ຂ່າວເດັ່ນ

ທຶນການສຶກສາ

ສາລະໜ້າຮູ້

ສາລະໜ້າຮູ້

Latest Updates

ຊົມເຊີຍ! ໂອອິຊິກຣີນທີ ຊາຂຽວຍອດຂາຍອັນດັບ 1 ຂອງປະເທດລາວມອບ Medical Alcohol ຈຳນວນ 2,100 ລິດ ມູນຄ່າ 90,000,000 ກີບ

4:50:00 PM

ໂອອິຊິກຣີນທີ ຊາຂຽວຍອດຂາຍອັນດັບ 1 ຂອງປະເທດລາວ ມອບ Medical Alcohol ຈຳນວນ 2,100 ລິດ ມູນຄ່າ 90,000,000 ກີບ.ຜ່ານກະຊວງສາທາລະນະສຸກ ພາຍໃຕ້ຊື່ໂຄງການ “ Oishi Green Tea Cares for Laos “





ໃນວັນທີ 06 ພຶດສະພາ 2020, ບໍລິສັດ ໂອອິຊິ ເທຣດດິ້ງ ຈຳກັດ ຕ່າງໜ້າໂດຍ ທ່ານ ບຸນເພັງ ສະຫວັນວາລີ ແລະ ທ່ານ ພິທູນ ອະດຸ່ນໂຊກຊັບ, ຜູ້ບໍລິຫານຈາກ ບໍລິສັດ ສະຫວັນໄຊ ການຄ້າ ຂາອອກ-ຂາເຂົ້າ ຈຳກັດ ຕົວແທນຈຳໜ່າຍ ຜະລິດຕະພັນໂອອິຊິໃນປະເທດລາວ ໄດ້ມອບ Medical Alcohol ຈຳນວນ 2,100 ລິດ ມູນຄ່າ 90,000,000 ກີບ ໃຫ້ແກ່ໂຮງໝໍ ໂດຍຜ່ານກະຊວງສາທາລະນະສຸກ ພາຍໃຕ້ຊື່ໂຄງການ “ Oishi Green Tea Cares for Laos “ ໂດຍມີ ທ່ານ ດຣ ສົມພອນ ຜາງມມະນີໄຊ ຫົວໜ້າກົມການເງິນ,ກະຊວງສາທາລະນະສຸກໃຫ້ກຽດເປັນຜູ້ຮັບ.




ສືບເນື່ອງຈາກສະຖານະການແຜ່ລະບາດຂອງໄວຣັດ Covid-19 ທີ່ຈະກາຍເປັນວົງກວ້າງໃນປະເທດລາວ ເຊິ່ງເປັນເລື່ອງທີ່ທຸກພາກສ່ວນຮັບຮູ້ ແລະ ໃຫ້ຄວາມສຳຄັນ ໂດຍສະເພາະໂຮງໝໍ ແລະ ເຈົ້າໜ້າທີ່ທາງການແພດທີ່ມີບົດບາດສຳຄັນໃນການຕໍ່ສູ້ກັບການລະບາດຂອງເຊື້ອ Covid-19




ໂອອິຊິກຣີນທີ ຊາຂຽວທີ່ດີຕໍ່ສຸຂະພາບ ຍອດຂາຍອັນດັບ 1 ຂອງປະເທດລາວ ຂໍເປັນສ່ວນໜຶ່ງຄຽງຂ້າງຄົນລາວ ຈັບມືຮ່ວມກັບກະຊວງສາທາລະນະສຸກ ຈັດການສົ່ງມອບ ເອທິດ ອໍກໍຮໍຄຸນນະພາບສູງໃຫ້ແກ່ໂຮງໝໍໃນປະເທດລາວ ເພື່ອເປັນຜົນປະໂຫຍດແກ່ ບຸກຄະລາກອນທາງການແພດ ຊ່ວຍແກ້ບັນຫາຂາດເຂີນ ອໍກໍຮໍ ສູ້ກັບການແຜ່ລະບາດເຊື້ອໄວຣັດ ໂຄວິດ-19



