Header Ads

ທ່ານ ປອ ບຸນທອງ ຈິດມະນີ ລົງເຄື່ອນໄຫວຕິດຕາມໂຄງການກໍ່ສ້າງເສັ້ນທາງລົດໄຟລາວ-ຈີນ



ວັນທີ 18 ຕຸລາ 2017 ນີ້, ທ່ານ ປອ ບຸນທອງ ຈິດມະນີກຳມະການກົມການເມືອງສູນ ກາງພັກ, ເລຂາທິການສູນກາງ ພັກ, ຮອງນາຍົກລັດຖະມົນຕີ,ປະທານຄະນະກວດກາສູນກາງພັກ, ປະທານອົງການກວດກາລັດຖະບານ, ຫົວໜ້າອົງການຕ້ານການສໍ້ລາດບັງຫຼວງຂັ້ນ ສູນກາງ ພ້ອມຄະນະ ລົງເຄື່ອນໄຫວຢ້ຽມຢາມ ແລະ ເຮັດວຽກຢູ່ ແຂວງຫຼວງພະບາງ, ທັງລົງຕິດ ຕາມໂຄງການກໍ່ສ້າງທາງລົດໄຟລາວ-ຈີນເຂດທີ່ມີຜົນກະທົບ ຈາກໂຄງການດັ່ງກ່າວ, ເຊິ່ງມີທ່ານ ຄໍາຂັນ ຈັນທະວີສຸກ ກໍາມະການສູນກາງພັກ, ເລຂາພັກ ແຂວງ, ເຈົ້າແຂວງໆຫຼວງພະບາງ ພ້ອມດ້ວຍພະນັກງານຫຼັກແຫຼ່ງແຂວງ ໄດ້ໃຫ້ການຕ້ອນຮັບຢ່າງອົບອຸ່ນ.

ໂອກາດນີ້ ທ່ານ ປອ ບຸນທອງ ຈິດມະນີ ພ້ອມຄະນະ ໄດ້ເຮັດ ວຽກກັບອໍານາດການປົກຄອງ ເພື່ອຮັບຟັງລາຍງານສະພາບປະ ຊາຊົນໃນເຂດໄດ້ຮັບຜົນກະທົບ ທາງດ້ານທີ່ດິນຈາກໂຄງການ ກໍ່ສ້າງທາງລົດໄຟລາວ-ຈີນທີ່ເມືອງຊຽງເງິນ ໂດຍສະຫາຍ ເພັງ ຄໍາມະວົງ ຮອງເລຂາພັກ ເມືອງ, ຮອງເຈົ້າເມືອງຊຽງເງິນ ໄດ້ລາຍງານສະພາບໂດຍຫຍໍ້ ວ່າ: ເມືອງຊຽງເງິນມີ 49 ບ້ານ, 6.178 ຄອບຄົວ, ພົນລະເມືອງ 34.136 ຄົນ, ຍິງ 17.083 ຄົນ. ໄລຍະຜ່ານມາໃນທົ່ວເມືອງ ມີຄວາມສະຫງົບໂດຍພື້ນຖານ, ເສດຖະກິດຂະຫຍາຍຕົວຢ່າງ ເນື່ອງໃນລະດັບ 8,85%, ລວມ ຍອດຜະລິດຕະພັນພາຍໃນບັນລຸ ໄດ້ 397,94 ຕື້ກີບ, ລາຍຮັບສະ ເລ່ຍຕໍ່ຫົວຄົນໄດ້ 11.640.044 ກີບ ເທົ່າກັບ 1.410 ໂດລາສະ ຫະລັດ. ສໍາລັບວຽກງານການ ກໍ່ສ້າງທາງລົດໄຟລາວ-ຈີນ ຜ່ານແຂວງຫຼວງພະບາງມີໄລ ຍະທັງໝົດ 80 km, ໃນນັ້ນຜ່ານ ເມືອງຊຽງເງິນ 50 km, ຜ່ານ ການສໍາຫຼວດຕົວຈິງມີທາງລົດ ໄຟຜ່ານ 16 ບ້ານ, ມີ 3 ສະຖາ ນີ, ຂົວ 16 ແຫ່ງ ແລະ ອຸໂມງ 14 ແຫ່ງ, ພ້ອມນັ້ນຍັງມີໂຮງ ໂມ້ຊີມັງ 7 ແຫ່ງ. ເຊິ່ງຜ່ານການ ເກັບກໍາຂໍ້ມູນຜົນກະທົບທາງ ດ້ານທີ່ດິນຂອງປະຊາຊົນ ແລະ ທີ່ດິນຂອງລັດໃນ 16 ບ້ານ, ມີ 308 ຄອບຄົວ, ເນື້ອທີ່ 92,55 ເຮັກຕາ ມີ 325 ຕອນ, ເຮັດໃຫ້ ມີຜົນກະທົບຕໍ່ຜົນລະປູກ ແລະ ສິ່ງປູກສ້າງຂອງປະຊາຊົນ, ຫຼາຍກວ່າໝູ່ແມ່ນ ບ້ານບວມອໍ້. ຕໍ່ກັບບັນຫາຜົນກະທົບຈາກໂຄງ ການດັ່ງກ່າວແມ່ນໄດ້ສະເໜີໃຫ້ ໂຄງການຊົດເຊີຍຕໍ່ຜົນກະທົບດັ່ງ ກ່າວທາງດ້ານວັດຖຸ ແລະ ເຄື່ອງ ນຸ່ງຫົ່ມ ເພື່ອເຮັດໃຫ້ມີຊີວິດການ ເປັນຢູ່ດີຂຶ້ນກວ່າເກົ່າ.

