[Latest News][6]

ຂ່າວລັດຖະບານ

ລາວຈະເປັນເຈົ້າພາບກອງປະຊຸມທ່ອງທ່ຽວຂອງປະເທດແມ່ນ້ຳຂອງ ປີ 2017


ແຫຼ່ງຂ່າວຈາກ ttrweekyl.com ໃຫ້ຮູ້ ໃນວັນທີ 14 ກໍລະກົດ 2016 ນີ້ວ່າ ລັດຖະບານລາວ ໄດ້ຕອບຢືນຢັນ ຈະເປັນເຈົ້າພາບກອງປະຊຸມ ທ່ອງທ່ຽວ ຂອງປະເທດແມ່ນ້ຳຂອງ ຫຼື Mekong Tourism Forum (MTF) 2017 ແລ້ວ. ເຊິ່ງວາງແຜນໄວ້ ໃນຕົ້ນເດືອນ ກໍລະກົດ ປີ 2017 ແລະ ຈະໄປຈັດທີ່ ຫຼວງພະບາງ ເມືອງມໍລະດົກໂລກ.

ທ່ານ ສູນ ມະນີວົງ ຫົວໜ້າກົມທອງທ່ຽວ, ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ໄດ້ຕອບຢືນຢັນ ທີ່ກອງປະຊຸມ ກຸ່ມວຽກງານການທ່ອງທ່ຽວ ວ່າ ທາງ ສປປລາວ ແມ່ນມີຄວາມພ້ອມ ແລະຕັ້ງໃຈ ທີ່ຈະເປັນເຈົ້າພາບ ກອງປະຊຸມ ໃນປີ 2017.

ຕາມປະເພນີແລ້ວ ການຈັດກອງປະຊຸມ MTF ຈະໝູນວຽນກັນ ຂອງບັນດາປະເທດລຸ່ມນ້ຳຂອງ 6 ປະເທດ ປະກອບມີ ກຳປູເຈຍ,​ຈີນ, ລາວ, ມຽນມາ, ໄທ ແລະ ຫວຽດນາມ. ເຊິ່ງຕາມແຜນແລ້ວ ປີ 2017 ຈະໄປຈັດທີ່ຈີນ ອາດຈະແມ່ນທີ່ ຢູນນານ ຫຼື ກວາງຊີ, ແຕ່ວ່າ ທາງລັດຖະບານຈີນ ໄດ້ມອບ ໂອກາດນີ້ ໃຫ້ ສປປລາວ.

ທ່ານສູນ ໄດ້ກ່າວວ່າ ເມືອງຫຼວງພະບາງ ເມືອງມໍລະດົກໂລກ ຕັ່ງຫ່າງຈາກ ນະຄອນຫຼວງວຽງຈັນ ພຽງ 400 ກິໂລແມັດ ທີ່ສາມາດເດີນທາງໄປທາງຍົນ ແລະ ສາມາດຮອງຮັບ ບັນດາຜູ້ແທນເຂົ້າຮ່ວມກອງປະຊຸມ 300 ກວ່າຄົນໄດ້ຢ່າງແນ່ນອນ.

ຫຼວງພະບາງເຄີຍເປັນເຈົ້າພາບ ກອງປະຊຸມສຸດຍອດ ການລົງທຶນດ້ານການທ່ອງທ່ຽວຂອງປະເທດແມ່ນ້ຳຂອງ ໃນປີ 2006.

ເຊິ່ງຄາດວ່າການຈັດກອງປະຊຸມຄັ້ງນີ້ ຈະມີຫົວໜ່ວຍເອກະຊົນຫຼາຍພາກສ່ວນຈະໃຫ້ການສະໜັບສະໜູນ ແກ່ ອົງການທ່ອງທ່ຽວແຫ່ງຊາດຂອງລາວ.

ທີ່ມາ: ttrweekly.com

ປະກາດ Pakaad: ຮ່ວມສ້າງຄວາມສຸກສູ່ສັງຄົມລາວ

ສົນໃຈໂຄສະນາ ແລະ ປະຊາສຳພັນໂທ 0305898959

Start typing and press Enter to search

ຂ່າວໜ້າ 1