ຂ່າວເດັ່ນ

ຈົ່ງກຽມພ້ອມປ້ອງກັນ ແລະ ສະກັດກັ້ນການລະບາດຂອງພະຍາດ ຊືມເຊື້ອລະບົບຫາຍໃຈ (MERS-CoV)


ຈົ່ງກຽມພ້ອມປ້ອງກັນ ແລະ ສະກັດກັ້ນການລະບາດຂອງພະຍາດ ຊືມເຊື້ອລະບົບຫາຍໃຈ (MERS-CoV)
-------
ເພື່ອເປັນການກຽມພ້ອມໃນການປ້ອງກັນ ແລະ ສະກັດກັ້ນພະຍາດລະບົບຫາຍໃຈ, ທີ່ມີ ການລະບາດຢູ່ບັນ ດາປະເທດຕາເວັນອອກກາງໃນປັດຈຸບັນ, ເພື່ອບໍ່ໃຫ້ມີ ການລະບາດມາ ເຖິງປະເທດເຮົາ, ດັ່ງນັ້ນ ລັດຖະມົນຕີວ່າການ ກະຊວງສາທາ ລະນະສຸກຈຶ່ງໄດ້ອອກຄຳສັ່ງ ແນະນຳສະບັບເລກທີ 0891/ ສທ, ລົງ ວັນທີ 9 ມິຖຸນາ 2015, ເຖິງຫ້ອງ ການກະຊວງ, ກົມຄວບຄຸມພະຍາດຕິດຕໍ່, ກົມປິ່ນປົວ, ສູນວິເຄາະ ແລະ ລະບາດວິທະຍາ, ສູນຂ່າວສານການ ແພດ-ສຸຂະສຶກສາ, ໂຮງ ໝໍສູນກາງ, ໂຮງໝໍແຂວງ, ພະແນກສາທາບັນດາແຂວງ ແລະ ນະຄອນຫຼວງ, ຈົ່ງກະກຽມຄວາມ ພ້ອມໃນການປ້ອງກັນ ແລະ ສະກັດກັ້ນການລະບາດ ພະຍາດຊຶມເຊື້ອລະບົບຫາຍໃຈ (MERS-CoV) ຄື:
1. ຍົກລະດັບວຽກງານເຝົ້າລະວັງພະຍາດຢູ່ສະຖານທີ່ບໍລິການສາທາ ລະນະສຸກໃນຂອບເຂດທົ່ວປະເທດ ໂດຍສະເພາະຈຸດເຝົ້າລະວັງບັນດາພະຍາດທີ່ມີອາການຄ້າຍຄືໄຂ້ຫວັດ, ບັນດາອາການຊຶມເຊື້ອລະບົບຫາຍໃຈ.
2. ພະນັກງານແພດໝໍທີ່ເຮັດວຽກຢູ່ໂຮງໝໍ, ຄລີນິກເອກະຊົນ, ຄລີນິກສາກົນ, ໂຮງໝໍເອ ກະຊົນ ແລະ ຮ້ານ ຂາຍຢາເອກະຊົນຕ້ອງເພີ່ມທະວີການເອົາໃຈໃສ່ການປ້ອງກັນການຕິດເຊື້ອພາຍໃນສະຖານທີ່ບໍລິການສາທາລະນະສຸກ, ສຳຄັນແມ່ນເອົາໃຈໃສ່ຊັກຖາມປະ ຫວັດການເດີນທາງຂອງຄົນເຈັບທີ່ມີອາການຄ້າຍຄືໄຂ້ຫວັດມາກວດເຊັ່ນ: ຜ່ານ ມາໄດ້ເດີນທາງມາຈາກປະເທດທີ່ກຳລັງລະບາດ.
3. ມອບໃຫ້ກົມຄວບຄຸມພະຍາດຕິດຕໍ່, ຈຸດປະສານງານກົດລະບຽບສາກົນດ້ານສາທາລະນະສຸກສົມທົບກັບກົມປິ່ນປົວ, ສູນຂ່າວສານການແພດ-ສຸຂະສຶກສາ ເຜີຍແຜ່ໃຫ້ຄວາມຮູ້ ແລະ ວິທີປ້ອງກັນພະຍາດຊຶມເຊື້ອລະບົບຫາຍໃຈທີ່ເກີດຂຶ້ນຢູ່ບັນດາປະເທດຕາເວັນອອກກາງ ຍ້ອນເຊື້ອໂຄໂລນາໄວຣັສໃຫ້ແກ່ໂຮງໝໍຕ່າງໆທັງຢູ່ສູນກາງ ແລະ ຕ່າງແຂວງ.
4. ສົມທົບກັບກົມທ່ອງທ່ຽວກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ເກັບ ກຳຈຳ ນວນນັກ ທ່ອງທ່ຽວທີ່ເດີນທາງມາຈາກ ແລະ ໄປປະເທດທີ່ມີການລະບາດ.
5. ສົມທົບກັບກົມກົງສຸນກະຊວງການຕ່າງປະເທດເກັບກຳຈຳນວນພະນັກງານທີ່ໄປປະຊຸມຢູ່ປະເທດທີ່ກຳລັງ ມີການລະບາດ.
6. ພະແນກສາທາລະນະສຸກນະຄອນຫລວງ-ແຂວງໃນຂອບເຂດທົ່ວປະເທດຈົ່ງພ້ອມກັນຍົກລະດັບເອົາໃຈໃສ່ ປ້ອງກັນພະຍາດນີ້ຢ່າງໃກ້ຊິດ.
7. ເວລາຈັດຕັ້ງປະຕິບັດພົບຄວາມຫຍຸ້ງຍາກໃຫ້ລາຍງານກະຊວງສາທາລະນະສຸກດ່ວນເພື່ອຈະໄດ້ແກ້ໄຂ ໃຫ້ທັນເວລາ.
ພາບແລະຂ່າວ: ລາວພັດທະນາ
------
www.pakaad.com
ປະກາດ ຮ່ວມສ້າງຄວາມສຸກສູ່ສັງຄົມລາວ
ທ່ານໃດຕ້ອງການຊີມນົມສົ້ມເພື່ອສຸຂະພາບເຊີນທີ່:http://www.facebook.com/ZapOhZapOh

ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.