Header Ads

ອາຊຽນ ຮ່ວມກັນຫາລືລະບົບພະລັງງານໄຟຟ້າ


ລັດ​ວິ​ສາ​ຫະ​ກິດ​ໄຟຟ້າ​ລາວ ໄດ້ຮັບ​ກຽດ​ຈັດ​ກອງ​ປະຊຸມ​ວຽກ​ງານ ລະຫວ່າງ​ກຸ່ມ​ໂຄງການ​ອາ​ຊຽນ 1 3 ແລະ 4 ຂອງ HAPUA ຂຶ້ນ ໃນ​ວັນ​ທີ 4-5 ທີ່​ນະຄອນຫຼວງວຽງ​ຈັນ ເປັນ​ປະທານ​ຂອງ​ທ່ານ ວິລະ​ພອນ ວິ​ຊຸ​ນະລາດ ຜູ້​ຊ່ວຍອຳນວຍ​ການ​ໃຫຍ່ ຫົວໜ້າ​ຝ່າຍນະໂຍບາຍ​ຄະນະ​ອຳນວຍ​ການໃຫຍ່ ລັດ​ວິ​ສາ​ຫະ​ກິດ​ໄຟຟ້າ​ລາວ ມີ​ບັນດາ​ຄະນະ​ອຳນວຍ​ການ ຮອງ​ອຳນວຍ​ການ ພະນັກງານ​ວິຊາ​ການ​ຈາກ​ປະເທດ​ອາ​ຊຽນ​ເຂົ້າຮ່ວມ.

ກອງ​ປະຊຸມ​ຄັ້ງ​ນີ້ ແມ່ນ​ເພື່ອປຶກສາ​ຫາລືກ່ຽວ​ກັບ​ວຽກ​ງານຂອງ​ໄຟຟ້າ​ອາ​ຊຽນ ປະກອບ​ມີ 3 ໂຄງການ​ຄື: ການ​ຄຸ້ມ​ຄອງ​ຊັບສິນ​ລະບົບ​ຈຳໜ່າຍ​ພະລັງງານໄຟຟ້າ​ອາ​ຊຽນ ແລະ ການ​ນຳ​ໃຊ້ໃຫ້​ເກີດ​ຜົນ​ປະໂຫຍດ​ສູງ​ສຸດ ໂຄງການ​ຄຸ້ມ​ຄອງ​ລະບົບ​ຈຳໜ່າຍ​ມີຄຸນະພາບ ແລະ ໝັ້ນຄົງ​ເພື່ອ​ສະໜອງ​ໃຫ້​ແກ່​ລູກ​ຄ້າ ແລະ ໂຄງການ​ລະບົບ​ໄຟຟ້າ​ອັດ​ສະ​ລິ​ຍະທິດ​ທາງ​ພັດທະນາ​ໃນ​ປະເທດ​ອາຊຽນ ທັງ​ນີ້ກໍ່​ເພື່ອ​ຖອດ​ຖອນ​ບົດຮຽນ​ຮ່ວມ​ກັນ ເພື່ອ​ເຮັດ​ໃຫ້​ວຽກການຈຳໜ່າຍ​ພະລັງງານ​ໄຟຟ້າ ມີ​ຄຸນະພາບ​ດີ.


________
ປະກາດ ຮ່ວມສ້າງຄວາມສຸກສູ່ສັງຄົມລາວ



No comments

Powered by Blogger.