ຂ່າວເດັ່ນ

ທຶນການສຶກສາ

ສາລະໜ້າຮູ້

ສາລະໜ້າຮູ້

Latest Updates

ເປີດແລ້ວ !!!! ໄອເຟີນີເຈີສາຂາ 2 ທີ່ World Trade Center ມີແຕ່ສິນຄ້າທີ່ໄດ້ຄຸນນະພາບ ແລະ ງາມຫລູຫລາ






ໃນວັນທີ່ 16 ສິງຫານທີ່ຜ່ານມາ ໄດ້ມີການເປີດໂຕຫ້ອງຂາຍ ໄອເຟີນີເຈີສາຂາ 2 ທີ່ World Trade Center
ໂດຍການກ່າວເປີດງານ ຂອງທ່ານ ປອ ຄຳຂັນ ນະພາວົງ ( ຮອງປະທານໃຫຍ່ກຸ່ມບໍລິສັດໂຄລາວ )






ເຄື່ອງໃຊ້ໃນຄົວເຮືອນ ແລະ ເຄື່ອງປະດັບທີ່ຫລູຫລາ  ແລະ ສິນຄ້າທີ່ໄດ້ຄຸນນະພາບຫລາກຫລາຍຢ່າງໃຫ້ໄປເລືອກເບິ່ງເລືອກຊື້ກັນຢ່າງຄົບຖ້ວນ ໃຜທີ່ກຳລັງຊອກຫາເຄື່ອງໃຊ້ຄົວເຮືອນທີ່ໄດ້ຄຸນນະພາບ ລາຄາບໍ່ແພງ ສາມາດເຂົ້າໄປເລາະຊົມເລາະເບິ່ງກັນໄດ້ທີ່ World Trade Center ໃກ້ກັບວຽງຈັນເຊັນເຕີ້ ມີບ່ອນຈອດລົດທີ່ສະດວກສະບາຍ ຫ້ອງຂາຍກໍ່ມີແອເຢັນ ການຈັດວາງສິນຄ້າກໍ່ເປັນລະບຽບຮຽບຮ້ອຍ ສາມາດຍ່າງເລາະຊົມເບິ່ງ ແລະ ເລືອກຊື້ໄດ້ຢ່າງສະບາຍ ມີພະນັກງານຕ້ອນຮັບ ແລະ ຊ່ວຍໃຫ້ຄຳແນະນຳໃຫ້ກັບລູກຄ້າທຸກຄົນ










