Header Ads

ສະຫະພັນແມ່ຍິງລາວ ແລະ ຫວຽດນາມເຊັນບົດບັນທຶກການຮ່ວມມືເຊິ່ງກັນ ແລະ ກັນ


ເພື່ອສືບຕໍ່ເສີມຂະຫຍາຍສາຍ ພົວພັນມິດຕະພາບ ຄວາມສາມັກ ຄີພິເສດ ແລະ ການຮ່ວມມືຮອບ ດ້ານ ລາວ-ຫວຽດນາມ ເວົ້າສະເພາະສາຍພົວພັນ ແລະ ການຮ່ວມມືລະຫວ່າງສະຫະພັນ ແມ່ຍິງລາວ- ສະຫະພັນແມ່ຍິງຫວຽດນາມໃຫ້ເພີ່ມພູນ ຄູນສ້າງ, ແຕກດອກອອກຜົນ ແລະ ນັບ ມື້ເຕີບ ໃຫຍ່ ຂະຫຍາຍຕົວ, ວັນທີ 7 ກັນຍາ ຄະນະປະທານສູນກາງສະຫະພັນແມ່ຍິງ ລາວ ( ສສຍລ ) ນຳໂດຍ ທ່ານ ດຣ ນາງ ອິນລາວັນແກ້ວບຸນພັນ ກຳມະການສູນກາງພັກ, ປະທານຄະນະບໍລິຫານ ງານ ສສຍລ ໄດ້ຕ້ອນຮັບການມາຢ້ຽມຢາມຂອງຄະນະຜູ້ ແທນຂັ້ນສູງຈາກ ສຍ ຫວຽດນາມນຳໂດຍທ່ານນາງ ຫງຽວນ ທິທູ່ຮາກຳມະການສູນກາງພັກກອມ ມູນິດ, ປະທານຄະນະບໍລິຫານງານ ສຍ ຫວຽດນາມ ທີ່ໄດ້ເດີນ ທາງມາຢ້ຽມຢາມ ແລະ ເຄື່ອນ ໄຫວເຮັດວຽກຢູ່ ສປປ ລາວ ລະ ຫວ່າງວັນທີ 6-8 ກັນຍາ 2017.

ໂອກາດດຽວກັນນີ້ ສຍ ລາວ ແລະ ສຍ ຫວຽດນາມ ຫຼື ເອີ້ນ ລວມວ່າ “ສອງຝ່າຍ ” ໄດ້ຕົກ ລົງເປັນ ເອກະພາບ ແລະ ເຊັນຂໍ້ ຕົກລົງການຮ່ວມມືໄລຍະປີ 2017-2022 ເປັນຕົ້ນແມ່ນ: ການແລກປ່ຽນ ຂໍ້ມູນຂ່າວສານ ທາງດ້ານແນວທາງຂອງພັກ ແລະ ນະໂຍບາຍຂອງລັດຖະ ບານກໍຄືຜົນສຳເລັດ ໃນພາລະກິດ ປົກປັກຮັກສາ ແລະ ສ້າງສາພັດ ທະນາປະເທດຊາດ, ບົດຮຽນ, ປະສົບການໃນແຕ່ ລະຂົງເຂດທີ່ ກ່ຽວຂ້ອງກັບແມ່ຍິງ, ສືບຕໍ່ແລກ ປ່ຽນຄະນະຜູ້ແທນຂັ້ນສູງເພື່ອ ໄປຢ້ຽມຢາມ ແລະ ເຮັດວຽກ ຮ່ວມກັນ 2 ປີຕໍ່ຄັ້ງ, ທັງສອງ ຝ່າຍຈະພ້ອມກັນຊີ້ນຳແມ່ຍິງແຕ່ ລະຂັ້ນຂອງປະເທດຕົນ ເພີ່ມທະວີ ວຽກງານໂຄສະນາສຶກສາອົບ ຮົມໃຫ້ພະນັກງານ, ສະມາຊິກສະ ຫະ ພັນແມ່ຍິງ ແລະ ແມ່ຍິງ ບັນດາເຜົ່າ, ປົກປັກຮັກສາ, ພັດທະ ນາສາຍພົວພັນທີ່ເປັນມູນເຊື້ອ,