ໃນໂອກາດນີ້, ທ່ານຮອງນາ ຍົກລັດຖະມົນຕີ ໄດ້ລົງໄປຢ້ຽມ ຢາມພົບປະໂອ້ລົມປະຊາຊົນ ບ້ານ ບວມອໍ້ ເຊິ່ງທ່ານໄດ້ສະ ແດງຄວາມຍ້ອງຍໍຊົມເຊີຍຕໍ່ຄະນະຮັບຜິດຊອບໄກ່ເກ່ຍ ທີ່ໄດ້ ເອົາໃຈໃສ່ປະຕິບັດໜ້າທີ່ ແລະ ຄວາມຮັບຜິດຊອບຂອງຕົນ ໂດຍສະເພາະການເຮັດວຽກປະສານງານ, ການປຸກລະດົມນຳພາແນວຄິດຂອງປະຊາຊົນ,

ການໄກ່ເກ່ຍບັນຫາຕ່າງໆແມ່ນມີຜົນສຳເລັດເປັນຢ່າງດີ. ພ້ອມດຽວກັນນັ້ນ ທ່ານຍັງໄດ້ຕີລາຄາສູງຕໍ່ອຳ ນາດການປົກຄອງກໍຄືປະຊາຊົນບ້ານບວມອໍ້ ທີ່ໄດ້ໃຫ້ການຮ່ວມມືກັບພາກສ່ວນຕ່າງໆ ໃນໂຄງການກໍ່ສ້າງເສັ້ນທາງລົດ ໄຟດັ່ງກ່າວ ກໍຄື ການປົກປັກຮັກ  ສາ ແລະ ພັດທະນາປັບປຸງປົວ ແປງບ້ານຊ່ອງຂອງຕົນ ເພື່ອໃຫ້ໃຫ້ເຂົ້າສູ່ສະພາບປົກກະຕິໂດຍໄວເຮັດໃຫ້ທົ່ວບ້ານມີຄວາມສະ ຫງົບ, ປະຊາຊົນມີຄວາມອຸ່ນ ອຽນທຸ່ນທ່ຽງ, ເຊື່ອໝັ້ນຕໍ່ການ ນຳພາຂອງພັກ-ລັດ, ຍົກລະດັບ ເສດຖະກິດ-ຊີວິດການເປັນຢູ່ ຂອງປະຊາຊົນພາຍໃນບ້ານ ໃຫ້ນັບມື້ໄດ້ຮັບການປັບປຸງດີ ຂຶ້ນເປັນກ້າວໆ.