ສຸດທ້າຍນີ້ ໂອອິຊິກຣີນທີ ຂໍຮ່ວມສົ່ງກຳລັງໃຈ ແລະ ເປັນສ່ວນໜຶ່ງທີ່ຈະຢືນຄຽງຂ້າງເພື່ອຊ່ວຍເຫຼື່ອປະຊາຊົນລາວ ລວມເຖິງບຸກຄະລາກອນທາງການແພດໃຫ້ເຂັ້ມແຂງ ເພື່ອຝ່າຟັນວິກິດໃນຄັ້ງນີ້ໄປຢ່າງປອດໄພ




ເສຍວັດທະນະທໍາແມ່ນເສຍຊາດ ດັ່ງນັ້ນຈົ່ງພ້ອມພຽງກັນຮັກສາວັດທະນາທຳຂອງຊາດໄວ້ໃຫ້ຍືນຍົງ




ກົງລໍ້ຂອງການພັດທະນາຈະໝູນໄປໜ້າຕະຫຼອດເວລາ ເພາະມັນແມ່ນກົດເກນທຳມະດາຂອງໂລກ ເຊິ່ງຈະຕ່າງກໍ່ແຕ່ວ່າກົງລໍ້ດັ່ງກ່າວ ມັນໝູນໄປຖືກທາງຫຼາຍໜ້ອຍພຽງໃດ ພວກເຮົາມີນະໂຍບາຍເລື່ອງການຄັດສັນເອົາວັດທະນະທຳ ຫຼື ເຊີດຊູເອກະລັກວັດທະນະທຳຂອງຊາດ ແຕ່ຍັງມີບາງພາກສ່ວນເບິ່ງຄືວ່າເຮັດໄປຕາມເບິ່ງຄືມ່ວນ ແລະ ຫຼົງໄປກັບຄວາມເພິດເພີນຈົນລືມກຳນົດວ່າ ສິ່ງທີ່ຕົນວາງສະແດງຢູ່ນັ້ນມັນແມ່ນເອກະລັກ, ມັນແມ່ນສິລະປະວັດທະນະທຳ ຂອງລາວເຮົາແທ້ ຫຼື ບໍ່ ?.




ຜ່ານມາ ພວກເຮົາເຄີຍໄດ້ຍິນການຖົກຖຽງເລື້ອງພາສາລາວຊອດກະຈາ ດຽວນີ້ແຮງໄປກວ່ານັ້ນ ຖ້າສັງເກດກໍ່ຈະເຫັນພວກຮູ້ແຕ່ຫາເງິນ ແຕ່ບໍ່ຮູ້ສິລະປະ ແລະ ວັດທະນະທຳ ຖ້າທ່ານຜູ້ອ່ານບໍ່ເຊື່ອກໍ່ລອງຍ່າງສັງເກດເບິ່ງ ຫຼື ຖ້າບໍ່ຮູ້ ແລະ ສົງໄສກໍ່ລອງຖາມທ່ານຜູ້ຮູ້ດ້ານເອກະລັກວັດທະນະທຳລາວເບິ່ງກໍ່ໄດ້ ການວາງສະແດງວັດຖຸຕ່າງໆໃນງານບຸນປາງຕ່າງໆ ເຮົາເຄີຍເຂັ້ມງວດ ແລະ ຈິງຈັງເລື້ອງນີ້ພຽງໃດ? ບໍ່ທໍ່ນັ້ນ ການຖ່າຍຮູບງານດອງ (ບາງຄົນ, ບາງກຸ່ມ) ພວກເຂົາມີຄວາມຮູ້ເກ່ງແທ້ດ້ານການຖ່າຍຮູບ ແຕ່ຜັດບອກຄູ່ບ່າວສາວໄປຢືນຖ່າຍຮູບຕໍ່ໜ້າພຸດທະຮູບນັ່ງສະມາທິ ຫຼື ອາດຍັງມີບາງທ່າ, ບາງຜົນງານອອກມາແລ້ວມັນຂາດຄວາມເໝາະສົມ ຫຼື ຜິດກັບເອກະລັກຂອງຊາດ ເຖິງແມ່ນວ່າມັນບໍ່ຜິດກົດໝາຍ ແຕ່ກໍ່ໜ້າຄິດຢູ່.





