Header Ads

ຄວາມແຕກຕ່າງລະຫວ່າງ: ຜັກອໍແກນິກ (ຜັກປອດສານພິດ) ແລະ ຜັກປູກດ້ວຍວິທີການ ໄຮໂດຣໂພນິກ (ປູກຜັກໂດຍບໍ່ໃຊ້ດິນ)


ຄວາມແຕກຕ່າງລະຫວ່າງ: ຜັກອໍແກນິກ (ຜັກປອດສານພິດ) ແລະ ຜັກປູກດ້ວຍວິທີການ ໄຮໂດຣໂພນິກ (ປູກຜັກໂດຍບໍ່ໃຊ້ດິນ)
------------------------------------
ໄດ້ມີໂອກາດ ອ່ານບົດຄວາມຈາກວຽງຈັນທາມ ຕອນເຊົ້າມື້ນີ້ ເຫັນວ່າເປັນປະໂຫຍດ ແກ່ທຸກຄົນ ກັບປະເດັນເລື່ອງ ຜັກປອດສານຜິດ ຫຼື ຜັກອໍແກນິກ. ທີ່ຫຼາຍອາດຈະຮູ້ ຫຼື ຫຼາຍຄົນອາດຈະບໍ່ທັນຮູ້ລະອຽດວ່າ ຜັກປອດສານຜິດແທ້ໆ ນັ້ນແມ່ນແນວໃດ. ເພາະວ່າປະຈຸບັນມີວິທີການປູກຜັກຫຼາຍວິທີ ແລະ ວິທີການປູກແບບບໍ່ໃຊ້ດິນ ນັ້ນກຳລັງເປັນທີ່ນິຍົມ.

ທ່ານບຸນທັນ ພົມພອງ ວີຊາການດ້ານກະສິກຳ ໄດ້ໃຫ້ຂໍ້ມູນວ່າ: ປະຈຸບັນທາງປະຊາຊົນ ແລະ ຜູ້ຂາຍຜັກຕາມທ້ອງຕະຫຼາດ ແມ່ນໃຫ້ໍ້ມູນເລື່ອງຜັກອໍແກ່ນິກທີ່ບໍຖືກຕ້ອງ ເຮັດໃຫ້ຜູ້ບໍລິໂພກສັບສົນ ວ່າອັນໃດແທ້ ທີ່ເອີ້ນວ່າຜັກອໍແກ່ນິກປອດສານຜິດ. ດຽວມາເບິ່ງນຳກັນວ່າ ຜັກອໍແກ່ນິກ ແລະ ຜັກໄຮໂດຣໂພນິກ ຕ່າງກັນແບບໃດ?


1. ຜັກທີ່ປູກໂດຍບໍ່ໃຊ້ດິນ ຫຼື Hydroponic ນັ້ນ ບໍ່ທັນໄດ້ຮັບການຮອງຮັບວ່າເປັນຜັກອໍແກ່ນິກ ເພາະຍັງໃຊ້ສາຍເຄມີເພື່ອຊ່ວຍເລັ່ງການເຕີບໂຕຂອງຜັກ ໂດຍຜ່ານທໍ່ສົ່ງນ້ຳໄປຫາຮາກຂອງຜັກທີ່ປູກ. ແຕ່ສານເຄມີແຕ່ທີ່ໃຊ້ນັ້ນ ກໍ່ແຕ່ຕ່າງກັນໄປຕາມແຕ່ລະສູດ. ເຊິ່ງສະຫຼຸບຍັງບໍ່ແມ່ນຜັກອໍແກ່ນິກ, ແຕ່ກໍ່ເປັນຜັກທີ່ມີຄວາມປອດໄພ ສົມຄວນ.

2. ຜັກອໍແກ່ນິກ ທີ່ໄດ້ຮັບການຮັບຮອງ ແມ່ນຜັກທີ່ປູກໃສ່ດິນ ທີ່ປອດສານເຄມີ ໂດຍນຳໃຊ້ ປຸຍຊີວະພາບ ເຊັ່ນຂີ້ເປັດຂີ້ໄກ່ ທີ່ບໍ່ມີສານເຄມີໃດໆມາເຈືອປົນ.

ປະຈຸບັນ, ຜູ້ບໍລິໂພກແມ່ນມີຄວາມສ່ຽງກັບການກິນຜັກທີ່ປູກໂດຍໃຊ້ສານເຄມີ ເພື່ອເລັ່ງການເຕີບໂຕຂອງຜັກ, ດັ່ງນັ້ນ, ຜູ້ປູກກໍ່ຕ້ອງມີຈັນຍາບັນ, ຜູ້ຂາຍກໍ່ຕ້ອງມີຈັນຍາບັນ. ເພື່ອໃຫ້ປະຊາຊົນລາວມີສຸຂະພາບແຂງແຮງ.

ຮຽບຮຽງໂດຍ: ທີມງານປະກາດ
-----------------------------------------
‪#‎ສຸຂະພາບ‬ ‪#‎ກະສິກຳ‬

No comments

Powered by Blogger.