Header Ads

ອີກໜື່ງລາງວັນ ຂອງ ນາວາສັກສິດ ຄອງຂັນເຈົ້າທ່າຊ່ວງເຮືອບຶງທາດຫຼວງ



ການ​ແຂ່ງຂັນ​ເຮືອ​ຊ່ວງ ນະຄອນ​ຫຼວງ​ວຽງ​ຈັນ ປະຈຳ​ປີ 2017 ທີ່ບຶງ​ທາດຫຼວງ ເມືອງ​ໄຊ​ເຊດ​ຖາ ຈັດ​ຂຶ້ນ​ວັນ​ທີ 18-22 ຕຸລາ ເຊິ່ງມີ​ເຮືອ​ເຂົ້າ​ຮ່ວມ​ການ​ແຂ່ງຂັນ​ຄື: ເຮືອ​ປະເພນີ​ຊາຍ 5 ລຳ ເຮືອ​ປະເພນີ​ຍິງ 5 ລຳ ເຮືອ​ສູດ​ຊາຍ 5 ລຳ ເຮືອ​ກີລາ 24 ລຳ ແລະ ເຮືອ ເຈັດ​ສະ​ກີ 30 ລຳ.

ວັນ​ທີ 22 ຕຸລາ 2017 ໄດ້ແຂ່ງຂັນ​ຊ່ວງ​ເຮືອ​ປະເພນີ​ຊາຍ-ຍິງເຮືອ​ສູດ ແຂ່ງຂັນ​ພົບ​ກັນ​ໃນສາຍ​ທີ 1-2 ເຂົ້າ​ຮອບ​ຊີງ​ຊະນະເລີດ ດ້ວຍ​ບັນ​ຍາ​ການ​ຄຶກຄື້ນມ່ວນຊື່ນ ​ມີ​ມວນ​ຊົນ​ເຂົ້າ​ຮ່ວມ​ເຊຍເປັນ​ຈຳນວນ​ຫຼວງຫຼາຍ ເຊິ່ງ​ມີເຮືອ​ເຂົ້າ​ຮ່ວມ​ແຂ່ງຂັນ ຄື: ເຮືອປະເພນີ​ຊາຍ 5 ລຳ ເຮືອ​ປະເພນີຍິງ 5 ລຳ ແລະ ເຮືອ​ສູດ​ຊາຍ 55 ສີພາຍ 5 ລຳ ຜົນ​ການ​ແຂ່ງຂັນ​ເຮືອ​ສູດ​ຊາຍ ອັນ​ດັບ​ທີ 1 ເຮືອນາວາ​ສັກສິດ ອັນ​ດັບ​ທີ 2 ເຮືອແດນ​ສະຫວັນ​ນ້ຳ​ງື່ມ-ຣີ​ສອດ ອັນດັບ 3 ເຮືອ​ສາຍຟ້າ ເຮືອ​ປະ​ເພນີ​ຊາຍ​ອັນ​ດັບ 1 ເຮືອ​ແຂວງ​ໄຊ​ຍະບູ​ລີ ອັນ​ດັບ 2 ເຮືອ​ຄອນ​ສະຫວັນ 99 ອັນ​ດັບ 3 ເຮືອນາງ​ສາວເກດ​ສຸລິນ ແລະ ເຮືອ​ປະເພນີ​ຍິງອັນ​ດັບ​ທີ 1 ເຮືອ​ບໍລິສັດ ແສງເພັດ​ເກັບ​ກູ້​ລະເບີດ ອັນ​ດັບ 2 ເຮືອ​ບ້ານ​ຫາດ​ສ້ຽວ ອັນ​ດັບ​ທີ 3 ເຮືອເຈົ້າ​ວໍລະ​ວົງ ສະຫະພັນ​ແມ່ຍິງ​ນັກຮົບ​ເກົ່າ ສ່ວນ​ການ​ແຂ່ງຂັນ​ເຮືອ​ເຈັດ​ສະ​ກີລຸ້ນ 700 cc ອັນ​ດັບ 1 ທ້າວ ມຸ້ຍ ອັນ​ດັບ 2 ທ້າວ ເອັມ ອັນ​ດັບ 3 ທ້າວ ໂກ້ຈະເລີນ ເຮືອ​ເຈັດ​ສະ​ກີ​ລຸ້ນ 1.100 cc ອັນ​ດັບ​ທີ 1 ທ້າວ ໂອ​ເລ້ ອັນດັບ 2 ທ້າວ ຈອນ ອັນ​ດັບ 3 ທ້າວ ບິນ​ລີ້ ເຮືອ​ເຈັດ​ສະ​ກີ ລຸ້ນ 1.500 cc ອັນ​ດັບ 1 ທ້າວ ຕາ​ເບ ອັນ​ດັບ 2 ທ້າວ ຈອນ ອັນ​ດັບ 3 ທ້າວ ກຸ້ງ ແລະ ເຮືອ​ເຈັດ​ສະ​ກີ​ລຸ້ນ 1.500 cc ຍິງ ອັນ​ດັບ 1 ນາງ ວັນນະ​ສາຍ​ຊົນ ອັນ​ດັບ 2 ນາງ ອັນ​ນີ ແລະ ອັນ​ດັບ 3 ນາງ ນ້ຳເພັດ.

ໃຫ້​ກຽດ​ມອບ​ລາງວັນ​ທີ 1 ຂອງ​ທ່ານ ສີ​ຫຸນ ສິດທິ​ລື​ໄຊ ຮອງເຈົ້າ​ຄອງ​ນະຄອນຫຼວງ ລາງວັນທີ 2 ແມ່ນທ່ານ ບຸນ​ທ່ຽງ ຂຸນ​ສີ ປະທານ​ແນວ​ລາວ​ສ້າງ​ຊາດນະຄອນ​ຫຼວງ ແລະ ລາງວັນ​ທີ 3 ທ່ານ ຖະໜອມ ທຳ​ທອງ ເຈົ້າເມືອງ​ໄຊ​ເຊດ​ຖາ ແລະ ມອບເຮືອ​ລາງວັນ 12 ສີພາຍ ແມ່ນທ່ານ ຄຳ​ສະຫວັນ ໂຄດ​ໄຊ ຮອງຫົວໜ້າ​ພະ​ແນກ​ສຶກ​ສາ​ທິ​ການ ແລະ ກີລານະຄອນຫຼວງ ມີ​ບັນດາ​ການ​ນຳນະຄອນຫຼວງ​ວຽງຈັນ ພ້ອມ​ດ້ວຍ​ບັນດາ​ຮອງ​ເຈົ້າແຂວງ ພະແນກການ ແລະ ມວນຊົນ​ເຂົ້າ​ຮ່ວມ



ທີ່ມາ: ນສພ ວຽງຈັນໃຫມ່

________
ປະກາດ ຮ່ວມສ້າງຄວາມສຸກສູ່ສັງຄົມລາວ



No comments

Powered by Blogger.