ໃນຕອນບ່າຍວັນທີ 26 ພະຈິກ ປີ 2018 ໄດ້ມີການຈັດພິທີມອບ-ຮັບສູນພັດທະນາ ແລະ ຝຶກອົບຮົມ ດ້ານຊອບແວລາວ-ອິນເດຍ ທີ່ ສະຖາບັນເຕັກໂນໂລຊີການສື່ສານຂໍ້ມູນຂ່າວສານ, ກະຊວງ ໄປສະນີໂທລະຄົມມະນາຄົມ ແລະ ການສື່ສານ (ປທສ). ການສ້າງສູນດັ່ງກ່າວ ແມ່ນການຮ່ວມມືກັນລະຫວ່າງ ສະຖາບັນເຕັກໂນໂລຊີການສື່ສານ ຂໍ້ມູນຂ່າວສານ, ກະຊວງ ປທສ ແລະ ສູນ C-DAC ແຫ່ງປະເທດອິນເດຍ.

ເປັນກຽດເຂົ້າຮ່ວມໂດຍ ທ່ານ ປອ ທັນສະໄໝ ກົມມະສິດ ລັດຖະມົນຕີ ກະຊວງ ໄປສະນີ ໂທລະຄົມມະນາຄົມ ແລະ ການສື່ສານ, ທ່ານ ນາງ ແສງເດືອນ ຫຼ້າຈັນທະບູນ ລັດຖະມົນຕີ ກະຊວງສຶກສາທິການ ແລະ ກິລາ, ທ່ານ Ravi Shankar Aisola ເອກອັກຄະລັດຖະທູດອິນເດຍປະຈໍາ ສປປ ລາວ, ຕ່າງໜ້າຈາກ ກະຊວງ ການຕ່າງປະເທດ ແລະ ກະຊວງ ແຜນການ ແລະ ການລົງທຶນ, ບັນດາກົມ ອ້ອມຂ້າງ ກະຊວງ ປທສ, ລັດວິສາຫະກິດໃນຂະແໜງ ການໂທລະຄົມ ແລະ ບໍລິສັດເອກະຊົນຕ່າງໆໃນຂະແໜງກາທີ່ກ່ຽວຂ້ອງກໍ່ໄດ້ເຂົ້າຮ່ວມພິທີ.

ໃນພິທີທ່ານທ່ານ ປອ ທັນສະໄໝ ກົມມະສິດ ລັດຖະມົນຕີ ກະຊວງ ໄປສະນີ ໂທລະຄົມມະນາຄົມ ແລະ ການສື່ສານໄດ້ມີຄຳເຫັນ ເຊິ່ງທ່ານໄດ້ຕີລາຄາສູງ ໃນການຮ່ວມມືກັນຂອງທັງສອງຝ່າຍລາວ-ອິນເດຍໃນການຈັດຕັ້ງປະຕິບັດໂຄງການດັ່ງກ່າວ ທີ່ເປັນການຮ່ວມມືກັນຂອງທັງສອງຝ່າຍ ທັງທາງດ້ານ ບຸກຄະລະກອນ ແລະ ງົບປະມານ ໃນການປັບປຸງ ສ່ວນໜຶ່ງຂອງຫ້ອງຮຽນຂອງ ສະຖາບັນ ໃຫ້ກາຍມາເປັນ ສູນພັດທະນາ ແລະ ຝຶກອົບຮົມ ຊອບແວ ທີ່ ສາມາດເປັນຕົ້ນແບບທີ່ດີໃຫ້ແກ່ໂຄງການຮ່ວມມືອື່ນໆ ໃນອະນາຄົດ.

ສູນດັ່ງກ່າວມີເປົ້າໝາຍໃນການສ້າງ ແລະ ພັດທະນາບຸກຄະລາກອນ ທີ່ມີຄວາມສາມາດໃນການພັດທະນາຊອບແວ ລະດັບສູງເພື່ອສາມາດຕອບສະໜອງຄວາມຕ້ອງການຕົວຈິງປະກອບສ່ວນເຂົ້າໃນວຽກງານການພັດທະນາເສດຖະກິດ ສັງຄົມຢ່າງຮອບດ້ານໄປຕາມຍຸກສະໄໝທີ່ມີຄວາມຮຽກຮ້ອງຕ້ອງການສູງ. ສູນພັດທະນາ ແລະ ຝຶກອົບຮົມຊອບແວລາວ-ອິນເດຍມີຫ້ອງ ແລະ ອຸປະກອນປະກອບດ້ວຍ: ຫ້ອງແລັບສຳລັບການຝຶກອົບຮົມ 2 ຫ້ອງ ເຊິ່ງປະກອບມີຄອມ 60 ໜ່ວຍ, ຫ້ອງຮຽນບັນຍາຍ 01 ຫ້ອງ, ຫ້ອງບໍລິຫານ 04 ຫ້ອງ, ຫ້ອງປະຊຸມ 01 ຫ້ອງ, ຫ້ອງສະໝຸດ 01 ຫ້ອງ ແລະ ຫ້ອງ server 01 ຫ້ອງ.

ຂໍ້ມູນຕິດຕໍ່ພວກເຮົາ
ຕິດ​ຕໍ່​ພວກ​ເຮົາ ໂທ: (+856-21) 312428, ແຟ໋ກ: (+856-21) 312431, ອີ​ເມວ: ipt@mpt.gov.la
ເວັບ​ໄຊ​ທ໌: www.iict.gov.la
ສະ​ຖາ​ບັນ​ຕັ້ງຢູ່ ຖະໜົນມິດຕະພາບ​ ລາວ​-ໄທ, ບ້ານ ວັດ​ນາກ, ​ເມືອງ ສີ​ສັດຕະ​ນາກ, ນະຄອນຫຼວງວຽງຈັນ

Advertisements

Leave a Reply

This site uses Akismet to reduce spam. Learn how your comment data is processed.