ຄວາມສາມັກຄີພິເສດລະຫວ່າງ ສອງຊາດ, ສອງອົງການຈັດຕັ້ງ ພ້ອມທັງຊຸກຍູ້ສົ່ງເສີມການປະຕິ ບັດບັນດາກິດຈະກຳພົບປະສ້າງ ສັນ, ການແລກປ່ຽນບົດຮຽນປະ ສົບການ, ຊ່ວຍເຫຼືອເຊິ່ງກັນ ແລະ ກັນ ພ້ອມກັນ ພັດທະນາ, ປະກອບສ່ວນປ້ອງກັນຄວາມສະ ຫງົບຢູ່ບໍລິເວນຊາຍແດນໃຫ້ເປັນ ຊາຍແດນ ແຫ່ງສັນຕິພາບ, ມິດ ຕະພາບມີຄວາມໝັ້ນຄົງຂະໜົງ ແກ່ນ ພ້ອມທັງອຳນວຍຄວາມສະ ດວກ ໃຫ້ແມ່ຍິງທັງສອງຊາດໄດ້ ພ້ອມກັນພັດທະນາ. ພິເສດສະຫະ ພັນແມ່ຍິງ ຫວຽດນາມ ຈະຊ່ວຍ ເຫຼືອສະຫະພັນແມ່ຍິງລາວໃນ ການຈັດຕັ້ງປະຕິບັດບັນດາກິດ ຈະກຳ, ເສີມຂະຫຍາຍມູນເຊື້ອ, ນາມະຍົດແມ່ຍິງ ແລະ ແມ່ຍິງວີລະຊົນ, ການພັດທະນາຊັບພະຍາ ກອນມະນຸດ, ຈະໃຫ້ການຊ່ວຍ ເຫຼືອ ສຍ ລາວ ໃນການເຝິກອົບ ຮົມຍົກລະດັບວິຊາການໄລຍະ ສັ້ນໃຫ້ພະນັກງານສະຫະພັນແມ່ ຍິງລາວ ທີ່ສະຖາບັນແມ່ຍິງ ຫວຽດນາມ.


ສຳລັບສະຫະພັນ ແມ່ຍິງລາວ ກໍຈະໄດ້ເອົາໃຈໃສ່ ໃນການຊຸກຍູ້ສົ່ງເສີມໃຫ້ພະນັກ ງານ ແລະ ລູກຫຼານ ສະໝັກໄປ ຮຽນໄລຍະຍາວຢູ່ທີ່ສະຖາບັນ ແມ່ຍິງຫວຽດນາມ ພ້ອມທັງເປັນ ເຈົ້າການພົວພັນ ກັບພາກ ສ່ວນ ຜູ້ ຮັບຜິດຊອບທຶນໄປຮຽນໄລຍະ ຍາວ, ທັງສອງຝ່າຍຈະພ້ອມກັນ ຈັດກອງປະຊຸມສຳມະນາກ່ຽວ ກັບບັນດາຂົງເຂດວຽກງານທີ່ ທັງສອງຝ່າຍມີຄວາມສົນໃຈຄື: ແມ່ຍິງກັບການພັດທະນາແບບ ຍືນຍົງ, ການສ້າງວຽກເຮັດງານ ທຳໃຫ້ແກ່ແມ່ຍິງ, ສ້າງຄອບຄົວ ໃຫ້ມີຄວາມຜາສຸກ ແລະ ໝັ້ນ ຄົງ, ຮັກສາສຸ ຂະພາບ ແລະ ສຸຂະພາບຈະເລີນພັນ, ແມ່ຍິງກັບ ການອະນຸຮັກຮັກສາ ແລະ ເສີມ ຂະຫຍາຍວັດທະນະທຳ -ຮີດ ຄອງປະເພນີອັນດີງາມຂອງ ຊາດ ແລະ ແມ່ຍິງແຕ່ລະປະເທດ,


ປົກປັກຮັກສາສະພາບແວດລ້ອມ ສ້າງຄວາມເຂັ້ມແຂງໃຫ້ແກ່ ການຈັດຕັ້ງແມ່ຍິງ, ບຳລຸງພະນັກງານ ເພດຍິງ, ວຽກງານກວດກາເກັບກຳຫາງສຽງສັງຄົມ, ເຄື່ອນໄຫວທັດສະນະສຶກສາ ຕາມຮູບແບບ ຜັດ ປ່ຽນກັນເພື່ອ ແລກປ່ຽນຮ່ວມມືດ້ານການພັດທະນາ, ສົມທົບການ ວາງສະແດງສິນຄ້າ, ຜະລິດຕະພັນ, ແລກປ່ຽນວັດທະນະທຳ ແລະ ຮີດຄອງປະເພນີອັນດີງາມ ໃນບຸນສຳຄັນຕ່າງໆຂອງສອງປະ ເທດ ພ້ອມທັງເພີ່ມທະວີການ ຮ່ວມມືກັບສາກົນເພື່ອສົ່ງເສີມ ຄວາມກ້າວໜ້າຂອງແມ່ຍິງ, ການໃຫ້ ຄຳປຶກສາ ເພື່ອປົກປ້ອງ ສິດຜົນປະໂຫຍດຂອງແມ່ຍິງ ແລະ ເດັກນ້ອຍ.

ທີ່ມາ: ຂ່າວກອງທັບ


________
ປະກາດ ຮ່ວມສ້າງຄວາມສຸກສູ່ສັງຄົມລາວ



No comments

Powered by Blogger.