ທີ 24 ທັນວານີ້, ໂດຍ ການເຂົ້າຮ່ວມ ແລະ ລັ່ນຄອງ ເປີດພິທີຂອງທ່ານ ສອນໄຊ ສີພັນດອນ ຮອງນາຍົກລັດ ຖະມົນຕີ, ປະທານຄະນະຊີ້ ນໍາລະດັບຊາດຈັດງານປີ ທ່ອງທ່ຽວລາວ, ມີທ່ານ ຈູມມາລີ ໄຊຍະສອນ ອະດີດ ປະທານປະເທດ, ທ່ານ ເລັດ ໄຊຍະພອນ ເຈົ້າແຂວງ ອັດຕະປື, ພ້ອມດ້ວຍມວນ ຊົນຊາວແຂວງອັດຕະປື ແລະ ນັກທ່ອງທ່ຽວທັງພາຍໃນ ແລະ ຕ່າງປະເທດເຂົ້າ ຮ່ວມຢ່າງຫລວງຫລາຍ. ພາຍ ໃນງານນອກຈາກພິທີຄົບງັນທາງສາສະໜາແລ້ວຍັງມີການສະແດງສິນລະປະ ວັນນະຄະດີທີ່ສ່ອງແສງໃຫ້ ເຫັນເຖິງວັດທະນະທຳ, ຮີດຄອງປະເພນີ, ວິຖີການດຳລົງຊີວິດ, ຄວາມສາມັກຄີຮັກ ແພງ, ຂອງປະຊາຊົນບັນດາ ເຜົ່າຊາວແຂວງອັດຕະປືດ້ວຍບັນຍາກາດຟົດຟື້ນ.

ທ່ານ ອຸ່ນຫລ້າ ໄຊຍະສິດ ຮອງເຈົ້າແຂວງ ອັດຕະປື, ປະທານຈັດງານປີທ່ອງ ທ່ຽວ ແຂວງດັ່ງກ່າວໃຫ້ຮູ້ ວ່າ: ເພື່ອຊຸກຍູ້ສົ່ງເສີມການ ທ່ອງທ່ຽວຂອງແຂວງໃຫ້ ມີບັນຍາກາດຟົດຟື້ນ, ອໍານາດການປົກຄອງແຂວງ ໄດ້ກໍານົດເອົາການຈັດງານ ບຸນປະເພນີຕ່າງໆຂອງທ້ອງ ຖິ່ນຕິດພັນກັບການທ່ອງ ທ່ຽວເປັນຕົ້ນແມ່ນບຸນປະ ເພນີໄຂປະຕູເລົ້າເຂົ້າຕິດ ພັນກັບເທສະການປາຫລຸມ ຂອງເຜົ່າອິນທີເມືອງສະ ໜາມໄຊ, ງານບຸນເຂົ້າບ້ານ ທີ່ບ້ານວັງຍາງ ເມືອງພູວົງ, ເທສະການປີໃໝ່ລາວປ່ຽນ ຜ້າບ່ຽງຍະອົງແສນທີ່ວັດ ສະແຄະ, ງານບຸນບັ້ງໄຟທີ່ ບ້ານວັດຫລວງເມືອງໄຊ ເສດຖາ, ບຸນກິນເຂົ້າໃໝ່ ຂອງເຜົ່າຕະຫລຽງ ເມືອງ ຊານໄຊ, ເທສະການອອກ ພັນສາເມືອງສາມັກຄີໄຊ. ນອກນັ້ນ, ຍັງມີການປະ ກວດນາງສາວອັດຕະປື 2018, ງານປະກວດເຂົ້າ ປຸ້ນ, ເຂົ້າເຕົ້າເອກະລັກ, ງານປະກວດພາຂວັນ, ງານ ສະແດງສິນລະປະວັດທະ ນະທຳບັນດາເຜົ່າ, ງານເທ ສະການອາຫານທ້ອງຖິ່ນ, ຕະຫລາດນັດ ແລະ ກິດຈະກໍາ ອື່ນໆ, ເພື່ອຊຸກຍູ້ສົ່ງເສີມວັດທະນະທຳອັນດີງາມຂອງ ປະ ຊາຊົນບັນດາເຜົ່າໃຫ້ນັບມື້ ກວ້າງຂວາງ ແລະ ຍືນຍົງ, ສົ່ງເສີມການຜະລິດສິນຄ້າ ຂອງປະຊາຊົນທ້ອງຖິ່ນໃຫ້ ມີຄວາມຫລາກຫລາຍ, ສ້າງ ມູນຄ່າເພີ່ມ ແລະ ລາຍຮັບ ໃຫ້ປະຊາຊົນໄດ້ເປັນຢ່າງດີ.

ໃນໂອກາດນີ້, ທ່ານເຈົ້າ ແຂວງອັດຕະປື ໄດ້ຕາງໜ້າ ໃຫ້ການນຳແຂວງ ແລະ ປະ ຊາຊົນແຂວງອັດຕະປືຂຶ້ນ ກ່າວເຊີນຊວນແຂກພາຍໃນ ແລະ ຕ່າງປະເທດ ເຂົ້າມາ ທ່ຽວແຂວງອັດຕະປືຜືນ ແຜ່ນດິນຄຳ ຕຳນານພະເຈົ້າ ໄຊຍະເສດຖາຊົມໜອງຟ້າ ເທິງພູ, ບູຊາຍະອົງແສນ, ດິນ ແດນປ່າໄມ້ຂຽວ, ມາທ່ຽວ ເມືອງອົງການເດິຢະເອີຍ, ພ້ອມທັງສຳພັດກັບວັດທະນະທຳທີ່ເປັນເອກະລັກ, ທຳມະຊາດທີ່ຊົງຄຸນຄ່າສວຍສົດງົດງາມຂອງດິນແດນຜືນ ແຜ່ນດິນຄຳແຫ່ງນີ້.

ຂອບໃຈຂໍ້ມູນຈາກ: ຫນັງສືພິມລາວພັດທະນາ

Leave a Reply

This site uses Akismet to reduce spam. Learn how your comment data is processed.