ລັດຖະມົນຕີກະຊວງສຶກສາທິການ ແລະກິລາ ໂອ້ລົມ ພະນັກງານກໍ່ສ້າງຮາກຖານຢູ່ເມືອງພະລານໄຊ



ໃນຕອນບ່າຍວັນທີ 7 ສິງ ຫາຜ່ານມານີ້, ທ່ານ ນາງ ແສງເດືອນ ຫຼ້າຈັນທະບູນ ລັດ ຖະມົນຕີກະຊວງສຶກສາທິການ ແລະກິລາ ພ້ອມຄະນະໄດ້ເດີນ ທາງມາຢ້ຽມຢາມ ແລະເຮັດ ວຽກທີ່ເມືອງພະລານໄຊແຂວງ ສະຫວັນນະເຂດ ໂດຍໄດ້ຮັບການຕ້ອນຮັບຢ່າງອົບອຸ່ນຈາກ ການການນຳຂອງເມືອງພະ ລານໄຊ ພ້ອມດ້ວຍພາກສ່ວນ ຕ່າງໆທີ່ກ່ຽວຂ້ອງພາຍໃນ ເມືອງ ຈາກນີ້ ກໍ່ມີພະນັກງານ ທີ່ລົງກໍ່ສ້າງຮາກຖານໃນ 5 ເມືອງຄື: ພະລານໄຊ, ນອງ, ເຊໂປນ, ພີນ ແລະເມືອງຊົນ ນະບູລີເຂົ້າຮ່ວມຢ່າງພ້ອມ ພຽງ ທີ່ສະໂມສອນຫ້ອງການສຶກສາ ທິການ ແລະກິລາເມືອງ.
ໂອກາດນີ້, ບັນດາພະນັກ ງານທີ່ລົງເຮັດວຽກງານກໍ່ສ້າງ ຮາກຖານກໍ່ໄດ້ສະເໜີຂໍ້ສະ ດວກ, ຂໍ້ຫຍຸ້ງຍາກ ແລະສິ່ງ ທ້າທາຍຕ່າງໆໃນການເຄື່ອນ ໄຫວວຽກງານໃນໄລຍະຜ່ານ ມາໃຫ້ທ່ານລັດຖະມົນຕີໄດ້ຮັບ ຊາບ ແລະກໍ່ໄດ້ມີຂໍ້ສະເໜີເພີ່ມ ເຕີມເພື່ອແກ້ໄຂປັບປຸງວຽກ ງານພັດທະນາການສຶກສາ ພາຍໃນເມືອງ. ໃນໂອກາດ ດັ່ງກ່າວ, ທ່ານ ນາງ ແສງ ເດືອນ ຫຼ້າຈັນທະບູນ ກໍ່ໄດ້ໃຫ້ ກຽດໂອ້ລົມເພື່ອເປັນທິດເຍືອງ ທາງ ເພື່ອເຮັດໃຫ້ວຽກງານ ການສຶກສາສືບຕໍ່ມີການພັດ ທະນາ ແລະເຕີບໃຫຍ່ຂະຫຍາຍ ຕົວດີຂຶ້ນກວ່າເກົ່າ ໂດຍສະ ເພາະການສຶກສາໃນເຂດຫ່າງ ໄກສອກຫຼີກຊົນນະບົດທີ່ທ່ານ ມີຄວາມເປັນຫ່ວງ ເປັນໃຍໂດຍ ເນັ້ນໃຫ້ພາກສ່ວນທີ່ກ່ຽວຂ້ອງ ຕ້ອງໄດ້ເອົາໃຈໃສ່ ແນໃສ່ໃຫ້ ລູກຫຼານພໍ່ແມ່ປະຊາຊົນບັນດາ ເຜົ່າໄດ້ຮັບສຶກສາສາຢ່າງທົ່ວ ເຖິງຕາມທິດທາງຂອງພັກ ແລະ ລັດຖະບານລາວເຮົາວາງໄວ້.



ຂ່າວແຈ້ງຕື່ມອີກວ່າ: ໃນວັນດຽວກັນ, ທ່ານລັດຖະ ມົນຕີກະຊວງສຶກສາທິການ ແລະກິລາ ກໍ່ໄດ້ລົງຢ້ຽມຢາມວິ ທະຍາໄລເຕັກນິກວິຊາຊີບ ສະຫວັນນະເຂດ ບ້ານອຸດົມ ວິໄລ (ຫຼັກ8) ແລະມະຫາວິ ທະຍາໄລສະຫວັນນະເຂດ ວິທະຍາເຂດໜອງຜືນະຄອນ ໄກສອນ ພົມວິຫານນຳອີກ./.

