ເປີດໂຕສະມາດໂຟນລຸ້ນແລກໃນປະເທດລາວທີ່ມີໜ້າຈໍແບບ Punch Display
HUAWEI NOVA 4 ມາພ້ອມກັບກ້ອງຫຼັງ 3ໂຕ ແລະ ກ້ອງໜ້າສູງເຖິງ 25 ລ້ານພິກເຊວ!!!

ມາໃໝ່ແລ້ວຈ້າ ສຳລັບ Huawei ສະມາດໂຟນຕະກຸນ Nova series ກໍຄື HUAWEI NOVA 4 ນັ້ນເອງ
ເຊິ່ງກ່ອນໜ້ານີ້ທາງ Huawei ໄດ້ຜະລິດ Huawei nova3, nova 3i, nova3e ອອກມາຈຳໜ່າຍເຊິ່ງສ້າງຄວາມປະທັບໃຈ ແລະ ຖືກໃຈຜູ້ຊົມໃຊ້ຢ່າງຫຼວງຫຼາຍ ເຮັດໃຫ້ມີຍອດຂາຍສູງຫຼາຍໜ່ວຍ.
ມາໃນຄັ້ງນີ້ທາງ Huawei ໄດ້ເປີດຕົວ Huawei Nova 4 ເຊິ່ງມາໃນຮູບແບບໜ້າຈໍ Punch Display ທີ່ມີໜ້າຕາແປກໃໝ່ຕື່ນຕາຕື່ນໃຈສຸດໆ, ເຊິ່ງງານນີ້ຖືກໃຈສໍາລັບຄົນທີ່ລໍຄອຍໃຫ້ມີສະມາດໂຟນລຸ້ນທີ່ມີຕິ່ງທາງກາງກວນໃຈຫາຍໄປແນ່ນອນ.
Huawei Nova 4 ເປັນສະມາດໂຟນລຸ້ນທຳອິດໃນປະເທດລາວທີ່ມີໜ້າຈໍແບບ Punch Display ເຮັດໃຫ້ໜ້າຈໍສາມາດສະແດງຜົນໄດ້ເຕັມຈໍຫຼາຍຂຶ້ນ, ບໍ່ມີບັນຫາຕິ່ງຢົດນ້ຳ ຫຼື ແຫວ່ງກາງຈໍມາກວນໃຈອີກແລ້ວ ເຮັດໃຫ້ສາມາດເບິ່ງໜັງ, ຫຼິ້ນໂຊຊຽວ, ຫຼິ້ນເກມໄດ້ເຕັມທີ່ຂຶ້ນ. ເຊິ່ງນອກຈາກໜ້າຈໍ Punch Display ແລ້ວ Huawei nova 4 ຍັງບັນຈຸ RAM ມາເຖິງ 8GB ແລະ ROM ອີກ 128GB ພ້ອມກ້ອງຫຼັງ 3ໂຕ ແລະ ກ້ອງໜ້າແຈ້ງເຖິງ 25ລ້ານພິກເຊວ, ນອກນັ້ນຍັງອັດແໜ້ນ Function ຫຼາກຫຼາຍທີ່ໜ້າສົນໃຈເຊິ່ງມາຕິດຕາມເບິ່ງນຳກັນເລີຍວ່າມີຫຍັງແນ່.