ກົງລໍ້ຂອງການພັດທະນາ ຫຼື ການພັດທະນາແບບຍືນຍົງ ໂດຍບໍ່ຫັນກັບມາທັບມ້າງທຳລາຍ, ສ້າງໃໝ່ ຈຶ່ງຕ້ອງການພູມປັນຍາທີ່ຊັດເຈນ, ບໍ່ຄຸມເຄືອ ແລະ ບໍ່ເອື້ອຜົນປະໂຫຍດແກ່ຝ່າຍໃດຝ່າຍໜຶ່ງ ໝາຍຄວາມວ່າ ຄວນເນັ້ນໃຫ້ສັງຄົມໄດ້ປະໂຫຍດທີ່ແທ້ຈິງ ໂດຍຫຼີກເວັ້ນການໜິ້ງໃສ່ກັນ ຍົກຕົວຢ່າງ: ການກັດປາ ແລະ ຕີໄກ່ ເຮົາຮູ້ຢູ່ວ່າມັນບໍ່ດີ, ເປັນບາບ ແຕ່ທ້າວ ກ ອ້າງວ່າທ້າວ ຂ ຍັງຫຼິ້ນຕີໄກ່ ສ່ວນທ້າວ ຂ ຜັດອ້າງວ່າທ້າວ ກ ຍັງຫຼິ້ນກັດປາ ເຊິ່ງທັງສອງຄົນຄວນຖືວ່າ ຫາກມັນຜິດແລ້ວຄວນມີຈິດສຳນຶກເລີກລະນຳກັນ ບໍ່ແມ່ນຈະນຳມາເປັນຂໍ້ອ້າງເພື່ອເຮັດໃໝ່ຕື່ມອີກ.



ປະເດັນບາງອັນຂ້າງເທິງນັ້ນ ກໍ່ເພື່ອແລກປ່ຽນນຳສັງຄົມ ຜູ້ອ່ານພິຈາລະນານຳກັນເລື້ອງວັດຖຸວາງສະແດງ ຫຼື ສິນຄ້າບາງປະເພດທີ່ມັນບໍ່ແມ່ນເອກະລັກສິລະປະ ແລະ ວັດທະນະທຳລາວ ເພາະຖ້າວ່າສັງຄົມຫຼັ່ງໄຫຼເຫີ່ກັນອວດອ້າງໂດຍຂາດຜູ້ທັກທ້ວງ ບາງເທື່ອກໍ່ຈະຫຼົງເຊີດຊູວັດທະນະທຳຂອງຊາດອື່ນໂດຍບໍ່ຮູ້ໂຕ ຂໍຝາກເປັນຂໍ້ຄິດແລກປ່ຽນເພື່ອກັ່ນກອງເລື້ອງສິລະປະຂອງຊາດ.

ນໍ້າປ່າໄຫຼຊຸ ຄົນສູນຫາຍ 7 ຄົນ ພົບສົບແລ້ວ 3 ທີ່ ບ້ານ ກິ່ວຕະລຸນ ເມືອງຊຽງເງິນ



ຫຼວງພະບາງ: ໃນຕອນເຊົ້າວັນທີ່ 24 ເມສາ 2020, ໄດ້ເກີດມີຝົນຕົກໜັກຫຼາຍຊົ່ວໂມງຕິດຕໍ່ກັນ ເຮັດໃຫ້ນ້ຳຫ້ວຍຫຼາຍສາຍຢູ່ເຂດເມືອງຊຽງເງິນເກີດມີນ້ຳໄຫຼສຸຢ່າງແຮງ ໂດຍສະເພາະແມ່ນນ້ຳຫ້ວຍລົມ ເຂດບ້ານກີ່ວ ຕະລຸນ 1 ໂດຍໄດ້ໄຫຼສຸເອົາປະຊາຊົນ ທີ່ໄປທຳການຜະລິດສູນຫາຍທັງ ໝົດ 7 ຄົນ.

