Header Ads

ອະໂລຮາ! ບິນໄປຮາວາຍກັບ ແອເອເຊຍ ເອັກສ໌ ເດີນທາງຈາກເມືອງກົວລາລຳເປີສູ່ເມືອງໂຮໂນລູລູ ດ້ວຍລາຄາຖືກສຸດໆໆ


ໂອຊາກາ, 10 ກຸມພາ 2017ສາຍການບິນແອເອເຊຍ ເອັກສ໌ ສືບຕໍ່ການເປັນຜູ້ນຳດ້ວຍການເປີດເສັ້ນທາງ ບິນສູ່ ຮາວາຍ, ປະເທດ ສະຫະລັດ ອາເມລິກາ ເປັນຄັ້ງທຳອິດ.

ຖ້ຽວບິນດັ່ງກ່າວຈະອອກເດີນທາງຈາກນະຄອນຫລວງກົວລາລຳເປີ, ປະເທດມາເລເຊຍ ໄປສູ່ ເມືອງໂຮໂນລູລູ, ລັດ ຮາວາຍ ໂດຍຈະແວະ ພັກເຮືອບິນທີ່ໂອຊາກາ, ປະເທດຍີ່ປຸ່ນ ແລະ ຈະໃຫ້ບໍລິການ 4 ຖ້ຽວຕໍ່ອາທິດ ເລີ່ມແຕ່ວັນທີ 28 ມິຖຸນາ 2017.

ເພື່ອເປັນການສະເຫລີມສະຫລອງການເປີດເສັ້ນທາງໃຫມ່ນີ້, ສາຍການບິນແອເອເຊຍ ເອັກສ໌ ໄດ້ມອບໂປຣໂມຊັນ ພິເສດ ດ້ວຍລາຄາເລີ່ມຕົ້ນພຽງ 113 ໂດລາ*, ເຊິ່ງສາມາດສັ່ງຈອງປີ້ໄດ້ຕັ້ງແຕ່ວັນທີ 11 ເຖິງ 26 ກຸມພາ 2017 ສຳລັບການເດີນທາງລະຫວ່າງວັນທີ 28 ມິຖຸນາ 2017 ຫາ ວັນທີ 6 ກຸມພາ 2018. ໃນຊ່ວງ  ໂປຣໂມຊັນພິເສດນີ້, ຜູ້ໂດຍສານທີ່ຕ້ອງການເພີ່ມຄວາມສະດວກສະບາຍໃນການເດີນທາງສາມາດເລືອກໃຊ້ບໍລິ ການບ່ອນນັ່ງແບບພຣີມຽມແຟລັດເບດ (Premium Flatbed) ດ້ວຍລາຄາເລີ່ມຕົ້ນ 676 ໂດລາ* ເຊິ່ງຖືວ່າ ເປັນຫນຶ່ງໃນລາຄາປີ້ຖ້ຽວບິນໄປຮາວາຍຈາກອາຊີທີ່ຖືກທີ່ສຸດ. ຜູ້ທີ່ສົນໃຈສາມາດກວດສອບລາຄາໂປຣໂມຊັນ ພິເສດດັ່ງກ່າວໄດ້ທາງເວັບໄຊທ໌ www.airasia.com, ແຕ່ຈະບໍ່ສາມາດຈອງລາຄາດັ່ງກ່າວຜ່ານທາງແອບພລິເຄ ຊັນໂທລະສັບມືຖືໄດ້. 



ທ່ານ ຄາມາຣູດິນ ເມຣານັນ, ປະທານເຈົ້າຫນ້າທີ່ບໍລິຫານຂອງກຸ່ມບໍລິສັດສາຍການບິນແອເອເຊຍ ເອັກສ໌ ໄດ້ກ່າວ ວ່າ “ເສັ້ນທາງໃຫມ່ນີ້ຖືເປັນເສັ້ນທາງທີ່ຫລາຍຄົນລໍຖ້າ. ການທີ່ສາຍການບິນຂອງພວກເຮົາເຊື່ອມໂຍງພາກພື້ນ ອາຊຽນແລະອາຊີເຫນືອ ກັບປະເທດສະຫະລັດອາເມລິກາ ດ້ວຍລາຄາປະຢັດ ເຮັດໃຫ້ຄວາມຝັນຂອງຫລາຍຄົນ ທີ່ຕ້ອງການເດີນທາງທ່ອງທ່ຽວຂ້າມມະຫາສະຫມຸດປາຊີຟິກກາຍເປັນຄວາມຈິງ.”

