ເມື່ອບໍ່ດົນຜ່ານມານີ້ ໄດ້ມີການຊັບຊ້ອນ ແລະ ແຕ່ງຕັ້ງຕຳແຫນ່ງງານໃຫມ່ ຂອງກອງຄຸ້ມຄອງທາງລົດໄຟ ແນໃສ່ຮັບປະກັນ ການປະຕິບັດຫນ້າທີ່ວຽກງານໃຫ້ໄດ້ ຮັບປະສິດທິພາບສູງຂຶ້ນເປັນກ້າວໆ ໂດຍການເປັນປະທານຂອງທ່ານ ນາງວິໄລຄຳ ໂພສາລາດ ຮອງລັດຖະມົນຕີ ກະຊວງໂຍທາທິການ ແລະ ຂົນສົ່ງ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ

ໂດຍອິງຕາມດຳລັດຂອງນາຍົກລັດຖະມົນຕີ ສະບັບເລກທີ 295/ນຍ ລົງວັນທີ 4 ກັນຍາ 2017 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງ ກະຊວງໂຍທາທິການ ແລະ ຂົນສົ່ງ ອິງຕາມໃບສະເຫນີຂອງ ກອງຄຸ້ມຄອງທາງລົດໄຟ ສະບັບເລກທີ່ 392/ກຄຟ ລົງວັນທີ 27 ກໍລະກົດ 2018 ແລະ ອີງຕາມການເຫັນດີເປັນເອກະພາບ ຂອງກອງປະຊຸມຄະນະປະຈຳພັກກະຊວງ ປະຈຳເດືອນ ສິງຫາ 2018 ຄັ້ງວັນທີ່ 24 ສິງຫາ 2018

ດັ່ງນັ້ນ, ລັດຖະມົນຕີ ກະຊວງໂຍທາທິການ ແລະ ຂົນສົ່ງ ໄດ້ອອກຕົກລົງ ສະບັບເລກທີ 22081/ຍທຂ ລົງວັນທີ 27 ກັນຍາ 2018 ວ່າດ້ວຍ ການແຕ່ງຕັ້ງພະນັກງານຂັ້ນຮອງຫົວຫນ້າ, ຫົວຫນ້າຂະແຫນງ ແລະ ຮອງຫົວຫນ້າຂະແຫນງທີ່ຂຶ້ນກັບ ກອງຄຸ້ມຄອງທາງລົດໄຟ

ໂດຍໄດ້ຕົກລົງແຕ່ງຕັ້ງທ່ານ ບຸນວິໄລ ມີໄຊຄຳ ເປັນຮອງຫົວຫນ້າກອງຄຸ້ມຄອງທາງລົດໄຟ. ໃນນັ້ນ ກໍໄດ້ມີການຊັບຊ້ອນ ແລະ ແຕ່ງຕັ້ງພະນັກງານ ຈຳນວນ12 ທ່ານ ໃນບັນດາຫນ່ວຍງານທີ່ຂຶ້ນກັບ ເຊັ່ນ: ຂະແຫນງຂົນສົ່ງ ໄຟສັນຍານ ແລະ ການສື່ສານ ຂະແຫນງວິສະວະກຳ ແລະ ຂະແຫນງສະຖານີລົດໄຟ.

ສຳລັບບັນດາທ່ານທີ່ຖືກແຕ່ງຕັ້ງ ແມ່ນມີຫນ້າທີ່ຊີ້ນ ນຳພາວຽກງານຕາມພາລະບົດບາດ ຂອບເຂດສິດ ແລະ ຄວາມຮັບຜິດຊອບຂອງຕົນ.

ຂໍຂອບໃຈ ທີ່ມາຈາກ : ຂ່າວເສດຖະກິດ-ການຄ້າ Lao Economic Daily

Leave a Reply

This site uses Akismet to reduce spam. Learn how your comment data is processed.