ທ່ານ ຈົ່ງກໍ່ເຮີ, ນາຍບ້ານກີ່ວຕະລຸນ 1 ໃຫ້ສຳພາດກັບທີມງານຂ່າວວ່າ: ເຂດເກີດເຫດແມ່ນຫ່າງຈາກບ້ານ ໂດຍໃຊ້ເວລາຍ່າງປະມານ 1 ຊົ່ວໂມງ ມີປະຊາຊົນພາຍໃນບ້ານໄປທຳການຜະລິດ 2 ຄອບຄົວຄື: ຄອບຄົວທ້າວຢ່າຮືເຮີ ແລະ ທ້າວຈົວກົວເຮີ ເຊິ່ງໃນມື້ເກີດເຫດມີທັງໝົດ 11 ຄົນ ໃນນັ້ນ ສູນຫາຍ 7 ຄົນ, ເຊິ່ງເປັນຄົນໃນຄອບຄົວຂອງທ້າວຢ່າຮືເຮີ 5 ຄົນ ແລະ ຄົນໃນຄອບຄົວຂອງ ທ້າວ ຈົວກົວເຮີ 2 ຄົນ.


ມາຮອດຕອນແລງຂອງວັນທີ່ 24 ເມສາ ໄດ້ຄົ້ນພົບແລ້ວ 3 ສົບ, ເຊິ່ງປະຈຸບັນ ທາງອົງການປົກຄອງບ້ານ ໄດ້ສົມທົບກຳລັງປ້ອງກັນ-ກອງຫຼອນບ້ານ ພ້ອມດ້ວຍ ກຳລັງທະຫານຂອງກອງບັນຊາການທະຫານເມືອງ ຮີບຮ້ອນໃນການຊອກຄົ້ນຫາຜູ້ສູນຫາຍໃຫ້ໄດ້ໂດຍໄວ; ຈາກນັ້ນ ຈະສືບຕໍ່ປຸກລະດົມໃຫ້ກຳລັງໃຈກັບຄອບຄົວທີ່ໄດ້ຮັບເຄາະຮ້າຍຕໍ່ໄປ.


ດ້ວຍຍຄວາມເປັນຫ່ວງເປັນໃຍຕໍ່ປະຊາຊົນ, ທາງການນຳຂອງແຂວງ ນຳໂດຍທ່ານ ວົງສະຫວັນ ເທບພະຈັນ, ຮອງເຈົ້າແຂວງໆຫຼວງພະບາງ ພ້ອມດ້ວຍພາກສ່ວນກ່ຽວຂ້ອງຂອງແຂວງ ແລະ ການນຳຂອງເມືອງ ຈຶ່ງໄດ້ລົງໄປຢ້ຽມຢາມຖາມຂ່າວ ແລະ ມອບເຄື່ອງບັນເທົາໄພເບື້ອງຕົ້ນ ໃຫ້ກັບປະຊາຊົນທີ່ຖືກເຄາະຮ້າຍ.




ພ້ອມນີ້ ທ່ານຮອງເຈົ້າແຂວງຍັງໄດ້ຊີ້ນຳໃຫ້ກຳລັງທະຫານ ແລະອົງການປົກຄອງບ້ານ ໃຫ້ສືບຕໍ່ຊອກຄົ້ນຫາຜູ້ສູນຫາຍໃຫ້ໄດ້ໂດຍໄວ ທັງຮັບປະກັນຄວາມປອດໄພໃຫ້ຜູ້ຊອກຄົ້ນ. ພາຍຫຼັງຊອກຄົ້ນສຳເລັດແລ້ວ ກໍ່ໃຫ້ສືບຕໍ່ຊ່ວຍໃນການຟື້ນຟູທາງດ້ານຈິດໃຈ ທັງຊຸກຍູ້ໃຫ້ປະຊາຊົນພາຍໃນບ້ານ ສືບຕໍ່ທຳການຜະລິດ ຊ່ວຍຄອບຄົວທີ່ໄດ້ຮັບເຄາະຮ້າຍໃນຄັ້ງນີ້. ນອກຈາກບ້ານກີ່ວຕະລຸນ 1 ແລ້ວ ກໍ່ຍັງມີຫຼາຍບ້ານພາຍໃນເມືອງຊຽງເງີນ ແລະ ຫຼາຍທ້ອງຖີ່ນພາຍໃນແຂວງຫຼວງພະບາງ ໄດ້ຮັບຜົນກະທົບຈາກເຫດການຝົນຕົກໜັກ ໃນລະຫວ່າງວັນທີ່ 23 – 24 ເມສານີ້.