ປກສ ນະຄອນໄກສອນ ພົມວິຫານ ມ້າງຄະດີສໍ້ໂກງ ສາມາດນຳຂອງກາງກັບຄືນມາໄດ້ ລົດກະບະ 9 ຄັນ

3:14:00 PM


ໃນຕອນບ່າຍຂອງວັນທີ 9 ສິງຫາ 2019 ຜ່ານມານີ້, ທ່ານ ພັທ ວົງພະຈັນ ເມກອຸໄທທິບ ຮອງຫົວໜ້າກອງບັນຊາການ ປກສ ນະຄອນໄກສອນ ພົມວິ ຫານ ແຂວງສະຫວັນນະເຂດ ທັງເປັນຜູ້ຊີ້ນຳວຽກງານຕຳ ຫຼວດໄດ້ລາຍງານກ່ຽວກັບ ການມ້າງຄະດີສໍ້ໂກງຊັບ ພ້ອມ ທັງນຳເອົາຂອງກາງຄະດີກັບ ຄືນມາໄດ້ ຕົກເປັນມູນຄ່າ ຫຼາຍຮ້ອຍລ້ານກີບ, ໄດ້ລາຍ ງານໃຫ້ນັກຂ່າວໜັງສືພິມ ສະຫວັນພັດທະນາພວກເຮົາ ຮູ້ວ່າ:
ໃນຄັ້ງວັນທີ 21 ກໍລະກົດ 2019 ເວລາ 19 ໂມງ 30 ນາທີ, ໄດ້ມີຜູ້ຖືກເສຍຫາຍເຂົ້າ ມາແຈ້ງຄວາມນຳເຈົ້າໜ້າທີ່ ປກສ ນະຄອນພວກເຮົາວ່າ: ທ້າວ ເພັດສົມພອນ (ແຫຼ້) ອາຍຸ 41 ປີ, ອາຊີບປະຊາຊົນ ຢູ່ບ້ານບຶງວະ ນະຄອນໄກສອນ ພົມວິຫານ ໄດ້ສໍ້ໂກງຊັບ ໂດຍ ການໃຊ້ເລ້ຫຼ່ຽມດ້ວຍຮູບ ການມາເຊັນສັນຍາເຊົ່າລົດ (ປະເພດລົດກະບະ) ເພື່ອໄປ ແລ່ນວຽກນຳໂຄງການ. ຈາກ ນັ້ນມາໃນວັນທີ 25 ກໍລະກົດ ເວລາ 21 ໂມງ, ເຈົ້າໜ້າທີ່ວິຊາ ສະເພາະຈຶ່ງໄດ້ກັກຕົວຜູ້ກ່ຽວ ມາສືບສວນ-ສອບສວນ ແລະ ກໍ່ໄດ້ຮັບສາລະພາບທຸກຂໍ້ກ່າວ ຫາວ່າ: ໄດ້ມີການສໍ້ໂກງຊັບແທ້ ໃນເບື້ອງຕົ້ນຜູ້ກ່ຽວໄດ້ມີການ ເຊັນສັນຍາເຊົ່າລົດ ໂດຍການ ສະເໜີລາຄາ ເຊົ່າເປັນລາຍວັນ, ຕົກຢູ່ວັນລະ4.000 ບາດ (ເງິນ ໄທ) ຫຼືປະມານ 1 ລ້ານກວ່າ ກີບ, ເຊິ່ງໃຊ້ກຳນົດເຊົ່າ 10 ວັນ, ພ້ອມທັງມີການຈ່າຍເງິນ ກັນຮຽບຮ້ອຍ. ພໍໄດ້ລົດມາ ທ້າວ ເພັດສົມພອນ (ແຫຼ້) ກໍ່ໄດ້ ນຳເອົາລົດທີ່ເຊົ່າມາໄປຊວດ ຈຳເອົາເງິນນອກລະບົບ. ເມື່ອ ເຫັນວ່າໄດ້ຮັບຜົນດີທ້າວ ເພັດສົມພອນ ຈຶ່ງໄດ້ໄປເຊັນສັນ ຍາອີກລາຍຕໍ່ໄປ ພ້ອມດ້ວຍ ລາຍອື່ນໆອີກ ລວມແລ້ວມີເຖິງ 9 ລາຍ, ໄດ້ລົດໄປຊວດຈຳ 9 ຄັນ, ໃນນັ້ນ ມີລົດກະບະວີໂກ້ 5 ຄັນ, ລົດກະບະອີຊຸຊຸ 2 ຄັນ, ລົດກະບະຟອດ 1 ຄັນ ແລະລົດກະບະແດຮັນ 1 ຄັນ ລວມແລ້ວຄິດເປັນມູນຄ່າ ທັງໝົດ 696 ລ້ານກີບ.



ຈາກນັ້ນ, ທາງເຈົ້າໜ້າທີ່ ຈຶ່ງໄດ້ລົງໄປເອົາລົດຂອງກາງ ທີ່ທ້າວ ເພັດສົມພອນ ໄດ້ເອົາ ໄປຊວດຈຳນຳຮ້ານມາໄວ້ຢູ່ທີ່ ປກສ ນະຄອນ ເພື່ອດຳເນີນຄະ ດີຕາມລະບຽບກົດໝາຍບ້ານ ເມືອງ. ສ່ວນຜູ້ຖືກຫາ ກໍ່ໄດ້ກັກ ຕົວໄວ້ດຳເນີນຄະດີຕໍ່ໄປ./.

ສູນຝຶກອົບຮົມໂຮງຮຽນສ້າງແພດແຂວງສາລະວັນ ມອບໝວກໃຫ້ນັກສຶກສາ 34 ຄົນ ກຽມລົງປະຕິບັດຕົວຈິງ