ສະເປັກ HUAWEI NOVA 4

• ໜ້າຈໍ: IPS LCD ຂະໜາດ 6.4 ນິ້ວ, ຄວາມລະອຽດ Full HD+ (2310 x 1080).
• CPU: Kirin 970.
• Ram + Rom: 8GB + 128GB.
• ກ້ອງຫຼັງ: 20MP + 16MP + 2MP (Triple camera).
• ກ້ອງໜ້າ: 25MP.
• ໄຟແຟສ LED, ໂຟກັສອັດຕະໂນມັດ Auto focus, ແຕະເລືອກຈຸດໂຟກັສ Touch focus.
• ລະບົບກັນສັ່ນ Electronic image stabilization.
• ເຄືອຂ່າຍ: ຮອງຮັບ 2G/3G/4G/4G+, ໃຊ້ງານ Nano sim, ຮອງຮັບ 2 ຊິມ.
• ລະບົບເຊັນເຊີ : ລະບົບກວດສອບລາຍນິ້ວມື Fingerprint
ລະບົບຈົດຈຳໃບໜ້າ Face Detection
ລະບົບໝຸນໜ້າຈໍອັດຕະໂນມັດ Accelerometer
ລະບົບກວດຈັບແສງປັບຄວາມສະຫວ່າງອັດຕະໂນມັດ Ambient light
ລະບົບເປີດ/ປິດໜ້າຈໍອັດຕະໂນມັດໃນຂະນະສົນທະນາ Proximity
• ການເຊື່ອມຕໍ່ : Wi-Fi 802.11 a/b/g/n/ac, dual-band, Wifi direct, Portable wifi hotspot.
• Bluetooth 4.2, ຮອງຮັບ A2DP Bluetooth Stereo.
• Type-C USB 2.0.
• ຂະໜາດຮູສຽບຫູຟັງ 3.5 mm.
• ເຄື່ອງຫຼິ້ນເພງ: ຮອງຮັບ AAC, MP3, MP4, 3GP, MIDI, OGG, FLAC.
• ແບັດຕາຣີ : 3750mAh (typical value) / ຮອງຮັບການສາກ 9V/2A 18W Quick Charge.
• ລະບົບ Android 9.0 ຄອບດ້ວຍ EMUI 9.0.1.
• ສີທີ່ວາງຈຳໜ່າຍ : ຟ້າ Crush Blue, ດຳ Black.
ຮູບຮ່າງພາຍນອກຂອງຕົວເຄື່ອງ Huawei NOVA 4
ດ້ານໜ້າ

ທາງດ້ານໜ້າຂອງຕົວເຄື່ອງເປັນໜ້າຈໍຂະໜາດ 6.2 ນິ້ວ ໜ້າຈໍສະແດງຜົນສີສັນສົດສວຍງາມ ຮູບຊົງຂອງຈໍເປັນແບບໂຄ້ງມົນ, ຕົວເຄື່ອງແມ່ນເປັນຝາຄອບໂລຫະຢ່າງດີ ທົນທານຕໍ່ການຕົກກະທົບ ເຮັດໃຫ້ໃຊ້ງານໄດ້ແບບຫາຍຫ່ວງ, ດ້ານເທິງຂອງຈໍປະກອບມີ: ກ້ອງໜ້າຄວາມລະອຽດ 25ລ້ານພິກເຊວ.
ດ້ານຂ້າງ, ດ້ານລຸ່ມ-ເທິງ

ທາງດ້ານຂ້າງຝັ່ງຊ້າຍຈະປະກອບມີບ່ອນໃສ່ຊິມເຊິ່ງຮອງຮັບໄດ້ 2 ຊິມເຊັ່ນເຄີຍ ສາມາດຮອງຮັບສັນຍານໄດ້ 2G/3G/4G/4G+. ດ້ານຄວາມຈຳທີ່ມີ 128GB ບໍ່ມີບ່ອນໃຫ້ວາງ Micro SD card ເພີ່ມອີກນັ້ນແປວ່າມີຄວາມຈຳໄດ້ສູງສຸດພຽງ 128GB.
ທາງດ້ານຂ້າງຂອບຂວາກໍມີປຸ່ມປິດເຄື່ອງ ແລະ ປັບລະດັບສຽງຄືປົກກະຕິ, ປຸ່ມມີຄວາມແໜ້ນໜາດີ ຕໍາແໜ່ງກໍພໍດີພໍງາມສະດວກສະບາຍຕໍ່ການໃຊ້ງານ
ທາງດ້ານລຸ່ມຂອງເຄື່ອງກໍຈະເປັນຮູຕັດສຽງລົບກວນທີ່ຢູ່ດ້ານຊ້າຍ, ທາງກາງຈະເປັນຮູສາກແບັດໂທລະສັບ ແລະ ດ້ານຂວາສຸດກໍຄືຮູລໍາໂພງນັ້ນເອງ.
ທາງດ້ານເທິງກໍຈະມີຮູສຽບສາຍຮູຟັງຂະໜາດ 3.5ມມ, ຖັດໄປກໍຈະເປັນ Proximity sensor ສຳລັບວັດແທກໄລຍະການສະແດງຜົນຂອງໜ້າຈໍໃຫ້ດັບເວລາໃຊ້ງານໂທລະສັບ.
ດ້ານຫຼັງ
ທາງດ້ານຫຼັງຂອງຕົວເຄື່ອງທີ່ເອົາມາຣີວິວໃນຄັ້ງນີ້ແມ່ນຈະເປັນສີ Crush Blue ກໍຄືຈະເປັນການໄລ່ເສດສີຂອງສີຟ້າທາງເທິງໄປຫາສີມ້ວງດ້ານລຸ່ມແບບ Gradient ສວຍສົດງົດງາມອີ່ຫຼີເປັນສີທີ່ງາມຫຼາຍ, ສ່ວນຄວາມຄວາມແຂງແຮງຂອງຝາແມ່ນມີຄວາມແໜ້ນໜາແຂງແຮງດີ, ຝາຄອບດ້ານຫຼັງມີຄວາມໂຄ້ງພໍດີງາມ ເຮັດໃຫ້ຈັບຖືໄດ້ພໍດີມືສະດວກສະບາຍ.