ຂ່າວ: ອາພຸດເດດ ບຸບຜາ
ກົດຊົມຄລິບຂ່າວ ການ ຂ່າວສານຫຼວງພະບາງ


ສປ ຈີນ ສືບຕໍ່ສົ່ງຄະນະຊ່ຽວຊານການແພດ ພ້ອມດ້ວຍອຸປະກອນການແພດຊ່ວຍເຫຼືອ ສປປ ລາວ ໃນການຕ້ານພະຍາດໂຄວິດ-19

12:43:00 PM


ສປ ຈີນ ສືບຕໍ່ສົ່ງຄະນະຊ່ຽວຊານການແພດ ພ້ອມດ້ວຍອຸປະກອນການແພດຊ່ວຍເຫຼືອ ສປປ ລາວ ໃນການຕ້ານພະຍາດໂຄວິດ-19 

ໃນວັນທີ 24 ເມສາ 2020 ນີ້, ທີ່ສະໜາມບິນສາກົນວັດໄຕ,​ ນະຄອນຫຼວງວຽງຈັນ ລັດຖະບານຈີນ ໄດ້ສົ່ງຄະນະຊ່ຽວຊານການແພດກອງທັບປົດປ່ອຍປະຊາຊົນຈີນ ພ້ອມດ້ວຍອຸປະກອນການແພດຈຳນວນໜຶ່ງ ມາຊ່ວຍເຫຼືອ ສປປ ລາວ ອີກຄັ້ງ ເພື່ອຮ່ວມກັນຕ້ານການແຜ່ລະບາດຂອງພະຍາດໂຄວິດ-19.




ໂອກາດນີ້, ທ່ານ ພົນຕີ ແອສະໄໝ ເລືອງວັນໄຊ ໄດ້ສະແດງຄວາມຍ້ອງຍໍຊົມເຊີຍ ຕໍ່ລັດຖະບານ ກໍຄື ກອງທັບປົດປ່ອຍປະຊາຊົນຈີນ ທີ່ໄດ້ມີຄວາມເປັນຫ່ວງເປັນໃຍ ຕໍ່ລັດຖະບານ ກໍຄືປະຊາຊົນລາວ ບັນດາເຜົ່າເຊິ່ງໄດ້ສະແດງໃຫ້ເຫັນເຖິງຄວາມສາມັກຄີ ຊ່ວຍເຫຼືອເຊິ່ງກັນ ແລະກັນ ແບບເພື່ອນມິດສະຫາຍທີ່ໃກ້ຊິດກັນ. ພ້ອມກັນນີ້, ກໍ່ຈະໄດ້ນຳເອົາອຸປະກອນການແພດດັ່ງກ່າວ ໄປແຈກຢາຍໃຫ້ຕາມບັນດາໂຮງໝໍຂອງກອງທັບ, ບັນດາກົມກອງ, ກອງພົນໃຫ່ຍ, ກອງບັນຊາການທະຫານແຂວງ ເພື່ອນໍາໃຊ້ເຂົ້າໃນການຕໍ່ຕ້ານພະຍາດໂຄວິດ-19 ໃຫ້ມີປະສິດທິຜົນດີທີ່ສຸດ.