“ພວກເຮົາຂໍຂອບໃຈທຸກຫນ່ວຍງານ ແລະ ເຈົ້າຫນ້າທີ່ພາກລັດທີ່ໃຫ້ການສະຫນັບສະຫນຸນເປັນຢ່າງດີ, ຂໍຂອບໃຈ ຄວາມເຊື່ອຫມັ້ນທີ່ມີຕໍ່ສາຍການບິນຂອງພວກເຮົາທີ່ເຮັດໃຫ້ການເປີດເສັ້ນທາງນີ້ເກີດຂື້ນໄດ້. ພວກເຮົາຈະເຮັດ ວຽກຢ່າງໃກ້ຊິດກັບທຸກຫນ່ວຍງານ ເພື່ອເຊື່ອມໂຍງຜູ້ຄົນໃຫ້ສາມາດໄປມາຫາສູ່ກັນໄດ້ຫລາຍຂື້ນໃນເສັ້ນທາງ ຂ້າມທະວີບເສັ້ນທາງນີ້.”



ສຳລັບແຂກທີ່ເຂົ້າຮ່ວມງານຖະແຫລງຂ່າວມື້ນີ້ປະກອບດ້ວຍ ທ່ານ ເບນຈາມິນ ອິດສະມາອິລ, ປະທານເຈົ້າຫນ້າທີ່ບໍລິຫານຂອງບໍລິສັດແອເອເຊຍ ເອັກສ໌ ເບີຫັດ, ທ່ານ ເອັມມານູເອລ ເມນັນທົວ, ຜູ້ແທນອຳນວຍການ ແລະ ປະທານເຈົ້າຫນ້າທີ່ບໍລິຫານຮ່ວມຂອງສະຫນາມບິນຄັນໄຊ, ທ່ານ ມິດຊູ ວາລີ, ຮອງປະທານການທ່ອງທ່ຽວ ຮາວາຍປະຈຳປະເທດຍີ່ປຸ່ນ ແລະ ນາງ ອາລິສັນ ຊູ, ນາງງາມຮາວາຍ.

ຜູ້ໂດຍສານທີ່ເດີນທາງໄປແວະພັກເຮືອບິນຢູ່ໂອຊາກາໃນໄລຍະເວລາສອງຊົ່ວໂມງແມ່ນບໍ່ຈຳເປັນຕ້ອງມີວີຊ່າປະເທດຍີ່ປຸ່ນ ແລະ ສາມາດກັບຄືນໄປບ່ອນນັ່ງຫມາຍເລກເດີມເທິງເຮືອບິນລຳເດີມໄດ້ ພາຍຫລັງການສະແກນກວດກະເປົາຫິ້ວຂື້ນເຄື່ອງ ຫລື ສຳພາລະອື່ນໆເພື່ອຄວາມປອດໄພ.

ສຳລັບຜູ້ໂດຍສານຈາກເມືອງອື່ນໆທີ່ຢູ່ພາຍໃນເຄືອຂ່າຍເສັ້ນທາງການບິນຂອງສາຍການບິນແອເອເຊຍ ແລະ ແອເອເຊຍ ເອັກສ໌ ສາມາດໃຊ້ບໍລິການຕໍ່ທ່ຽວບິນ (Fly-Thru) ຂອງແອເອເຊຍເພື່ອເດີນທາງສູ່ເມືອງໂຮໂນລູລູໄດ້ ໂດຍການເດີນທາງໄປແວະພັກເຮືອບິນອີກຄັ້ງຫນຶ່ງທີ່ກົວລາລຳເປີ.

ນອກຈາກນີ້, ຜູ້ໂດຍສານທີ່ຕ້ອງການທ່ອງທ່ຽວຢູ່ໂອຊາກາກ່ອນເດີນທາງສູ່ໂຮໂນລູລູ ຍັງສາມາດເລືອກສັ່ງຈອງປີ້ ແບບເດີນທາງຫລາຍເມືອງ (Multi-City) ແລ້ວຈະສາມາດໃຊ້ເວລາຢູ່ໂອຊາກາໄດ້ເປັນເວລາສອງມື້ (ຈຳເປັນຕ້ອງ ມີວີຊ່າປະເທດຍີ່ປຸ່ນ).

ລັດຮາວາຍ ຫລື ທີ່ເອີ້ນກັນວ່າ “ສະຫວັນແຫ່ງປາຊີຟິກ” ປະກອບໄປດ້ວຍເກາະຈຳນວນ 8 ເກາະ, ຕັ້ງຢູ່ກາງມະຫາ ສະຫມຸດປາຊີຟິກ, ມີທຳມະຊາດທີ່ສວຍງາມ ແລະ ວັດທະນະທຳພື້ນເມືອງທີ່ເປັນເອກະລັກສະເພາະ. ລັດຮາວາຍເປັນລັດດຽວຂອງປະເທດສະຫະລັດອາເມລິກາ ທີ່ຕັ້ງຢູ່ໃນທະວີບໂອເຊອານີ ແລະ ມີເມືອງຫລວງທີ່ມີຊື່ວ່າ ໂຮໂນລູລູ ຕັ້ງຢູ່ເທິງເກາະໂຮວາຊູ ເຊິ່ງເປັນເກາະມີປະຊາກອນຫລາຍທີ່ສຸດ. ໂຮໂນລູລູເປັນເມືອງທີ່ມີທັງຄວາມທັນສະໄຫມ ແລະ ມົນສະເຫນ່ຂອງເກາະປະປົນກັນຢ່າງລົງຕົວ. ຊາຍຫາດໄວກິກິ (Waikiki) ທີ່ມີຊື່ສຽງລະດັບໂລກ ຄັ້ງຫນຶ່ງ ເຄີຍເປັນທີ່ຕັ້ງບ້ານພັກຕາກອາກາດຂອງບັນດາກະສັດ ແລະ ມະເຫສີຂອງຮາວາຍ.