ທາງດ້ານຫຼັງກໍໍຈະປະກອບມີກ້ອງ 3ໂຕລຽນເປັນແຖວເຊັ່ນເຄີຍ ແລະ ຖັດລົງມາກໍຈະເປັນໄຟແຟສ LED ແລະ ໂລໂກ້ AI Camera. ທາງດ້ານກາງກໍຈະເປັນບ່ອນສະແກນນິ້ວມືເອົາໄວ້ປົດລ໋ອກໂທລະສັບນັ້ນເອງ.

ປະສິດທິພາບ ແລະ ການໃຊ້ງານທົ່ວໄປ

Huawei Nova 4 ມາພ້ອມກັບລະບົບ EMUI 9.0.1 ແລະ Android 9 pie, ຊິບ Kirin 970 ເຊິ່ງເປັນຊິບເຮືອທົງຂອງ Huawei ທີ່ເປັນຊິບລຸ້ນດຽວທີ່ໃຊ້ກັບໂທລະສັບ Huawei P20/ P20 pro.
ສ່ວນຄວາມຈຳໃນເຄື່ອງນີ້ແມ່ນອັດແໜ້ນມາເຖິງ RAM 8GB ແລະ ROM 128GB (ເຊິ່ງລຸ້ນນີ້ບໍ່ສາມາດເພີ່ມ Micro SD card ໄດ້ອີກ)
ປະສິດທິພາບການຫຼິ້ນເກມ
ຂໍ້ນີ້ອາດຈະເປັນຂໍ້ທີ່ທຸກຄົນໃຫ້ຄວາມສົນໃຈຫຼາຍສົມຄວນກະຄືປະສິດທິພາບການຫຼິ້ນເກມນັ້ນເອງ
ເຊິ່ງເກມທີ່ຈະຍົກມາທົດລອງໃຫ້ທຸກຄົນໄດ້ເຫັນກໍຄືເກມຍອດຮິດໃນຕອນນີ້ PUBG MOBILE ນັ້ນເອງ.
ຈາກທີ່ເຮົາຮູ້ກັນດີວ່າ Huawei Nova 4 ມີ GPU Turbo 2.0 ເຊິ່ງຊ່ວຍເຮັດໃຫ້ເກມຫຼິ້ນໄດ້ລື່ນໄຫຼບໍ່ມີສະດຸດແນ່ນອນ, ດັ່ງນັ້ນຈຶ່ງເຮັດໃຫ້ການຫຼິ້ນເກມໜັກໆຄື PUBG MOBILE ນັ້ນເປັນເລື່ອງສະບາຍໆ.
ພາບຄວາມຄົມຊັດຕ່າງໆຂອງເກມ PUBG MOBILE ສາມາດປັບຄວາມລະອຽດໄດ້ລະດັບສູງສຸດ ກຣາຟຟິກທີ່ HDR HD ແລະ Framerate ທີ່ Ultra ແຕ່ເກມກໍຍັງບໍ່ມີສະດຸດ, ຍັງສາມາດຫຼິ້ນໄດ້ບໍ່ຂັດຈັງຫວະຍິງສັດຕູແນ່ນອນ.