ສໍາລັບຄະນະຊ່ຽວຊານການແພດກອງທັບປົດປ່ອຍປະຊາຊົນຈີນ ທີ່ເດີນທາງມາຊ່ວຍເຫຼືອ ສປປ ລາວ ໃນຄັ້ງນີ້ ມີທັງໝົດ 5 ທ່ານ ເຊິ່ງຈະໄດ້ໄປປະຈຳການ ຢູ່ໂຮງໝໍ 103,  ພ້ອມນັ້ນ ຍັງມີອຸປະກອນການແພດ ຈຳນວນໜຶ່ງ ເປັນຕົ້ນແມ່ນ: ນໍ້າຢາກວດຫາເຊື້ອໂຄວິດ-19 (PCR) ຈຳນວນ 10.000 ອັນ, ຜ້າປິດປາກ ລຸ້ນ KN 95 10.000 ອັນ, ຜ້າປິດປາກທົ່ວໄປ 30.000 ອັນ, ແວ່ນຕາປ້ອງກັນທາງການແພດ 200 ອັນ, ສົບມືທາງການແພດ 10.000 ຊຸດ, ໝວກສຳລັບຜ່າຕັດ 10.000 ອັນ, ຊຸດນຸ່ງປ້ອງກັນ 10.000 ອັນ, ເຄື່ອງວັດອຸນນະພູມ ( ລຸ້ນແສງອິນຟ້າເລດ ) 100 ອັນ, ເຈວລ້າງມື 1000 ກ່ອງ( ກ່ອງລະ500 ລິດ), ຖັງຂີ້ເຫຍື້ອທາງການແພດ 100 ອັນ  ແລະຕຽງນອນທາງການແພດ 50 ຕຽງ. 



Cr: CRI ຂ່າວ: ນ.ດາ; ພາບ: ທ.ຍາວ



ອັບເດດລາຄາຄຳ ມື້ນີ້

12:35:00 AM



ກະລຸນາເລື່ອນເບິ່ງລາຄາຄຳຜ່ານເພຈ ຮ້ານຄຳສີຫອມ



ກະລຸນາເລື່ອນເບິ່ງລາຄາຄຳຜ່ານເພຈ ຮ້ານຄຳສີດາລາດຊະວົງ




ກະລຸນາເລື່ອນເບິ່ງລາຄາຄຳຜ່ານເພຈ ຮ້ານຄຳສີຄຳພູວົງ


________
ປະກາດ ຮ່ວມສ້າງຄວາມສຸກສູ່ສັງຄົມລາວ



ແຈ້ງການເພີ່ມເຕີມ ກ່ຽວກັບການຄິດໄລ່ອາກອນລາຍໄດ້ຈາກເງິນເດືອນ ໄລຍະ COVID-19

12:23:00 AM



ແຈ້ງການເພີ່ມເຕີມ ກ່ຽວກັບການຄິດໄລ່ອາກອນລາຍໄດ້ຈາກເງິນເດືອນ.




ກະຊວງສຶກສາ ແຈ້ງການໃຫ້ໂຮງຮຽນເອກະຊົນ ຍົກເວັ້ນ ຫຼື ລຸດຄ່າຮຽນ

11:33:00 PM



ໃນວັນທີ 24 ເມສາ 2020 ນີ້ ກະຊວງສຶກສາທິການ ແລະ ກິລາ ໄດ້ອອກແຈ້ງການ ເລກ ທີ່ 1185/ຫກ ແຈ້ງການໃຫ້ ທຸກໂຮງຮຽນເອກະຊົນ ທົ່ວປະເທດ ຕ້ອງໄດ້ປະຕິບັດ ມາດຕະການ ປັບລາຄາ ຄ່າຮຽນ ໃນເດືອນ ເມສາ 2020 ໃນໄລຍະ ພັກ ໂຄວິດ-19, ຫາກໂຮງຮຽນໃດ ບໍ່ສາມາດ ຍົກເວັ້ນ ຄ່າຮຽນ ເດືອນ ເມສາ 2020 ໄດ້ ແມ່ນ ໃຫ້ເກັບ ໂດຍມີ ສ່ວນຫຼຸດ ຢ່າງໜ້ອຍ 50% ຫຼື ຫຼາຍກວ່ານັ້ນ


ແຈ້ງການຈາກກະຊວງສຶກສາທິການ ແລະ ກິລາ


ຕຳນານ ປູ່ເຍີ ຍ່າເຍີ ແລະ ເຄືອເຂົາກາດ

10:26:00 PM



ຕຳນານຂອງ ປູ່ເຍີ ຍ່າເຍີ ນັ້ນເປັນຜູ້ມີບຸນຄຸນກັບຄົນລາວຫລາຍ ເລົ່າກັນວ່າ ດົນມາແລ້ວມີເມືອງໜຶ່ງຊື່ວ່າ ເມືອງແຖນ ເກີດອາເພດມີເຄືອເຂົາກາດເຕີບໂຕ, ໃຫຍ່ຂຶ້ນ ແລະ ສູງຂຶ້ນໄປເລື່ອຍໆ ຈົນເຖິງເມືອງສະຫວັນເປັນເຫດໃຫ້ແສງອາທິດ ບໍ່ສາມາດສາດສ່ອງລົງມາໃຫ້ຄວາມອົບອຸ່ນ ແກ່ຜືນດິນໄດ້ ຜູ້ຄົນໃນເມືອງແຖນຕ່າງກໍໄດ້ຮັບຄວາມເດືອດຮ້ອນຈາກຄວາມໜາວເຢັນ 







