Header Ads

ເຜີຍແຜ່ວັດທະນະທຳ ຜ່ານໂຄງການຊາວໜຸ່ມເດີນທະເລ ອາຊຽນ-ຍີ່ປຸ່ນ



ໂຄງການ​ຊາວ​ໜຸ່ມ​ເດີນ​ທະເລ​ອາ​ຊຽນ-ຍີ່ປຸ່ນ ເປັນ​ໂຄງການທີ່​ໄດ້​ຮັບ​ການ​ສະໜັບສະໜູນ ແລະ ຊ່ວຍເຫຼືອ ​ຈາກ​ລັດຖະບານປະເທດ​ຍີ່ປຸ່ນ ທີ່​ໄດ້​ຈັດ​ຕັ້ງ​ປະຕິບັດ​ໃນ​ປີ 1974 ເປັນຕົ້ນ​ມາຮອດປັດຈຸບັນ​ ຄົບຮອບ 44 ປີ ມີ​ຈຸດ​ປະສົງ​ເພື່ອ​ເປັນ​ເວທີ​ໃຫ້​ແກ່​ຊາວ​ໜຸ່ມຈາກ​ບັນດາ​ປະເທດ​ສະມາຊິກ​ອາຊຽນ ແລະ ຊາວ​ໜຸ່ມ​ປະເທດຍີ່ປຸ່ນ ໄດ້​ມີ​ການ​ສ້າງ​ມິດຕະພາບສາຍ​ພົວພັນ​ການ​ຮ່ວມ​ມືຄວາມເຂົ້າໃຈ​ເຊິ່ງ​ກັນ ແລະ ກັນ ໂດຍຜ່ານ​ການ​ຈັດ​ກິດຈະກຳ​ແລກປ່ຽນ​ທາງ​ດ້ານ​ວັດທະນະທຳ ແລະ ການ​ສົນທະນາ​ໃນ​ຫົວຂໍ້ຕ່າງໆ​ທີ່​ຕິດ​ພັນ​ກັບ​ການ​ພັດ​ທະນາ​ເສດຖະກິດ ວັດທະນະທຳ-ສັງຄົມ ແລະ ການ​ສຶກ​ສາ​ຂອງບັນດາ​ປະເທດ​ສະມາຊິກ​ອາ​ຊຽນ ແລະ ຍີ່ປຸ່ນ ສະເພາະ​ປີ 2017 ເປັນ​ປີ​ແຫ່ງ​ຄວາມ​ພາກພູມ​ໃຈຂອງ​ຊາວ​ໜຸ່ມ​ລາວ​ ທີ່​ໄດ້​ເປັນສ່ວນ​ໜຶ່ງ​ໃນ​ການ​ສະເຫຼີມ​ສະຫຼອງ​ວັນ​ສ້າງຕັ້ງ​ອາ​ຊຽນ​ ຄົບຮອບ 50 ປີ ແລະ ການ​ເຂົ້າ​ຮ່ວມ​


ໂຄງການ​ຊາວ​ໜຸ່ມ​ເດີນ​ທະເລ​ອາ​ຊຽນ-ຍີ່ປຸ່ນຂອງ ​ສປປ ລາວ ຄົບຮອບ 20 ປີ ນັບ​ແຕ່​ປີ 1998 ເປັນຕົ້ນມາ ສະນັ້ນ ເພື່ອ​ເປັນ​ການ​ສະເຫຼີມ​ສະຫຼອງ​ວັນ​ສຳຄັນ​ດັ່ງກ່າວ ສູນ​ກາງ​ຊາວ​ໜຸ່ມ​ປະຊາຊົນ​ປະຕິວັດ​ລາວ (​ຊປປລ) ໄດ້​ຄັດ​ເລືອກຊາວ​ໜຸ່ມ​ລາວ​ຈຳນວນ 29 ຄົນ ໃຫ້​ເປັນ​ຕົວ​ແທນ​ເຂົ້າ​ຮ່ວມ​ໂຄງການ​ຕາມ​ການ​ເຊື້ອ​ເຊີນ ເຊິ່ງ​ຈະໃຊ້​ເວລາ​ດຳເນີນ​ໂຄງການ​ເປັນ​ເວລາ 52 ວັນ ໃນ​ນີ້ ຈະ​ໄດ້​ໄປ​ຢ້ຽມຢາມ​ປະເທດ​ຍີ່ປຸ່ນ ກຳປູເຈຍ ໄທ ລາວ ອິນ​ໂດ​ເນ​ເຊຍ ແລະ ປະເທດ​ມາ​ເລ​ເຊຍ.

ວັນ​ທີ 7 ຕຸລາ 2017 ທີ່​ຫໍ​ວັດທະນະ​ທຳ​ແຫ່ງ​ຊາດ ສູນ​ກາງ ​ຊປປລ ຈັດ​ງານ​ສະແດງ​ສິລະ​ປະ-ວັດທະນະທຳ​ຂອງ​ຄະນະ​ຊາວໜຸ່ມ​ລາວ ໂຄງການ​ຊາວ​ໜຸ່ມເດີນ​ທະເລ​ອາ​ຊຽນ-ຍີ່ປຸ່ນ ຄັ້ງ​ທີ 44 ປະຈຳ​ປີ 2017 ເປັນ​ປະທານຂອງ​ທ່ານ ສອນ​ທະນູ ທຳ​ມະ​ວົງ ເລຂາ​ຄະນະ​ບໍລິຫານ​ງານ​ສູນກາງ ​ຊປປລ ມີ​ບັນດາ​ຜູ້ຕາງໜ້າຈາກ​ກະຊວງ ພະແນກການ​ອ້ອມຂ້າງ ຕະຫຼອດ​ຮອດ​ສະມາຊິກຊາວ​ໜຸ່ມ ຜູ້​ໃຫ້ການ​ສະໜັບ​ສະໜູນ ແລະ ແຂກ​ຖືກ​ເຊີນ​ເຂົ້າຮ່ວມ.

ການສະແດງ​ສິລະ​ປະ​ຄັ້ງ​ນີ້ ​ປະກອບ​ມີ​ລະຄອນ​ເວທີ ບົດ​ຟ້ອນຕ່າງໆ ແລະ ຂາຍ​ສິນຄ້າ​ຫັດຖະກຳ​ທີ່​ເຮັດ​ດ້ວຍ​ມື (ສະມາຊິກເປັນ​ຜູ້​ປະດິດ) ເພື່ອ​ກະກຽມຄວາມ​ພ້ອມ​ໃຫ້​ແກ່​ຄະນະ​ຊາວໜຸ່ມ​ລາວ ​ທີ່​ຖືກ​ຄັດ​ເລືອກ​ໄດ້​ນຳເອົາ​ສິລະ​ປະ-ວັດທະນະທຳ​ອັນໂດດ​ເດັ່ນ ​ທີ່​ເປັນ​ເອກະລັກ​ຂອງ​ປະເທດ​ລາວ ​ໄປ​ເຜີຍແຜ່​ໃນ​ເວທີ​ສາກົນ ແລະ ອື່ນໆ.


________
ປະກາດ ຮ່ວມສ້າງຄວາມສຸກສູ່ສັງຄົມລາວ



No comments

Powered by Blogger.