Header Ads

ແຂວງຫຼວງນ້ຳທາ ສະເຫຼີມສະຫຼອງວັນສ້າງຕັ້ງສະຫະພັນນັກຮົບເກົ່າແຫ່ງຊາດລາວ



ຫວ່າງມໍ່ໆນີ້ແຂວງຫຼວງ ນໍ້າທາ ໄດ້ຈັດພິທີສະເຫຼີມສະ ຫຼອງວັນສ້າງຕັ້ງສະຫະພັນນັກ ຮົບເກົ່າແຫ່ງຊາດ ລາວ ຄົບຮອບ 15 ປີ (9/9/2002-9/9/2017) ຢູ່ທີຫໍວັດທະນະທໍາຂອງແຂວງ ໂດຍເປັນກຽດເຂົ້າຮ່ວມຂອງ ພັນເອກ ບຸນຍີ່ ແກ້ວຄຸນເມືອງ ຮອງເລຂາພັກແຂວງ ຮອງເຈົ້າ ແຂວງໆຫຼວງນໍ້າທາ, ມີບັນດາ ການນຳ ຂອງແຂວງ, ພະນັກ ງານປະຕິວັດອາວຸໂສບຳນານ, ອົງການຈັດຕັ້ງມະຫາຊົນ, ບັນ ດາພະແນກການ ອ້ອມຂ້າງ ພ້ອມດ້ວຍບັນດາທ່ານນັກຮົບ ເກົ່າໃນທົ່ວແຂວງ, ກຳລັງປ້ອງ ກັນຊາດ-ປ້ອງກັນຄວາມສະ ຫງົບເຂົ້າຮ່ວມ.

ທ່ານ ແສງວັນດີ ວ່າໄຊຍີ ປະທານສະຫະພັນນັກຮົບເກົ່າ ແຂວງຫຼວງນໍ້າທາ ໄດ້ຂຶ້ນສະເໜີ ປະຫວັດມູນ ເຊື້ອເພື່ອທົບທວນ ຄືນເຖິງຜົນງານການກຳເນີດ ເຕີບໃຫຍ່ ແລະ ຂະຫຍາຍຕົວ ຂອງສະຫະພັນນັກ ຮົບເກົ່າແຫ່ງ ຊາດລາວ

ກໍຄືສະຫະພັນນັກຮົບ ເກົ່າແຂວງຫຼວງນໍ້າທາ ໄດ້ຕິດ ພັນກັບການສ້າງສາພັດທະນາ ປະເທດຊາດຂອງ ກອງທັບ ແລະ ປະຊາຊົນລາວບັນດາເຜົ່າ. ພາຍ ຫຼັງການຕໍ່ສູ້ປົດປ່ອຍຊາດໄດ້ ຮັບໄຊຊະນະ ແລະ ສະຖາປະ ນາສາທາລະ ນະລັດ ປະຊາທິ ປະໄຕ ປະຊາຊົນລາວ ໃນວັນທີ 2 ທັນວາ 1975 ບັນດານັກຮົບ ປະຕິວັດ ໃນເມື່ອກ່ອນຫຼາຍສະ ຫາຍໄດ້ກາຍເປັນພະນັກງານ ນຳພາ, ພະນັກງານຫຼັກແຫຼ່ງຢູ່ ບັນດາອົງການຈັດຕັ້ງຂອງພັກ, ຂອງລັດ ແລະ ອົງການຈັດຕັ້ງ ມະຫາຊົນແຕ່ສູນກາງຮອດ ທ້ອງຖິ່ນໃນທົ່ວປະເທດ. ເມື່ອໄດ້ ເຮັດສຳເລັດໜ້າທີ່ພາລະກຳປະ ຫວັດສາດທີ່ປະເທດຊາດມອບ ໝາຍໃຫ້ ເມື່ອເຖິງອາຍຸກະສຽນ ກໍໄດ້ຮັບການປະຕິບັດນະໂຍ ບາຍຈາກພັກ-ລັດພັກຜ່ອນບຳ ນານ ແລະ ນະໂຍບາຍອື່ນໆ ບັນ ດາສະຫາຍເຫຼົ່ານັ້ນມີນາມະຍົດ ແລະ ມີກຽດສັກສີຂອງນັກຮົບ ປະຕິວັດ.


 ດ້ວຍຄວາມຮູ້ບຸນຄຸນ ຕໍ່ຜູ້ມີຜົນງານທີ່ໄດ້ອຸທິດໃນພາ ລະກິດຕໍ່ສູ້ກູ້ຊາດ ຕອບສະໜອງ ຄວາມມຸ້ງມາດປາຖະໜາຂອງ ຖັນແຖວນັກຮົບເກົ່າຈຶ່ງໄດ້ຮັບ ການສ້າງຕັ້ງຂຶ້ນໃນວັນທີ 19 ທັນວາ 2001 ໂດຍມີຊື່ວ່າ: “ສະມາຄົມນັກຮົບເກົ່າລາວ” ຈາກນັ້ນກໍໄດ້ປ່ຽນຈາກສະມາ ຄົມນັກຮົບເກົ່າມາເປັນ “ສະຫະ ພັນນັກຮົບເກົ່າແຫ່ງຊາດລາວ” ໃນວັນທີ 9 ກັນຍາ 2002 ເພື່ອ ໃຫ້ສອດຄ່ອງກັບສະພາບການ ຕົວຈິງຂອງຖັນແຖວນັກຮົບເກົ່າ ໂດຍມີພາລະບົດບາດເປັນເສນາ ທິການໃຫ້ແກ່ລັດຖະບານເພື່ອ ຂົນຂວາຍ, ເຕົ້າໂຮມ, ຈັດຕັ້ງ ແລະ ສຶກສາອົບຮົມນັກຮົບເກົ່າ ໃຫ້ຮັກສາມູນເຊື້ອປະຕິວັດປະ ກອບສ່ວນເຂົ້າໃນການຄຸ້ມຄອງ ລັດ, ຄຸ້ມຄອງສັງຄົມ, ປົກປັກ ຮັກສາ ແລະ ພັດທະນາປະເທດ ຊາດ.
ໃນໂອກາດສະເຫຼີມສະຫຼອງ ວັນສ້າງຕັ້ງສະຫະພັນນັກຮົບ ເກົ່າແຫ່ງຊາດລາວ ຄົບຮອບ 15 ປີ ຄັ້ງນີ້ຍັງໄດ້ມອບໃບຍ້ອງຍໍໃຫ້ແກ່ຜູ້ທີ່ມີຜົນງານດີເດັ່ນເຊິ່ງປະກອບມີໃບກຽດຕິຄຸນ 8 ສະຫາຍ, ໃບຍ້ອງຍໍຂັ້ນເຈົ້າແຂວງ 1 ສະຫາຍ ແລະ ໃບຍ້ອງຍໍຂັ້ນປະທານສະຫະພັນນັກຮົບ 1 ສະຫາຍ.


ໂດຍ: ສົມສະນຸກ
________
ປະກາດ ຮ່ວມສ້າງຄວາມສຸກສູ່ສັງຄົມລາວ



No comments

Powered by Blogger.