ຂຸນບູລົມ ເຈົ້າເມືອງແຖນຈຶ່ງໄດ້ຮຽກບັນດາເສນາອາມາດ ມາປຶກສາວ່າຈະເຮັດຢ່າງໃດຈຶ່ງຈະຕັດເຄືອເຂົາກາດ ທີ່ສູງໃຫຍ່ນີ້ໄດ້ ປຶກສາກັນແລ້ວ ບໍ່ມີໃຜສາມາດເຮັດການນີ້ໄດ້ ກໍເລີຍຕົກລົງໃຈ ປະກາດຫາອາສາສະໝັກໃຫ້ໄປຕັດເຄືອເຂົາກາດນີ້ ແຕ່ຈົນແລ້ວຈົນເລົ່າ ກໍບໍ່ມີໃຜອາສາ ໃນທີ່ສຸດກໍມີສອງເຖົ້າຜົວເມຍ ຊື່ ປູ່ເຍີ ຍ່າເຍີ ເຂົ້າມາອາສາໄປຕັດເຄືອເຂົາກາດລູກນີ້ເອງ ຂຸນບູລົມດີໃຈເປັນຢ່າງຍິ່ງ ທີ່ລົງປະກາດໄປແລ້ວມີຄົນມາຮັບອາສາ ເຖິງແມ່ນວ່າໃນໃຈຈະບໍ່ຄາດຫວັງວ່າສອງເຖົ້າ ທີ່ແກ່ເຖົ້າ ຈະໄປກໍ່ການຕັດເຄືອເຂົາກາດນີ້ຈະສຳເລັດຫລືບໍ່.


ພາບແຕ້ມຈາກ: Toomtam Drawing


ຂຸນບູລົມ ຊື່ນຊົມໃນຄວາມກ້າຫານ ຂອງສອງເຖົ້າ ຈຶ່ງປະກາດວ່າ ຈະປະທານໃຫ້ທຸກສິ່ງຕາມທີ່ສອງເຖົ້າຂໍມາ ດັ່ງນັ້ນເມື່ອກ່ອນທີ່ທັງສອງຈະອຳລາໄປຕັດເຄືອເຂົາກາດ ສອງເຖົ້າກໍທູນຂໍໄວ້ຢ່າງໜຶ່ງວ່າ ຖ້າພວກຕົນປະຕິບັດງານນີ້ຈົນສຳເລັດ ແຕ່ເກີດເສຍຊີວິດລົງ ຂໍໃຫ້ປະຊາຊົນທຸກຄົນຢ່າໄດ້ລືມຊື່ຂອງພວກຕົນ ວ່າແລ້ວສອງເຖົ້າ ກໍເດີນທາງມຸ້ງໜ້າໄປຍັງພູເຂົາສູງ ແລະ ລົງມືໃຊ້ຂວານຄົນຍັກຕັດພູເຂົາລູກນີ້ທັນທີ