ເພື່ອເຮັດໃຫ້ນັກສຶກສາ ສູນຝຶກອົບຮົມໂຮງຮຽນສ້າງແພດແຂວງສາລະວັນ ມີຄວາມຮັບຮູ້ເຂົ້າໃຈຢ່າງເລີກເຊີ່ງຕໍ່ກັບເນື້ອໃນບົດຮຽນທັງພາກທິດສະດີ ແລະ ຕົວຈິງ, ຮັບປະກັນໃນດ້ານປະລິມານ ແລະ ຄຸນນະພາບ, ພາຍຫຼັງໄດ້ສຶກສາຮ່ຳຮຽນພາກທິດສະດີ ມາແລ້ວ 1 ປີ ຈະຕ້ອງໄດ້ລົງຝຶກປະຕິບັດຕົວຈິງ ກ່ຽວກັບພະຍາບານພື້ນຖານຢູ່ໂຮງໝໍແຂວງ ໄລຍະ 5 ອາທິດ.
ພິທີມອບໝວກໃຫ້ນັກສຶກສາ ໄດ້ຈັດຂຶ້ນໃນວັນທີ 13 ສິງຫານີ້ ຢູ່ທີ່ສູນຝຶກອົບຮົມ ຮສຂ, ໃຫ້ກຽດເຂົ້າຮ່ວມ ແລະ ມອບໝວກໂດຍ: ທ່ານ ດຣ. ຄຳຄ້າຍ ຄຳສິງສະຫວັດ ຮອງຫົວໜ້າພະແນກສາທາລະນະສຸກແຂວງ.









20 ບ້ານຂອງເມືອງເລົ່າງາມ ໄດ້ຮັບອາຄານຮຽນ ຫ້ອງກຽມປະຖົມ ມູນຄ່າ 2 ຕື້ກວ່າກີບ ໃນຈຳນວນ 20 ຫລັງ




ອຳນາດການປົກຄອງບ້ານຂອງເມືອງເລົ່າງາມ 20 ບ້ານ ໄດ້ຮັບອາຄານຮຽນ ຫ້ອງກຽມປະຖົມ, ພາຍຫຼັງໄດ້ດຳເນີນການກໍ່ສ້າງມາແຕ່ຕົ້ນປີ 2017 ແລະ ສຳເລັດການກໍ່ສ້າງທຸກໆອາຮຽນທຸກບ້ານ 100% ໃນຕົ້ນເດືອນສິງຫາ 2019 ນີ້ ໂດຍໄດ້ຮັບທຶນຊ່ວຍເຫຼືອຈາກໂຄງການສຶກສາເດັກກ່ອນໄວຮຽນ ຫຼື ECEP, ຊື່ງມີມູນຄ່າການກໍ່ສ້າງທັງໝົດ 2 ຕື້ກວ່າກີບ, ມາໃນວັນທີ 9 ສິງຫານີ້ ໄດ້ມີພິທີມອບ-ຮັບ ຢ່າງເປັນທາງການ ຢູ່ບ້ານເຕເມສັງທອງ ເມືອງເລົ່າງາມ. ໂດຍການເຂົ້າຮ່ວມຂອງ ທ່ານ ຄຳໄຫຼ ພົມວິຈິດ ຮອງເຈົ້າເມືອງ ຜູ້ຊີ້ນຳວຽກງານວັດທະນະທຳສັງຄົມ, ໃຫ້ກຽດເຂົ້າຮ່ວມມີ ທ່ານ ຄຳອອນ ພອນປະເສີດ ຮອງຫົວໜ້າພະແນກສຶກສາທິການ ແລະກິລາແຂວງ, ມີຫ້ອງການທີ່ກ່ຽວຂ້ອງ, ນາຍບ້ານ 20 ບ້ານ, ຄູອາຈານ ແລະ ພໍ່ແມ່ປະຊາຊົນຈຳນວນໜຶ່ງເຂົ້າຮ່ວມ.



ໂຄງການກໍ່ສ້າງອາຄານຮຽນກ່ອນໄວຮຽນຂອງເດັກ ໄດ້ໃຫ້ທືນຊ່ວຍເຫຼືອ ແລະ ກໍ່ສ້າງຢູ່ເມືອງເລົ່າງາມ ມາແຕ່ປີ 2017 ແລະ ມາຮອດວັນທີ 9 ສິງຫາ 2019 ແມ່ນໄດ້ສຳເລັດການກໍ່ສ້າງ 100%, ປະກອບມີ 20 ບ້ານ, ຈຳນວນ 20 ຫຼັງ, ມີ 22 ຫ້ອງຮຽນ, ເປັນອາຄານຊັ້ນດຽວຖາວອນ, ມຸງດ້ວຍສັງກະສີ, ມີຂະໜາດກວ້າງ 8 x 10 ແມັດ ແລະ ມີຫ້ອງນ້ຳທຸກໆຫຼັງ ຈຳນວນ 40 ຫ້ອງ ແລະ ໄດ້ເຈາະນ້ຳບາດານ ພ້ອມທັງຕິດແທ້ງເກັບນໍ້າ 14 ຊຸດ ລວມມູນຄ່າການກໍ່ສ້າງທັງໝົດ 2.134 ລ້ານກວ່າກີບ




ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.