ນອກຈາກນັ້ນ ທ່ານຮອງນາຍົກລັດຖະມົນຕີ ຍັງໄດ້ມີຄຳເຫັນເນັ້ນໜັກໃຫ້  ການນຳເມືອງຊຽງເງິນກວດ ເບິ່ງຄືນບັນດາຄາດໝາຍ ທີ່ໄດ້ ກຳນົດໄວ້ ໃນແຜນພັດທະນາເສດຖະກິດ-ສັງຄົມຂອງເມືອງ,ມີອັນໃດທີ່ເຫັນວ່າຍັງປະຕິບັດ ບໍ່ທັນໄດ້ດີ ແມ່ນໃຫ້ພ້ອມກັນຮີບຮ້ອນຈັດຕັ້ງປະຕິບັດໃຫ້ປາກົດຜົນເປັນຈິງ-ທັນກັບເວລາ; ໃຫ້ເອົາໃຈໃສ່ຕໍ່ວຽກງານປ້ອງກັນ ຊາດ-ປ້ອງກັນຄວາມສະຫງົບ ທົ່ວປວງຊົນຮອບດ້ານຢ່າງແຂງແຮງ, ເອົາໃຈໃສ່ຕໍ່ການຕ້ານ ແລະ ສະກັດກັ້ນປາກົດ  ການຫຍໍ້ທໍ້ຕ່າງໆເປັນຕົ້ນບັນ ຫາຢາເສບຕິດ, ມີສະຕິລະວັງຕົວຕໍ່ກົນອຸບາຍທຳລາຍຂອງພວກຄົນບໍ່ດີຫວັງການແບ່ງ ແຍກຄວາມສາມັກຄີ, ພາຍໃນການຍຸໂຍງສົ່ງເສີມປະຊາຊົນໄປ ໃນທາງທີ່ບໍ່ຖືກຕ້ອງ ແລະ ອື່ນໆ; ຄົ້ນຄວ້າເບິ່ງຄວາມເໝາະສົມ ໃນການຈັດສັນອາຊີບໃຫ້ແກ່ປະຊາຊົນທີ່ໄດ້ຮັບຜົນກະທົບ ໂດຍໃຫ້ເບິ່ງ 4 ດ້ານເປັນຫຼັກຄື: ການປູກ, ການລ້ຽງ, ການບໍລິການ ແລະ ຫັດຖະກຳ-ອຸດສາ ຫະກຳຂະໜາດນ້ອຍ,


ໃນນັ້ນ ແມ່ນໃຫ້ເລີ່ມຈາກທ່າແຮງຂອງ ແຕ່ລະຄອບຄົວເປັນສຳຄັນເປັນ ຕົ້ນແມ່ນທ່າແຮງດ້ານທີ່ດິນ, ແຮງງານ, ມູນເຊື້ອຂອງປະຊາຊົນ ແລະ ທຶນຮອນເປັນຫຼັກ; ສືບຕໍ່ຊຸກຍູ້ການພັດທະນາດ້ານສີມື ແຮງງານໃຫ້ແກ່ປະຊາຊົນຈັດ ຕັ້ງເຝິກອົບຮົມດ້ານວິຊາຊີບຄວາມຮູ້ຄວາມສາມາດທາງ ດ້ານເຕັກນິກ, ຄວບຄູ່ກັບຄວາມ ດຸໝັ່ນ, ອົດທົນ ແລະ ມີປະສິດ ທິຜົນໃນພຶດຕິກຳຕົວຈິງ; ສືບ ຕໍ່ເອົາໃຈໃສ່ປຸກລະດົມນຳພາ ແນວຄິດຂອງປະຊາຊົນໃນ ຄວາມເປັນເຈົ້າການພັດທະນາ ຕົນເອງ, ເພິ່ງຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ,ສ້າງສະຕິທາງດ້ານກົດໝາຍ,ລະບຽບການຕ່າງໆທີ່ຕິດພັນ ກັບການປົກປັກຮັກສາ ແລະ ສ້າງສາພັດທະນາບ້ານຊ່ອງໃຫ້ມີຄວາມໜັກແໜ້ນ, ເຂັ້ມແຂງຮອບດ້ານ, ສອດຄ່ອງຕາມທິດການ ພັດທະນາສີຂຽວ ແລະ ຍືນຍົງ. ຫຼັງຈາກນັ້ນ, ຄະນະຂອງທ່ານ ຮອງນາຍົກລັດຖະມົນຕີ ໄດ້ເດີນທາງໄປເບິ່ງສະພາບການກໍ່ສ້າງ ເສັ້ນທາງລົດໄຟຢູ່ພື້ນທີ່ຕົວຈິງ ໂດຍສະເພາະແມ່ນການຂຸດເຈາະອຸໂມງຢູ່ເຂດບ້ານພອນໄຊ, ເມືອງຫຼວງພະບາງ .



ຂ່າວ: ນາງ ສີອາມອນ
________
ປະກາດ ຮ່ວມສ້າງຄວາມສຸກສູ່ສັງຄົມລາວ



No comments

Powered by Blogger.