 ປູ່ເຍີ ຍ່າເຍີ ໃຊ້ເວລາຕັດເຄືອເຂົາກາດເປັນເວລາ 3 ເດືອນ ກັບອີກ 3 ມື້ ຈົນໃນທີ່ສຸດເຄືອເຂົາກາດກໍໂຄ່ນພັງທະລາຍ ແສງສະຫວ່າງ ແລະ ຄວາມອົບອຸ່ນກໍກັບຄືນສູ່ເມືອງແຖນຕາມເດີມ ແຕ່ເປັນເລື່ອງທີ່ໜ້າເສົ້າໃຈ ພູເຂົາລູກນີ້ໄດ້ລົ້ມລົງທັບປູ່ເຍີ ຍ່າເຍີ ຕາຍທັນທີ ເຮັດໃຫ້ຊາວບ້ານສັດທາເຖົ້າທັງສອງສືບຕໍ່ມາຈົນເຖິງທຸກມື້ນີ້ ເມື່ອຊາວບ້ານຈະກິນເຂົ້າ ຈະທຳການສິ່ງໃດ ມັກຮຽກຫາສອງເທົ່ານີ້ດ້ວຍຄຳວ່າ “ ປູ່ມາເຍີ ຍ່າມາເຍີ ” “ ປູ່ກິນເຍີ ຍ່າກິນເຍີ ” ກ່ອນສະເໝີ ແລະ ຈະກໍ່ທຳສັກກາລະບູຊາທຸກປີ



ໃນຂະບວນແຫ່ວໍ ຈະເຫັນ ຊຸດປູ່ເຍີຍ່າເຍີ ມີໜ້າກົມໆ ຂະໜາດໃຫຍ່ ເຮັດດ້ວຍໄມ້ປະດູ່ ທາສີແດງ ຕາມຕົວມີຂົນຍາວລຸງລັງເຮັດຈາກປໍ້ ແລະ ມີຕົວ “ ສີງແກ້ວ ” ເປັນສັດລ້ຽງ ຊຸດປູ່ເຍີຍ່າເຍີ ແລະ ສີງແກ້ວນີ້ເປັນຂອງທີ່ຕົກທອດຄູ່ບ້ານຄູ່ເມືອງ ມາແຕ່ບູຮານນະການ ແລະ ມີການສ້ອມແຊມ ກັນມາຕະຫລອດ ເພາະທຸກປີປູ່ເຍີຍ່າເຍີ ມັກຖືກຊາວບ້ານດຶງຂົນອອກໄປຄົນຫຍິບສອງຫຍິບ ຄົນຫລວງພະບາງ ຖືເຄັດວ່າຖ້າໃຊ້ຂົນ ຂອງປູ່ເຍີຍ່າເຍີ ຜູກຂໍ້ມືໃຫ້ເດັກ ຈະຊ່ວຍປ້ອງກັນພູດຜີ ແລະ ສິ່ງຊົ່ວຮ້າຍບໍ່ໃຫ້ລ້ຳກາຍເດັກໄດ້ ເດັກຄົນໃດມັກຮ້ອງໄຫ້ ພໍ່ແມ່ຈະຫາຂົນຂອງປູ່ເຍີຍ່າເຍີມາຜູກຂໍ້ມືໃຫ້



ຜູ້ທີ່ຫລິ້ນເປັນ ປູ່ເຍີຍ່າເຍີ ແລະ ສີງແກ້ວ ຕ້ອງມາຈາກຄົນໃນສາຍມູນເຊື້ອດຽວກັນ ຊຶ່ງສືບທອດມາແຕ່ອະດີດ ທັງຍັງຕ້ອງເຮັດພິທີເຊັ່ນໄຫວ້ ແລະ ຄວບຄູ່ກັນທຸກເທື່ອກ່ອນສວມຊຸດ ປູ່ເຍີຍ່າເຍີ ມີບົດບາດໃນພິທີກຳຊ່ວງບຸນປີໃໝ່ຫລາຍ ຕ້ອງຮ່ວມໃນຂະບວນແຫ່ວໍ ທັງຂາໄປວັດຊຽງທອງ ແລະ ກັບວັດມະຫາທາດ ຕ້ອງຢູ່ໃນຂະບວນແຫ່ພະບາງອອກຈາກຫໍພິພິທະພັນ ລວມທັງເປັນຜູ້ຂຶ້ນສົງນ້ຳພະບາງ ເປັນຄູ່ແຮກໃນ ວັດໃໝ່ ປູ່ເຍີຍ່າເຍີ ຈຶ່ງເປັນເຫມືອນໜຶ່ງຕົວແທນບັນພະບຸລຸດຂອງຊາວລາວທັງໝົດ.




________
ປະກາດ ຮ່ວມສ້າງຄວາມສຸກສູ່ສັງຄົມລາວ











ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມ
 
Copyright © ປະກາດ Pakaad.