ທ່ານເຈົ້າແຂວງຈຳປາສັກ ໄດ້ອອກແຈ້ງການເລກທີ 1206/ ຈຂ.ຈສ ລົງວັນທີ 22 ພະຈິກ 2018 ເພຶ່ອຕັດເງິນເດືອນພະນັກງານ, ກົມກອງທະຫານ, ຕຳຫຼວດ ເພຶ່ອຈະໄປຈັດງານສະຫຼອງ ວັນສ້າງຕັ້ງກອງທັບຄົບຮອບ 70 ປີ.

ຂໍ້ຕົກແຈ້ງການເລກທີ1206/ຈຂ.ຈສ ແມ່ນຜົນຂອງກອງປະຊຸມເຈົ້າແຂວງ-ຮອງເຈົ້າແຂວງ, ຄະນະກຳມະການ ປກຊ-ປກສ ແລະ ຄະນະກຳມະການຂັ້ນແຂວງກະກຽມວັນສ້າງຕັ້ງກອງທັບປະຊາຊົນລາງ ຄົບຮອບ 70 ປີ ຄັ້ງວັນທີ 6 ພະຈິກ 2018 ຍ້ອນວ່າ: ຢາກໃຫ້ພະນັກງານທຸກຄົນມີການປະກອບສ່ວນ, ສະແດງຄວາມກະຕັນຍູຮູ້ບຸນຄຸນ, ເຄົາລົບ ແລະ ຊົມເຊີຍ ຕໍ່ວັນວິລະກຳອັນຍິ່ງໃຫຍ່ດັ່ງກ່າວ, ຫາກບໍ່ແມ່ນການຕົກລົງ ແບບພະລະການ-ໃນຕົວຂອງທ່ານໃດທ່ານໜຶ່ງ ເພຶ່ອບັງຄັບຂັ້ນລຸ່ມຈັດຕັ້ງປະຕິບັດ.

ວັນທີ 30 ພະຈິກ 2018 ເຈົ້າແຂວງຈຳປາສັກໄດ້ອອກແຈ້ງການເລກທີ 1264/ຈຂ.ຈສ ເພຶ່ອລົບລ້າງແຈ້ງການເລກທີ1206/ ຈຂ.ຈສ ລົງວັນທີ 22 ພະຈິກ 2018
ໃນແຈ້ງການລະບຸວ່າ: ຄະນະນໍາແຂວງ ໄດ້ເປີດກອງປະຊຸມຄົ້ນຄ້ວາ ກ່ຽວກັບການປະກອບສ່ວນໃນທົ່ວສັງຄົມ ທີ່ຄະນະກຳມະການຂັ້ນແຂວງ ສະເຫຼີມສະຫຼອງວັນສ້າງຕັ້ງກອງທັບ ຄົບຮອບ 70 ປີ ຕົກລົງຕັດເງິນເດືອນ 11-12 ປີ 2018, ພະນັກງານການນຳຂອງແຂວງ 150.000 ກີບ ໃນສອງເດືອນ ແລະ ພະນັກງານ-ລັດຖະກອນ, ທະຫານ, ຕຳຫຼວດ ໃນທົ່ວແຂງ 100.000 ກີບ ໃນສອງເດືອນ ເຫັນວ່າ ບໍ່ທັນເໝາະສົມ ເພາະຫາກໍຜ່ານພົ້ນໄພພິບັດຈາກທຳມະຊາດຫວ່າງບໍ່ດົນມານີ້. ສັງຄົມ ກໍມີຫາງສຽງວິພາກວິຈານ ຕາມແນວຄວາມຄິດຂອງໃຜລາວ ແລະ ອີກຢ່າງໜຶ່ງ ຂໍ້ຕົກລົງແຈ້ງການເລກທີ1206/ ຈຂ.ຈສ ລົງວັນທີ 22 ພະຈິກ 2018 ຍັງບໍ່ທັນໄດ້ຮັບການຈັດຕັ້ງເທຶ່ອ.

Advertisements

Leave a Reply

This site uses Akismet to reduce spam. Learn how your comment data is processed.