ທ່ານສາມາດຕິດຕາມໂປຣໂມຊັນຫລ້າສຸດ ແລະ ກິດຈະກຳຕ່າງໆຂອງແອເອເຊຍຜ່ານທາງ Facebook (facebook.com/AirAsia) ແລະ Twitter (twitter.com/AirAsia).

* ລາຄາໂປຣໂມຊັນຕໍ່ຖ້ຽວດຽວເຊິ່ງລວມຄ່າອາກອນ ແລະ ຄ່າທຳນຽມແລ້ວ, ເຊິ່ງເປັນໄປຕາມຂໍ້ກຳນົດ ແລະ ເງື່ອນໄຂຕ່າງໆຕາມທີ່ໄດ້ລະບຸໄວ້ ແລະ ຂື້ນຢູ່ກັບການອະນຸມັດຂອງຫນ່ວຍງານລັດຖະບານປະເທດຍີ່ປຸ່ນ.

ຕາຕະລາງຖ້ຽວບິນເສັ້ນທາງກົວລາລຳເປີ, ປະເທດມາເລເຊຍ, (KUL) ຫາ ໂຮໂນລູລູ, ຮາວາຍ (HNL) ຜ່ານ ໂອຊາກາ, ປະເທດຍີ່ປຸ່ນ (KIX)

ຫມາຍເຫດ: ເວລາຖ້ຽວບິນທີ່ໄດ້ລະບຸໄວ້ແມ່ນອີງຕາມເວລາທ້ອງຖິ່ນ.

ກ່ຽວກັບກຸ່ມບໍລິສັດແອເອເຊຍ ເອັກສ໌
ແອເອເຊຍ ເອັກສ໌ ແມ່ນສາຍການບິນທາງໄກໃນລາຄາປະຢັດຂອງກຸ່ມບໍລິສັດແອເອເຊຍ ໃຫ້ບໍລິການບິນສູ່ 22 ຈຸດຫມາຍປາຍທາງ ທົ່ວອາຊີ, ອົດສະຕຣາລີ, ນິວຊີແລນ ແລະ ຕາເວັນອອກກາງ. ແອເອເຊຍ ເອັກສ໌ ນຳໃຊ້ເຮືອບິນແອບັດ A330-300s ຈຳນວນ 30 ລຳ ໃຫ້ບໍລິການບ່ອນນັ່ງແບບພຣີມຽມແຟລັດເບດ ທີ່ສາມາດ ປັບບ່ອນນັ່ງໄດ້ຈຳນວນ 12 ບ່ອນນັ່ງ ແລະ ແບບປະຢັດຈຳນວນ 365 ບ່ອນນັ່ງ. ສາຍການບິນໄດ້ໃຫ້ບໍລິການ ຜູ້ໂດຍສານຈຳນວນ 19 ລ້ານກວ່າຄົນນັບແຕ່ເລີ່ມດຳເນີນການໃນປີ 2007. ແອເອເຊຍ ເອັກສ໌ ໄດ້ຮັບລາງວັນ ຊັ້ນໂດຍສານແບບພຣີມຽມ ແລະ ບ່ອນນັ່ງແບບພຣີມຽມທີ່ດີທີ່ສຸດໃນໂລກ ໃນກຸ່ມສາຍການບິນລາຄາປະຢັດ ຈາກງານປະຈຳປີທີ່ມີຊື່ວ່າ Skytrax World Airline Awards ເປັນເວລາ 4 ປີຊ້ອນ ຕັ້ງແຕ່ປີ 2013 ຫາ ປີ 2016.​

ສຳລັບຂໍ້ມູນເພີ່ມຕື່ມກ່ຽວກັບສື່ຂ່າວສານ, ກະລຸນາຕິດຕໍ່:
Eugene Siew
ພະແນກການສື່ສານ
ມືຖື: +6016 653 8221
ອີເມວ: siewhonleong@airasia.com
________
ປະກາດ ຮ່ວມສ້າງຄວາມສຸກສູ່ສັງຄົມລາວ



No comments

Powered by Blogger.