກະເຈົ້າວ່າເປັນຄົນລາວ ປົກກະຕິປະມານ 20.000 ກີບ)
- ຖ້າໃຜຕ້ອງການອາຫານທີ່ລາຄາຄືບ້ານເຮົາແມ່ນແນະນຳໃຫ້ຍ່າງອອກມາຈາກຕົວເມືອງໜ້ອຍໜຶ່ງ ເພາະຮ້ານອາຫານໃນຕົວເມືອງລາຄາຂ້ອນຂ້າງເຈັບຕັບຢູ່
- ຖ້າມີແຜນທີ່ຕົວເມືອງຈະສະດວກຫຼາຍ (ຂ້ອຍບໍ່ມີກະເລີຍຕ້ອງໄດ້ຍ່າງຫຼາຍເປັນພິເສດ ຍ້ອນຫຼົງທາງຸ55)
- ຂາກັບຖ້າເປັນໄປໄດ້ລອງກັບຕອນກາງເວັນເບິ່ງເພາະວ່າຈະໄດ້ເຫັນທິວທັດຄວາມງາມທຳມະຊາດ ພູຜາ ປ່າໄມ້ ແຄມທາງ (ງາມຫຼາຍ)












(((((...ທຸກສະຖານທີ່ມີຄວາງາມໃນຕົວມັນ ພຽງແຕ່ເຮົາເປີດໃຈແລະເຂົ້າໃຈ...))))
ທີ່ມາ: http://alaotheworld.blogspot.com/2015/06/first-solo-trip-600000.html

ແບ່ງປັນເລື່ອງນີ້:

7 comments :

  1. ເປັນນັກຂຽນຫວາ ດີຫຼາຍຂ້ອຍຫາກະເຫັນຄົນຂຽນ ບລັອກແນວນີ້ທີ່ເປັນຄົນລາວຫຼືເປັນນຳບໍ່ຮູ້ກະບໍຈັກ ແຕ່ກະດີໄດ້ອ່າານ ໄດ້ຮູ້ຫຼາຍບ່ອນ

    ReplyDelete
    Replies
    1. ຂອບໃຈຫຼາຍໆເດີ ຖ້າສົນໃຈສາມາດໄປຕິດຕາມໄດ້ເດີ https://www.facebook.com/pages/Alaotheworld/856317294404269?ref=bookmarks

      Delete
  2. ຂ້ອຍຍັງບໍ່ສາມາດເອີ້ນໂຕເອງວ່າເປັນນັກຂຽນໄດ້ເທື່ອ ທີ່ຂ້ອຍຂຽນບລັອກນີ້ຂື້ນມາແມ່ນດ້ວຍຄວາມມັກຮັກໃນການທ້ອງທ່ຽວ ແລະ ຢາກຈະເຜີຍແຜ່ໃຫ້ອ້າຍເອື້ອຍນ້ອງໝູ່ເພື່ອນຄົນລາວເຮົາຜູ້ທີ່ສົນໃຈຢາກຮູ້ເລື່ອງຂໍ້ມູນໃນສະຖານທີ່ທ່ອງທ່ຽວຕ່າງໆ ເພາະຂ້ອຍຍັງບໍ່ເຮັນຄົນລາວເຮົາເຮັດ ່ສວນຫຼາຍຖ້າຢາກຮູ້ຂໍ້ມູນແມ່ນຕ້ອງໄດ້ໄປຊອກຫານຳເວັບໄຊຕ່າງປະເທດ ຂ້ອຍກໍ່ເລີຍມີຄວາມຄິດທີ່ຢາກຈະເພີ່ມຄວາມສະດວກໃນຈຸດນີ້ ແລະ ກະເລີຍລອງຂຽນລິ້ນໆເບິ່ງ ຫວັງວ່າຈະເປັນປະໂຫຍດໃຫ້ກັບຄົນລາວເຮົາເອງ (ຈັງໃດກະຊ່ວຍສະໜັບສະໜູນຄົນລາວນຳກັນແນ່ເດີ...ເຖິງວ່າຈະບໍ່ໄດ້ເງິນໄດ້ຄຳ ແຕ່ຖ້າມີຄົນມັກມີຄົນຕິດຕາມ ກະຮູ້ສຶກມີແຮງສູ່ຕໍ່ແລ້ວ) ຂອບໃຈໝົດທຸກຄົນຫຼາຍໆເດີທີ່ເສຍສະລະເວລາເຂົ້າມາອ່ານ.

    ReplyDelete
  3. ຂອບໃຈຫຼາຍໆ ສຳັລບຣີວິວຄັກໆ ຈາກຄົນລາວ
    ອ່ານລະເພີນດີ
    ແຕ່ຢາກໃຫ້ລະວັງເລື່ອງໃຊ້ພາສາຂຽນຈັກໜ້ອຍເດີ້ #ພົນລະເມືອງ #ບໍ່ລອດ #ໝັ້ນໃຈ

    ຫວັງວ່າສິໄດ້ໄປທ່ຽວຫຼວງພະບາງແບບແພັກເກີ້ຈັກມື້

    ຂໍຖາມແນ່ ສະພາບອາກາດໂດຍລວມເປັນແນວໃດ?
    ບັນຍາກາດຕອນຊ່ວງເດິກເດ?
    ຂໍຂອບໃຈ.

    ReplyDelete
    Replies
    1. ຊ່ວງຂ້ອຍໄປແມ່ນທ້າຍໆເດືອນ 5 ອຸນຫະພູມໂດຍທົ່ວໄປກະບໍ່ຕ່າງກັນຫຼາຍກັບນະຄອນຫຼວງ ຄ່ອນຂ້າງຮ້ອນ ແຕ່ຕອນເຊົ້າ ແລະ ຕອນຄໍ່າແມ່ນອາກາດດີ ແລະ ມີເມກ ມອກ ຫຼາຍ. ຂອບໃຈຫຼາຍໆເດີສຳລັບຄຳຕິຊົມ ຈະພະຍາຍາມປັບປຸງໃຫ້ດີຂື້ນໃນຄັ້ງຕໍ່ໄປ (ຖ້າສົນໃຈສາມາດຕິດຕາມໄດ້ເດີ => https://www.facebook.com/pages/Alaotheworld/856317294404269) ຫວັງວ່າຈະໄດ້ພົບກັນລະຫວ່າງການເດີນທາງ.

      Delete
  4. ຂຽນໄດ້ຄັກດີ@~@ ອ່ານແລ້ວຢາກອ່ານຕໍ່
    ສົ່ງເສີມ2

    ReplyDelete
    Replies
    1. ຂອບໃຈຫຼາຍໆເດີ ຮູ້ສຶກມີກຳລັງໃຈທີ່ມີຄົນມັກ ຈັງໃດກະຊ່ວຍໄປກົດແຊ ກົດໄລ ໃຫ້ແນ່ເດີ ຫວັງວ່າຈະມີຣີວິວໃໝ່ໄວໆນີ້ => https://www.facebook.com/pages/Alaotheworld/856317294404269

      Delete


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.