ຍຳສະລັດໃຜໆກໍ່ເຮັດໄດ້ ເຮັດກໍ່ງ່າຍທັງດີຕໍ່ສຸຂະພາບຂອງທຸກຄົນນຳອີກ . ການຕຽມເຮັດກໍ່ພຽງແຕ່ ຊອກຊື້ຜັດສະລັດສົດໆ ຫມາກແຕງ ຫມາກເລັ່ນ ຫອມບົວໃຫຍ່ ຫອປ້ອມ ຜັກເຊນາລີ້ ກະລົດ ໄຂ່ ກະທຽມ ຫມາກເຜັດ ຫມາກນາວ ມາຍັອງເນດສຳຫລັບໃສ່ຍຳສະລັດ ຊີ້ນຫມູ ຫລື ເນື້ອຕ່າງໆທີ່ຕ້ອງການໃສ່ເຂົ້ານຳ 

ຫຼັງຈາກກຽມຜັກແລະເຄື່ອງສຳຫລັບເຮັດນ້ຳຍຳສະລັດແລ້ວ ກໍ່ນຳເອົາຜັກມາລ້າງໃຫ້ສະອາດ ແນະນຳໃຫ້ລ້າງຫລາຍນຳ ຜັກສະລັດສາມາດຊອຍຕາມຄຳທີ່ຢາກກິນ ສ່ວນຫມາກແຕງ ຫອມບົວໃຫຍ່ ຫມາກເລັ່ນ ກະລົດ ແນະນຳໃຫ້ຊອຍບາງໆ

ມາຮູ້ວິທີ່ເຮັດນຳຍຳເລີຍ ງ່າຍໆ ຕຽມຄົກກັບສາກໄວ້ ຫລື ຖ້າໃຜມັກໃຊ້ເຄື່ອງປັ່ນກໍ່ໄດ້ເຊັ່ນກັນ : ໃສ່ຫມາກເຜັດຕາມໃຈຄົນທີ່ມັກເລີຍ ກະທຽມ ນ້ຳຕານຈັກສອງບ່ວງ ແປ້ງນົວເຄິ່ງບ່ວງ ຫລື ຖ້າຄົນບໍ່ມັກແປ້ງນົວກໍ່ບໍ່ໃສ່ກໍ່ໄດ້ ຕຳຫລື ບົດໃຫ້ມຸນ ແລ້ວບີບຫມາກນາວ ຈັກສອງປຽງ ຕື່ມນ້ຳປາ 2 ບ່ວງຫລັງຈາກປະສົມຫມົດແລ້ວ ກໍ່ເອົາມາຍັອງເນດ ໃສ່ ຕາມຂະຫນາດຂອງຜັກທີ່ເຮົາຕຽມໄວ້ຍຳ 

ນຳໄຂ່ໄປຕົ້ມໃຫ້ສຸກ ແລ້ວແກະເປືອກອອກ ຖ້າຈະໃຫ້ແຊບ ແມ່ນເອົາ ໄຂ່ແດງປົ່ນໃສ່ນຳນ້ຳຍຳສະລັດແຫ່ງແຊບໄດ້ອີກແບບ ສ່ວນໄຂ່ຂາວແມ່ນຊອຍເປັນປຽງໂຮຍໃສ່ຫນ້າສະລັດໄດ້ເລີຍ .

ສຳຫລັບໃຜທີ່ມັກໃສ່ເນື້ອກໍ່ສາມາດນຳເອົາເນື້ອທີ່ໂຕເອງມັກ ໄປເອື້ອບໃສ່ເຄື່ອງປຸງ ແລ້ວທອດ ຫລື ຊອຍເປັນປຽງແລ້ວຂົ້ວໃສ່ ນ້ຳມັນ ກະທຽມ ຊອດຫອຍ ແລ້ວນຳມາໂຮຍໃສ່ຍຳສະລັດກໍ່ແຊບໄປອີກແບບ ຫລື ສາມາດເອົາມັນຝະລັ່ງມາຊອຍເປັນປຽງບາງໆແລ້ວກໍ່ທອດໃສ່ກອບ ມາຍຳໃສ່ກໍ່ແຊບເຊັ່ນກັນ.

ພຽງເທົ່ານີ້ທ່ານກໍ່ສາມາດ ເຮັດຍຳສະລັດກິນເອງຢູ່ບ້ານໄດ້ແລ້ວ ນີ້ແມ່ນສູດສະເພາະຂອງແອດມິນ ສຸກ ຖ້າໃຜມີສູດແຊບມາບອກແນ່ເດີ້.

LEAVE A REPLY

Please enter your comment!
Please enter your name here