ຫຼາຍໆຄົນ ໂດຍສະເພາະພະນັກງານຫ້ອງການ ເມື່ອຮອດຕອນສວາຍໜັງກິນເຂົ້າສວາຍອື່ມໜັງຕາກໍ່ເລີ່ມໜັກ ເກີດອາການຢາກນອນຫຼັບພັກຜ່ອນສາຍຕາຂຶ້ນມາທັນທີ ມື້ນີ້ແອັດມິນຈະພາທຸກຄົນມາກວດເບິ່ງ, ຮູ້ຈັກໄປພ້ອມໆກັນວ່າ ອາການຫາວນອນ, ເຫງົານອນທີ່ເຮົາເປັນກັນຢູ່ປະຈຳນີ້ ມັນຈະສົ່ງຜົນໃຫ້ຮ່າງກາຍຂອງເຮົາສ່ຽງເປັນພະຍາດໃດແດ່ ຖ້າຢາກຮູ້ເຮົາມາອ່ານພ້ອມກັນເລີຍ.

1. ນອນບໍ່ຫຼັບ: ກໍ່ຍ້ອນນອນບໍ່ຫຼັບ, ນອນບໍ່ພໍ ໂດຍສະເພາະຄົນທີ່ຄິດເລື່ອງວຽກຫຼາຍ, ຄົນມັກນອນເດິກ ຫຼື ຄົນທ່ຽວເດິກ ມັກຈະມີອາການນີ້.

2. ຮ່າງກາຍອ່ອນເພຍ: ອາການນີ້ມີຜົນຕໍ່ເນື່ອງມາຈາກການນອນບໍ່ຫຼັບ ເມື່ອຄົນທີ່ມີອາການນອນບໍ່ຫຼັບຕິດຕໍ່ກັນຫຼາຍຄືນກໍ່ຈະເຮັດໃຫ້ຮ່າງກາຍອ່ອນເພຍ ແລະ ຕ້ອງການການພັກຜ່ອນ ນອກຈາກນີ້ຍັງອາດມີສາເຫດອື່ນເນື່ອງຈາກການທີ່ທ່ານກິນອາຫານປະເພດແປ້ງ ແລະ ນ້ຳຕານຫຼາຍຈົນເກີນ ຈົນສົ່ງຜົນໃຫ້ຮ່າງກາຍຂອງທ່ານເກີດມີອາການອ່ອນເພຍ, ເມື່ອຍ, ຄວາມຈຳບໍ່ດີປານໃດ, ປວດຫົວ ແລະ ນອນຫຼັບບໍ່ສະໜິດດີ.

3. ເບົາຫວານ:ເນື່ອງຈາກປະລິມານນ້ຳຕານສູງ ແລະ ອາການມັກເຫງົານອນນີ້ເປັນສັນຍານທຳອິດທີ່ສະແດງ ຫຼື ເຕືອນໃຫ້ທ່ານຮູ້ວ່າຮ່າງກາຍຂອງທ່ານນັ້ນຢູ່ໃນພາວະນ້ຳຕານໃນເລືອດສູງອາດນຳໄປສູ່ພະຍາດເບົາຫວານໄດ້.

4. ລົມຫຼັບ: ຄົນທີ່ເປັນພະຍາດນີ້ຕອນກາງເວັນຈະຢາກນອນເອົາແທ້ເອົາວ່າ ແຕ່ພໍຕົກກາງຄືນມາພັດຕາແຈ້ງບໍ່ຢາກນອນ, ນອນຈັ່ງໃດກໍ່ບໍ່ຫຼັບ ຫາກປ່ອຍໃຫ້ເປັນດົນໆບໍ່ໄດ້ຮັບການຮັກສາ ຈະສົ່ງຜົນເສຍໃຫ້ກັບສຸຂະພາບຈິດທີ່ອາດກາຍເປັນຄົນຫງຸດງິດງ່າຍ ສະໝອງຊ້າ.

5. ເລືອດຈາງ: ແມ່ຍິງຈະມີໂອກາດເປັນພະຍາດເລືອດຈາງໄດ້ງ່າຍ ເພາະສາເຫດອາດມາຈາກການໄດ້ຮັບສານອາຫານທີ່ມີປະໂຫຍດບໍ່ພຽງພໍ ນອກຈາກນີ້ຍັງສູນເສຍເລືອດເນື່ອງຈາກມີປະຈຳເດືອນ ສ່ວນສາເຫດອື່ນຍັງມາຈາກການພັກຜ່ອນບໍ່ພຽງພໍ ຈິ່ງເຮັດໃຫ້ຮູ້ສຶກເມື່ອຍງ່າຍ, ບໍ່ສົດຊື່ນ ແລະ ມັກເຫງົານອນຢູ່ຕະຫຼອດ

6. ເປັນແຜໃນກະເພາະອາຫານ ຫຼື ອະໄວຍະວະສ່ວນອື່ນໆໃນຮ່າງກາຍ : ຜູ້ທີ່ມີບັນຫາເລື່ອງກະເພາະ ແລະ ມັກຈະເປັນຣິດສີດວງທະວານໜັກເລື່ອຍໆ ອາດເປັນສາເຫດຂອງການອ່ອນເພຍ, ໜ້າມືດ, ເປັນລົມງ່າຍ, ອ່ອນແຮງ ແລະ ມັກເຫງົານອນຕະຫຼອດໄດ້ຄືກັນ.

ແຫລ່ງຂໍ້ມູນຈາກ: health.sanook.com

LEAVE A REPLY

Please enter your comment!
Please enter your name here