ຫຼາຍຄົງອາດຈະສົງໄສວ່າ Huawei Nova 4 ອອກແບບໜ້າຈໍມາໃໝ່ແບບນີ້ຈະເຮັດໃຫ້ຮູນ້ອຍໆທີ່ເປັນກ້ອງໜ້າຝັ່ງຊ້າຍເທິງນັ້ນຈະບັງເອົາປຸ່ມໃດໜຶ່ງໃນເກມທີ່ເຮົາຫຼິ້ນຫຼືບໍ່? ຈາກການທົດລອງຫຼິ້ນແລ້ວເຫັນວ່າບໍ່ມີການບັງຫຍັງ ເພາະຈາກຂະໜາດກ້ອງໜ້າມີຂະໜາດນ້ອຍຫຼາຍເຮັດໃຫ້ບໍ່ມີບັນຫາໃນການຫຼິ້ເລີຍ ແລະ ຂະໜາດໜ້າຈໍທີ່ເຕັມຂອບແບບນີ້ເຮັດໃຫ້ຫຼິ້ນເກມໄດ້ເຕັມທີ່ຫຼາຍ.
ນອນຈາກເກມ PUBG MOBILE ແລ້ວ Huawei Nova 4 ຍັງຮອງຮັບບັນດາເກມຍອດຮິດຕ່າງໆອີກເຊັ່ນ: Mobile Legends, Arena of Valor (ROV), Rule of Survival, Vainglory, NBA2K18, Fortnite…
ກ້ອງຖ່າຍຮູບ
ກ້ອງໜ້າ
ເຮົາມາເລີ່ມກັບກ້ອງໜ້າກັນກ່ອນ, ກ້ອງໜ້າມີຄວາມລະອຽດເຖິງ 25ລ້ານພິກເຊວ ສາມາດຖ່າຍໜ້າຊັດຫຼັງເບີໄດ້ດ້ວຍໂໝດ Portrait ພຽງກົດເລືອກເມນູ Boke, ຕໍ່ມາໂໝດທີ່ສາວໆທຸກຄົນຕ້ອງຫຼົງຮັກຄື Beauty mode ມີໃຫ້ປັບເຖິງ 10 ລະດັບ ເຮັດໃຫ້ການຖ່າຍຮູບເຊວຟີ້ງາມໆເປັນເລື່ອງງ່າຍໆ ພາບທີ່ໄດ້ຈະມີຄວາມລະອຽດຂອງໃບໜ້າຄົມຊັດສວຍງາມ ໂດຍມີໃຫ້ເລືອກ 2 ໂໝດຄື: Beauty mode ທຳມະດາ ຫຼື Beauty mode Bokeh, ນອກນັ້ນຍັງມີໂໝດຖ່າຍຮູບມ່ວນໆໃຫ້

ເລືອກບໍ່ວ່າຈະເປັນ AR lens, Night mode, 3D Qmoji, HDR mode ແລະ ອື່ນໆທີ່ໜ້າສົນໃຈອີກ. ກ້ອງໜ້າຂອງ Huawei Nova 4 ມາພ້ອມເທັກໂນໂລຢີ AI ຊ່ວຍກວດຈັບວັດຖຸຕ່າງໆໄດ້ເຖິງ 8 ປະເພດ ແລະ ວິເຄາະສາກຫຼັງກວ່າ 200 ແບບ ເຊິ່ງ Master AI ຈະຊ່ວຍປັບຮູບພາບໃຫ້ສວຍງາມເປັນທຳມະຊາດ ເກັບກຳລາຍລະອຽດຂອງວັດຖຸໃຫ້ມີຄວາມສົມຈິງ ເຊິ່ງໃຜກໍສາມາດຖ່າຍຮູບໄດ້ແບບມືອາຊີບງ່າຍໆ, ນອກນັ້ນຍັງມີໂໝດ AI + HDR PRO ຈະຊ່ວຍປັບແສງ ໃຫ້ມີຄວາມສົມດຸນກັບຮູບຖ່າຍ ບໍ່ວ່າຈະເປັນບ່ອນມືດ ກໍ່ຈະປັບແສງໃຫ້ສະຫວ່າງຂຶ້ນ ແລະ ບ່ອນທີ່ມີແສງຫຼາຍກໍຈະປັບໃຫ້ແສງຫຼຸດລົງອັດຕະໂນມັດ ເພື່ອໃຫ້ເຫັນລາຍລະອຽດຂອງພື້ນທີ່ບໍລິເວນນັ້ນຊັດເຈນຂຶ້ນ. ເຮົາມີພາບຕົວຢ່າງຈາກກ້ອງໜ້າດັ່ງລຸ່ມນີ້ເລີຍ:

ກ້ອງຫຼັງ
ສ່ວນທາງດ້ານຫຼັງມີກ້ອງຢູ່ 3 ໂຕຄື:

  1. ກ້ອງເລນສີ RGB ຄວາມລະອຽດ 20MP ຮູຮັບແສງ (f/1.8)
  2. ກ້ອງເລນ Ultra wide angle ຄວາມລະອຽດ 16MP ຮູຮັບແສງ(f/2.2, 117°)
  3. ກ້ອງເລນ Bokeh ຄວາມລະອຽດ 2MP ຮູຮັບແສງ (f/2.4)
    ກ້ອງຫຼັງ Huawei Nova 4 ມີຫຼາຍໆໂໝດທີ່ໜ້າສົນໃຈຄື:
    • ເທັກໂນໂລຢີຖ່າຍພາບອັດສະລີຍະ Master AI ຊ່ວຍກວດຈັບວັດຖຸຕ່າງໆໄດ້ເຖິງ 22 ປະເພດ ແລະ ວິເຄາະສາກຫຼັງກວ່າ 500 ແບບ, ພ້ອມປັບການຕັ້ງຄ່າຕ່າງໆອັດຕະໂນມັດໃຫ້ເໝາະກັບວັດຖຸທີ່ຖ່າຍ.
    • ໄຟແຟສ LED, ໂຟກັສຮູບອັດຕະໂນມັດ ຫຼື ສາມາດແຕະເລືອກຈຸດໂຟກັສ.
    • ລະບົບກັນພາບສັ່ນ Electronic image stabilization.
    • ໂໝດຖ່າຍຮູບ: ເວລາກາງຄືນ, ໜ້າຊັດຫຼັງເບີ.
    • ຄົ້ນຫາໃບໜ້າອັດຕະໂນມັດ (Face detection)
    • ໂໝດປັບໜ້ານຽນອັດຕະໂນມັດ (AI face beauty)
    • ໂໝດຖ່າຍພາບພາໂຣນາມາ (Panorama)
    • ໂໝດຖ່າຍພາບຢ້ອນແສງ (HDR)

ຮູບພາບຈາກກ້ອງຫຼັງທີ່ເຮົາຈະມາຍົກໃຫ້ເຫັນແມ່ນມີຫຼາຍໆໂໝດຕາມຮູບພາບດັ່ງນີ້:

ສັງເກດພາບຖ່າຍຈາກເລນສີປົກກະຕິ ກັບ ພາບຖ່າຍຈາກເລນ Ultra wide angle ເຫັນໄດ້ຊັດເຈນວ່າພາບຈາກກ້ອງເລນ Ultra wide angle ໃຫ້ເຫັນມຸມມອງໄດ້ຫຼາຍກວ່າ ດ້ວຍມຸມຂອງເລນ 117 ອົງສາ ຄວາມລະອຽດ 16 ລ້ານພິກເຊວ ສາມາດເຫັນມຸມມອງພາບໄດ້ຫຼາຍກວ່າ 140% ຂອງພາບປົກກະຕິ.
ໃນສ່ວນພາບຖ່າຍໃນຕອນກາງຄືນສາມາດໃຊ້ super night mode ໃນການຊ່ວຍໃຫ້ໄດ້ພາບຖ່າຍຈາກຕອນກາງຄືນຄົມຊັດ ແລະ ລະບົບກັນສັ່ນ Electronic image stabilization ສາມາດເກັບທຸກລາຍລະອຽດຂອງພາບໂດຍບໍ່ຕ້ອງເພິ່ງຂາຕັ້ງກ້ອງຊ່ວຍ ດັ່ງພາບຕົວຢ່າງລຸ່ມນີ້:

ການຖ່າຍວິດີໂອ
Huawei Nova 4 ນອກຈາກຈະຖ່າຍຮູບໄດ້ຫຼາຍໂໝດຫຼາຍມຸມອອກມາໄດ້ງາມຄົມຊັດແລ້ວ ໃນເລື່ອງຂອງການຖ່າຍວິດີໂອກໍສາມາດຖ່າຍໄດ້ແບບມືອາຊີບໄດ້ສະບາຍ ເພາະ Huawei Nova 4 ສາມາດບັນທຶກວິດີໂອຄວາມລະອຽດສູງສຸດທີ່ລະດັບ 4K Ultra HD ພ້ອມລະບົບກັນສັ່ນໃນຂະນະທີ່ບັນທຶກວິດີໂອ, ລວມເຖິງຟັງຊັ້ນ AI Video ທີ່ນຳລະບົບ AI ເຂົ້າມາຊ່ວຍຈົດຈໍາໃບໜ້າ ແລະ ສ້າງເປັນຄິບວິດີໂອຂອງແຕ່ລະບຸກຄົນໄດ້.
ນອກຈາກນັ້ນ Huawei Nova 4 ຍັງມີໂໝດຖ່າຍວິດີໂອແບບ Slow-Motion 480 ເຟມຕໍ່ວິນາທີ ເຮັດໃຫ້ທ່ານບັນທຶກຄວາມຊົງຈຳດີໆໄດ້ຢ່າງຊັດເຈນ.

ສະຫຼຸບສະເປັກລວມຂອງ HUAWEI NOVA 4

ຂະໜາດຕົວເຄື່ອງ
ນ້ຳໜັກເຄື່ອງ 157.075.17.77mm
172g
ຊິບເຊັດ Kirin 970
ແຣມ + ຣອມ 8GB + 128GB
ໜ້າຈໍ Punch Display ຂະໜາດ 6.4 ນິ້ວ
ຄວາມລະອຽດ Full HD 2310*1080 ພິກເຊວ
AI ກ້ອງຫຼັງ 3 ໂຕ ເລນສີ RGB ຄວາມລະອຽດ 20MP ຮູຮັບແສງ(f/1.8)
ເລນ Ultra wide angle ຄວາມລະອຽດ 16MP ຮູຮັບແສງ(f/2.2, 117°)ເລນ Bokeh ຄວາມລະອຽດ 2MP ຮູຮັບແສງ (f/2.4)
AI ກ້ອງໜ້າ ຄວາມລະອຽດ 25MP ຮູຮັບແສງ f/2.0
ແບັດຕາຣີ ແລະ ສາຍສາກ 3,750mAh (typical value) / 9V2A Quick Charge / Type C

ໂດຍລວມແລ້ວ Huawei Nova 4 ແມ່ນມີຫຼາຍຟັງຊັ້ນເພີ່ມຂຶ້ນ, ການໃຊ້ງານສະດວກສະບາຍຂຶ້ນ, ເຂົ້າເຖິງໂຊຊຽວ ແລະ ເກມຕ່າງໆໄດ້ລື່ນສະບາຍຈາກຊິບເຊັດເຮືອທົງບວກກັບ GPU turbo 2.0 ທີ່ Huawei ເອົາມາໄວ້ໃນ Huawei Nova 4 ໜ່ວຍນີ້.
ສຳລັບໃຜທີ່ກຳລັງແນມຫາສະມາດໂຟນຄູ່ກາຍຄູ່ໃຈໜ່ວຍໃໝ່ ຖ້າທ່ານບໍ່ຢາກຕົກເທຣນຂອງສະມາດໂຟນທີ່ມີໜ້າຈໍ Punch Display ເປັນລຸ້ນທຳອິດໃນລາວ ແລະ ສະເປັກທີ່ຈັດມາເຕັມ ພ້ອມເທັກໂນໂລຢີທັນສະໄໝ ທີ່ສຳຄັນຄຸນະພາບເໜືອລາຄາ ແນະນຳເລີຍກັບ Huawei Nova 4 ໜ່ວຍນີ້ ຮັບປະກັນຈະບໍ່ເຮັດໃຫ້ຜິດຫວັງຢ່າງແນ່ນອນ, ສຳລັບມື້ທີ່ວາງຈຳໜ່າຍ ແລະ ລາຄາຂອງສິນຄ້າ ທາງຫົວເຫວີ່ຍລາວຈະປະກາດໃນໄວໆນີ້, ທ່ານສາມາດຕິດຕາມລາຍລະອຽດຕ່າງໆໄດ້ທີ່ເພຈ Huawei Mobile (LA).

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.