Header Ads

ແຈ້ງການ ປິດເສັ້ນທາງຊົ່ວຄາວ ເພື່ອສະຫຼອງວັນຊາດ ໃນເຊົ້າວັນທີ 2 ທັນວາ 2015: ເລີ່ມແຕ່ເວລາ 5 ໂມງເຊົ້າ ຈົນປິດພິ

Photo from: Tholakhong
ແຈ້ງການ ປິດເສັ້ນທາງຊົ່ວຄາວ ເພື່ອສະຫຼອງວັນຊາດ ໃນເຊົ້າວັນທີ 2 ທັນວາ 2015: ເລີ່ມແຕ່ເວລາ 5 ໂມງເຊົ້າ ຈົນປິດພິທີ.
------------------------------
ຫຼາຍເສັ້ນທາງ ຈະຖືກປິດການສັດຈອນຊົ່ວຄາວໃນວັນທີ 2 ທັນວາ 2015 ນີ້
ກອງບັນຊາການ ປກສ ນະຄອນຫຼວງວຽງຈັນ ໄດ້ປະກາດແຈ້ງການປິດນຳໃຊ້ເສັ້ນທາງຊົ່ວຄາຍຄື:

1. ຖະໜົນໄກສອນພົມວິຫານ-ວົງວຽນ 450 ປີ - 4 ແຍກຂົວຮ່ອງແຊງ ( ໄຟອຳນາດຄ້ອຍໂພນເຄັງ ).
2. ຖະໜົນ 23 ສິງຫາ-4 ແຍກໄຟອຳນາດທາດຫຼວງ.
3. ສີ່ແຍກໄຟອຳນາດວັດນາໄຊ- 3 ແຍກໜອງບອນ ( ລ້ຽວຊ້າຍໄປໄຟອຳນາດທາດຫຼວງ ).
4. ຖະໜົນກຳແພງເມືອງ - 4 ແຍກໄຟອຳນາດຂົວຮ່ອງແຊງຕາມທາງຮ່ອມທີ່ສາມາດເຂົ້າໄປເຖິງເດີ່ນພະທາດຫຼວງແມ່ນປິດບໍ່ໃຫ້ຜ່ານຢ່າງເດັດຂາດ.

ທ່ານ ພັຕ ສັງຄົມ ພົມມະລາດ ຮອງຫົວໜ້າພະແນກຕໍາຫຼວດຈະລາຈອນ ນະຄອນຫຼວງວຽງຈັນ ໄດ້ຖະແຫຼງກ່ຽວກັບການປິດນຳໃຊ້ຖະໜົນຕ່າງໆດັ່ງກ່າວໃນວັນທີ 30 ພະຈິກຜ່ານມານີ້, ຢູ່ຫ້ອງຕຳຫຼວດນະຄອນຫຼວງວຽງຈັນວ່າ: ເພື່ອຮັບປະກັນໃຫ້ແກ່ການສະຫຼອງວັນຊາດທີ່ 2 ທັນວາ 2015 ນີ້ ມີຄວາມເປັນລະບຽບຮຽບຮ້ອຍ, ກອງບັນຊາການ ປກສ ນະຄອນຫຼວງວຽງຈັນ ຈື່ງໄດ້ອອກແຈ້ງການໃຫ້ຊາບທົ່ວເຖິງກັນວ່າ, ເລີ່ມປິດການນຳໃຊ້ຖະໜົນຕ່າງໆຊົ່ວຄາວນັບແຕ່ເວລາ 5 ໂມງ ຂອງວັນທີ 2 ທັນວາ 2015 ນີ້, ຈົນກວ່າຈະສຳເລັດພິທີການຕ່າງໆໃນວັນດັ່ງກ່າວ,

ສຳລັບລົດທີ່ຂົນສົ່ງກ້ອນກຳລັງສວນສະໜາມ ແມ່ນໃຫ້ຈອດໄວ້ທີ່ສວນປະຕູໄຊ ຫຼື ບ່ອນຈອດລົດທີ່ຄະນະກຳມະການສວນສະໜາມກຳນົດໄວ້ໃຫ້ ແລະ ຫ້າມເດັດຂາດນຳໃຊ້ລົດຂົນສົ່ງວັດສະດຸກໍ່ສ້າງປະເພດ, ດິນດຳ, ດິນແດງ, ຫີນແຮ່, ຊາຍ, ລົດໂມ້ປູນ, ລົດປ້ຳປູນ ແລະ ລົດຂົນສົ່ງອື່ນໆ ເຂົ້າຮັບໃຊ້ໂຄງການກໍ່ສ້າງຕ່າງໆໃນໄລຍະນີ້, ທຸກໆໂຄງການກໍ່ສ້າງຕ້ອງມີຮົ້ວອ້ອມສະໜາມກໍ່ສ້າງໄລຍະຫ່າງຂອງແລວຮົ້ວຢ່າງໜ້ອຍ 1,5 ແມັດ, ນັບຈາກຟຸດບາດທາງຍ່າງເບື້ອງນອກ. ມີການກັ້ງບັງອາຄານທີ່ກໍ່ສ້າງໃໝ່, ຫ້າມບໍ່ໃຫ້ວາງວັດສະດຸກໍ່ສ້າງ, ກອງຫີນ-ກອງຊາຍ ແລະ ອື່ນໆ ໃນເຂດສະຫງວນ, ຖ້າຫາກພົບເຫັນວ່າມີການລະເມີດແມ່ນຈະໄດ້ປະສານກັບອຳນາດການປົກຄອງເມືອງ ແລະ ພາກສ່ວນກ່ຽວຂ້ອງ ເພື່ອດຳເນີນມາດຕະການຕາມລະບຽບກົດໝາຍຢ່າເຂັ້ມງວດ.

ສຳລັບມວນຊົນທີ່ຈະເຂົ້າຮ່ວມຊົມການສະແດງໃນໂອກາດສະຫຼອງວັນຊາດທີ 2 ທັນວາ 2015 ນີ້, ເຈົ້າໜ້າທີ່ໄດ້ກຳນົດຂອບເຂດໄວ້ໃຫ້ເປັນທີ່ຮຽບຮ້ອຍແລ້ວ, ທັງນີ້ກໍ່ເພື່ອຄວາມເປັນລະບຽບຮຽບຮ້ອຍດ້ານການສັນຈອນ.

ດັ່ງນັ້ນ, ຈື່ງຮຽກໃຫ້ທຸກພາກສ່ວນໃນສັງຄົມລາວ ຈົ່ງຮ່ວມມືກັນເພື່ອຈັດຕັ້ງປະຕິບັດຕາມແຈ້ງການສະບັນນີ້ຢ່າງເຂັ້ມງວດດ້ວຍ.

No comments

Powered by Blogger.