Header Ads

ສາລະໜ້າຮູ້...!!! ສິ່ງ​ທີ່​ແມ່​ຍິງ​ຖື​ພາ​ໄລ​ຍ​ະ3 ເດືອນ​ທຳ​ອິດ ຄວນ​ປະ​ຕິ​ບັດ




* ແມ່ຍິງທີ່ຖືພາ ໃນໄລຍະ 3 ເດືອນທຳອິດ ລະບົບຮໍໂມນ ​ເລືອດລົມ ໃນຮ່າງກາຍ ຈະມີການປ່ຽນແປງ ຫລາຍພໍສົມຄວນ ຈິ່ງສົ່ງຜົນ ໃຫ້ເກີດອາການ ຜິດປົກກະຕິ ຫລາຍຢ່າງ ໃນຮ່າງກາຍ ແລະ ອາລົມ ເຊິ່ງສົ່ງ ຜົນໃຫ້ເກີດ ມີອາການວິນຫົວ, ປວດຮາກ, ເບື່ອອາຫານ ແລະ ອື່ນໆ ຫລື ເອີ້ນວ່າ ອາການແພ້ທ້ອງ ເຊິ່ງເປັນອາການ ທີ່ສ້າງຄວາມລຳບາກ ໃຫ້ກັບແມ່ຖືພາ ຫລາຍທ່ານ ເພາະກິນອາຫານ ຫຍັງກໍບໍ່ໄດ້ເນື່ອງຈາກ ມີອາການ ປວດຮາກ ແລະ ຮູ້ສຶກອິດເມື່ອຍ. ສະນັ້ນ, ຄົນແພ້ທ້ອງ ຕ້ອງໄດ້ ເບິ່​ງແຍງໂຕເອງ ໃຫ້ດີ; ໃນຄໍລຳ ເພື່ອສຸຂະພາບ ມື້ນີ້ ຜູ້ຂຽນຈິ່ງນຳ ເອົາຂໍ້ມູນດີໆ ກ່ຽວກັບສິ່ງທີ່ ແມ່ຍິງຖືພາ ໄລຍະ  3 ເດືອນທຳອິດ ຄວນປະຕິບັດ ເພື່ອຫລຸດຜ່ອນອາ ການແພ້ທ້ອງ.



ໃນເບື້ອງຕົ້ນ ແມ່ນ​ເອົາໃຈໃສ່ ເລື່ອງອາຫານການກິນແຕ່ລະຄາບ ເປັນພິເສດເພາະ ໃນໄລຍະແພ້ທ້ອງ ຈະເຮັດໃຫ້ເບື່ອ ອາຫານກິນໄດ້ ໜ້ອຍຈະຮູ້ສຶກ ເໝັນຂິວກິ່ນ ອາຫານຫາກ ຮູ້ວ່າຕົວເອງ ບໍ່ສາມາດກິນເຂົ້າ ໄດ້ປ່ຽນມາກິນ ເຂົ້າໜົມປັງ, ເຂົ້າຈີ່, ນົມອຸ່ນ, ໝາກໄມ້ ຫລື ນ້ຳໝາກ ໄມ້ແທນ ລອງກິນໃນຕອນເຊົ້າ ຈະຊ່ວຍຫລຸດຜ່ອນອາການແພ້ ທ້ອງໄດ້ດີ. ພ້ອມນີ້, ກໍຕ້ອງຫລຸດ ຜ່ອນການກິນອາ ຫານປະເພດ ໄຂມັນເຊັ່ນ: ນ້ຳມັນໝູ, ເນີຍ ແລະ ໄຂມັນສັດ ເພາະຈະເຮັດໃຫ້ ແມ່ຖືພາ ມີອາການວິນຫົວ ປວດຮາກ ເພີ່ມ ຂຶ້ນກວ່າເກົ່າ. ຫລີກລ່ຽງການສືບ ດົມກິ່ນທີ່ຮູ້ສຶກວ່າເໝັນ, ຂິວ ບໍ່ວ່າ ຈະເປັນກິ່ນອາຫານ, ກິ່ນນ້ຳຫອມ ຫລື ກິ່ນອື່ນໆ ທີ່ເຮັດໃຫ້ທ່ານ ຮູ້ສຶກວິນຫົວ ປວດຮາກ. ເມື່ອກິນອາຫານ ໄດ້ໜ້ອຍ ຫລື ກິນຫຍັງ ກໍຮາກທ່ານ ຈະຮູ້ສຶກເມື່ອຍ. ສະນັ້ນ, ຈຶ່ງບໍ່ຄວນ ກິນຫລາຍໃຫ້ກິນ ເທື່ອລະໜ້ອຍ ແຕ່ ກິນຫລາຍໆເທື່ອ ແລະ ຖ້າກິນ ອາຫານປະເພດໃດ ແລ້ວຮາກອອກ ກໍຄວນຫລີກລ່ຽງ ແລະ ຄວນພັກຜ່ອນ ໃຫ້ພຽງພໍ, ບໍ່ຄວນເຮັດ ວຽກໜັກ, ຢືນ ຫລື ຍ່າງຫລາຍ ເກີນໄປ. ອາການແພ້ທ້ອງ ສ່ວນຫລາຍ ແມ່ນຈະເປັນ ແຕ່ໄລຍະ 3 ເດືອນ ທຳອິດເທົ່ານັ້ນກາຍນີ້ໄປອາການ ກໍຈະຄ່ອຍໆ ຫລຸດລົງ.



________
ປະກາດ ຮ່ວມສ້າງຄວາມສຸກສູ່ສັງຄົມລາວ



No comments

Powered by Blogger.